وقۋ-جاتتىعۋلار جاۋىنگەرلىك دايارلىق جوسپارىنا سايكەس شىنايى ۇرىس بارىسىنا بارىنشا ۇقساس جاعدايلاردا ۇيىمداستىرىلدى. جاتتىعۋ بارلىق بولىمدەردىڭ ءبىر ۋاقىتتا جوعارى جاۋىنگەرلىك دايارلىق جاعدايىنا كەلتىرىلىپ, اسكەري تەحنيكامەن مارش جاساۋدان باستالدى. جەكە قۇرام بەلگىلەنگەن ايماققا جەتۋ ءۇشىن 300 كم-دەن استام اراقاشىقتىقتى ءوتىپ شىقتى.
وقۋ-جاتتىعۋ ورنىندا اسكەري قىزمەتشىلەر ءتۇرلى اراقاشىقتىقتاعى نىسانالاردىڭ كوزىن جويۋ, قول گراناتاسىن اتۋ, اۋە نىسانالارى بويىنشا تۇندە كورۋ قۇرىلعىلارىن قولدانا وتىرا اتىس جۇرگىزۋ ەلەمەنتتەرىن ورىندادى.
تاكتيكالىق وقۋ-جاتتىعۋلار جەكە قۇرامنىڭ دالالىق ماشىقتىلىعى مەن بولىمشەلەردىڭ ۇيلەسىمدىلىگىن ارتتىرۋ ماقساتىندا وتكىزىلدى.
دەسانتتىق-شابۋىلداۋشى اسكەرلەرى قولباسشىسىنىڭ جاۋىنگەرلىك دايارلىق جونىندەگى ورىنباسارى, پولكوۆنيك بولات دۇيسەمباەۆتىڭ ايتۋى بويىنشا, كومانديرلەر مەن جەكە قۇرام شتاتتىق قارۋلاردىڭ بارلىق تۇرىنەن اتىس جۇرگىزۋ مەن بەرىلگەن قوسالقى جەكە قۇرامدى باسقارۋ بويىنشا ەپتىلىكتەرىن ارتتىردى, ولاردىڭ جۇمىسىن ۇيىمداستىرۋ, اتىستى باسقارۋ بويىنشا تاجىريبە الا الدى.
دەسانتتىق-شابۋىلداۋشى اسكەرلەرىنىڭ قولباسشىسى, گەنەرال-مايور قانىش ابۋباكىروۆ وقۋ-جاتتىعۋعا جوعارى باعاسىن بەرىپ, 61993 اسكەري ءبولىمىنىڭ كومانديرى, پودپولكوۆنيك بەگىمبەت تاجىباەۆتىڭ جەكە قۇرامدى جان-جاقتى دايىنداعانى ءۇشىن ۇلگى ەتتى.
