اۋدان ورتالىعى بەينەۋ اۋىلىندا جاڭا تەمىر جول ۆوكزالى سالۋ ۋاقىت تالابى. بۇگىنگى تاڭدا ۆوكزالدان تاۋلىگىنە 24 پويىز وتەدى. ونىڭ التاۋى حالىقارالىق باعىتتا قاتىنايدى. 1986 جىلى 10-15 ادامعا ارنالىپ سالىنعان ۆوكزال سىيىمدىلىعى جاعىنان تارلىق ەتىپ, بۇگىنگى تالاپتارعا ساي كەلمەي وتىر. اتالعان ماسەلەلەر وڭ شەشىمىن تابۋ ماقساتىندا جاڭا ۆوكزال سالۋ جوسپارلانىپ وتىر. ايماق باسشىسى جەكە كاسىپكەردىڭ قاراجاتىنا سالۋدى جوسپارلاپ وتىرعان جوبامەن تانىستى.
اۋدان اكىمدىگى جوبا بويىنشا قۇزىرلى ورگاندارمەن جان جاقتى جۇمىس جۇرگىزىپ, ينۆەستورعا قولداۋ كورسەتۋدى تاپسىردى. قازاقستان تەمىر جولى جانە باسقا دا جاۋاپتى مەكەمەلەردەن قولداۋ تاپسا, بەينەۋ اۋدانىندا جاڭا تەمىرجول ۆوكزالى بوي كوتەرمەك. مۇنان سوڭ ايماق باسشىسى اۋدان اكىمدىگىندە ورنالاسقان «اشىق الاڭدا» اۋدان تۇرعىندارىن جەكە ماسەلەلەرىمەن قابىلدادى. قابىلداۋدا بولعان ازاماتتار كاسىپكەرلىك باعىتتا نەسيە الۋ, گاز تارتۋعا كومەك, اۋىز سۋ تارتۋ جانە اتاۋلى الەۋمەتتىك كومەك ماسەلەلەرى بويىنشا سۇراقتارىن قويىپ, جاۋاپتى ماماندار تاراپىنان جاۋاپتار بەرىلدى.
سونىمەن قاتار ءوڭىر باسشىسى اۋدانداعى قوعام بەلسەندىلەرىمەن كەزدەسىپ, ۇسىنىستارىن تىڭداپ, بەلسەندىلەر تاراپىنان قويىلعان سۇراقتارعا جاۋاپ بەردى. ۇسىنىستارى قاپەرگە الىنىپ, جۇمىستار بىرگە جاسالاتىنىن جەتكىزدى. سونداي-اق ءوڭىر باسشىسى ءسۇت زاۋىتىندا بولىپ, كاسىپورىننىڭ قازىرگى حال-احۋالىمەن تانىستى.
2020 جىلدىڭ قاڭتار ايىندا ءوز جۇمىسىن باستاعان ء«ادىل ءسۇت زاۋىتى» جشس تاۋلىگىنە 1,5 توننا ءسۇت ونىمدەرىن شىعارادى.
- عيمارات جالپى اۋماعى 363,70 م كۆادرات جەردى الىپ وتىر. جوبا قۇنى 38 ملن تەڭگەنى قۇرايدى, قازىرگى تاڭدا 17 ادامدى تۇراقتى جۇمىسپەن قامتىپ وتىرمىز, - دەيدى جوبا قۇرىلتايشىسى سادۋاقاسوۆ ازرەتحالي. بولاشاقتا زاماناۋي تەحنولوگيالار ارقىلى ءوندىرىستىڭ قۋاتتىلىعىن 5 تونناعا دەيىن ارتتىرۋ جوسپارلانىپ وتىر. سونىمەن قاتار قوسىمشا شۇجىق, سىر جانە بالمۇزداق وندىرەتىن تسەحتار سالىپ, ىسكە قوسىپ, جۇمىسشىلار سانىن 35 ادامعا دەيىن كوبەيتۋ. جالپى قازىرگى تاڭدا ءسۇت, ايران, قايماق, سۇزبە, شالاپ, شۇبات جانە قۇرت ءوندىرىپ وتىر.
