جۇمىسپەن قامتۋ ۇيىمدارى ارقىلى 1196 ادام تۇراقتى جۇمىسقا ورنالاستىرىلىپ, 105 ادام الەۋمەتتىك جۇمىس ورىندارىنا جىبەرىلدى. جاستار پراكتيكاسىنا 357 جاس مامان ۋاقىتشا جۇمىسقا قابىلدانىپ, ونىڭ 55-ءى تۇراقتى جۇمىسقا ورنالاستى. 791 ادام اقىلى قوعامدىق جۇمىسقا تارتىلدى. سونىمەن قاتار «اۋىل - ەل بەسىگى» باعدارلاماسى اياسىندا قۇنى – 184,5 ملن تەڭگە بولاتىن 5 كوشەنىڭ اۆتو جولىنا جوندەۋ جۇمىستارى جۇرگىزىلدى. «نۇرلى جول» باعدارلاماسى اياسىندا قۇرىلىسى ءجۇرىپ جاتقان, 19,8 ملرد تەڭگە بولاتىن «بەينەۋ-اقجىگىت-وزبەكستان رەسپۋبليكاسى شەكاراسى» اۆتوموبيل جولىنىڭ 80 كم اسفالت توسەلدى.
ەسەپتى باياندامادان كەيىن وبلىس اكىمى حالىق تاراپىنان قويىلعان سۇراقتارعا جاۋاپ بەرىپ, اۋدان اكىمىنە بىرقاتار تاپسىرما بەردى. ولار حالىق تۇتىناتىن تاۋار باعاسىن ءبىر قالىپتى ۇستاۋ, مىندەتتى الەۋمەتتىك مەديتسينالىق ساقتاندىرۋ بارىسىن حالىققا ءتۇسىندىرۋ, جەدەل-جاردەم كولىگىن كوبەيتۋ, اۋىلىشىلىك جولداردى جوندەۋ جانە تاعى باسقا.
ەڭ باستىسى, اۋدانداعى ورتا جانە بيزنەستى دامىتۋ كەرەكتىگىن تاپسىردى. بارلىق تۇرعىنداردىڭ ۇسىنىستارى قابىلدانىپ, ماسەلەنى شەشۋ جولدارى قارالاتىنىن جەتكىزدى.
