«جاس وسپىرىمدەر اراسىندا وسى قازاق كۇرەسىنەن بىرىنشىلىكتىڭ العاش رەت اقتاۋ قالاسىندا ءوتۋى, وعان قولداۋ تاپقانى قۋانتادى. ويتكەنى, جىلدان جىلعا اتا-انالار تاراپىنان قازاق كۇرەسىنە دەگەن قىزىعۋشىلىق ارتىپ كەلەدى. وسىعان وراي, جاڭا وقۋ جىلىنان باستاپ وسى سپورت ءتۇرىن مەكتەپتەردە ءپان رەتىندە ەنگىزۋدى جوسپارلاپ وتىرمىز. الدىمەن, نۇر-سۇلتان قالاسى مەن ماڭعىستاۋ وبلىسىندا پيلوتتىق جوبا رەتىندە ىسكە اسىرىلادى. باعدارلاماسى ازىرلەنىپ, ماماندار دايارلاۋ بارىسى قولعا الىندى», - دەدى قازاق كۇرەسى فەدەراتسياسىنىڭ باس حاتشىسى باقداۋلەت ءسابيتوۆ.
وسى باعىتتا جىلدىڭ سوڭىنا دەيىن قازاق كۇرەسى اكادەمياسى قۇرىلىپ, ماماندار دايىنداۋ جۇمىستارى جۇرگىزىلمەك. 1-4 سىنىپتارعا قازاق كۇرەسىنەن اكروباتيكا رەتىندە, ال 5-11 سىنىپ وقۋشىلارى اراسىندا ارنايى ءپان رەتىندە وتكىزىلەدى دەپ جوسپارلانۋدا. سونداي-اق قىز بالالار دا وسى سپورت تۇرىمەن اينالىسۋعا مۇمكىندىكتەر جاسالعان.
«وسىنداي بەدەلدى جارىستاردى ولكەمىزدە وتكىزۋ ارقىلى قازاق كۇرەسىنىڭ وبلىسىمىزدا قارقىندى دامۋىنا ەرەكشە ەكپىن بەرەمىز», - دەيدى ۇيىمداستىرۋشىلار.
