ايماقتار • 29 قاڭتار، 2020

اقتاۋدا نەفرولوگتارعا ارنالعان كونفەرەنتسيا ءوتتى

59 رەتكورسەتىلدى

كونفەرەنتسيا قازاقستان رەسپۋبليكاسىندا نەفرولوگيالىق قىزمەتتى جەتىلدىرۋ ماقساتىنداعى 2019-2020 جىلدارعا ارنالعان «جول كارتاسى» اياسىنداعى ءىس-شارالاردى ورىنداۋ ماقساتىندا ۇيىمداستىرىلعان. بۇل رەتتە الماتى قالاسىنداعى «قازاقستاننىڭ نەفرولوگتارى، دياليز دارىگەرلەرى مەن ترانسپلانتولوگتارف قوعامى» رقب جەتەكشىسى، پروفەسسور، مەديتسينا عىلىمدارىنىڭ كانديداتى، ۇلتتىق عىلىمي مەديتسينالىق ورتالىعى اق ءبولىم باسشىسى سالتانات تۇعانبەكوۆا ارنايى كەلدى. بۇل تۋرالى ماڭعىستاۋ وبلىستىق دەنساۋلىق ساقتاۋ باسقارماسى ءباسپاسوز قىزمەتى حابارلادى.

شارا كەزىندە مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋ بويىنشا ارنايى بايانداما ەنگىزىلدى. كونفەرەنتسيا جۇمىسىنا اقتاۋ قالاسى ەمحانالارى مەن اۋداندىق ەمحانالاردىڭ جالپى تاجىريبەلى دارىگەرلەر، تەراپەۆت، نەفرولوگ ماماندار قاتىستى.

ەلىمىز بويىنشا نەفرولوگيا جانە بۇيرەك الماستىرۋ تەراپياسى، ياعني دياليز جانە  ترانسپلانتولوگيا قارقىندى دامۋ الىپ كەلەدى. قازىرگى تاڭدا بۇيرەك شاماسىزدىعىنىڭ سوزىلمالى تۇرىمەن اۋىراتىن ناۋقاستار سانى جالپى الەم بويىنشا، ونىڭ ىشىندە قازاقستاندا دا جىلدان جىلعا ارتا تۇسۋدە. وعان اكەلەتىن سەبەپتەر ءارتۇرلى – قانت ديابەتى 30 %، گلومەرۋليارلىق بۇيرەك اۋرۋلارى 25 %، جۇرەك-قانتامىر جۇيەسىنىڭ اۋرۋلارى، ونىڭ ىشىندە ەمگە كونبەيتىن ارتەريالدى گيپەرتەنزيا اۋرۋى 25 %، دانەكەر تەرىسىنىڭ اۋرۋلارى، بۇيرەك تاس اۋرۋى سياقتى اۋرۋلار توبى 25 % قۇرايدى.

سونداي-اق گەمودياليز ەمشاراسى ساپاسىنىڭ جاقسارۋىنا بايلانىستى ناۋقاستاردىڭ ءومىر ءسۇرۋ ساپاسىنىڭ ارتۋى، كورسەتىلىمدەر بويىنشا اۋرۋدى انىقتاۋ دەڭگەيىنىڭ ارتۋى تاعى بار. قازىرگى تاڭدا امبۋلاتورلىق دەڭگەيدە نەفرولوگيالىق ناۋقاستاردى ديسپانسەرلىك ەسەپكە الۋ، باقىلاۋ، ستاتسيونارلىق دەڭگەيدە ەمدەۋ كورسەتىلىمدەرى، جۇرگىزۋ ستاندارتتارى، امبۋلاتورلىق جانە جەدەل گەمودياليز جۇمىستارىن جۇرگىزۋ كورسەتىلىمدەرى، ستاندارتتارى، پەريتونەالدى گەمودياليز، بۇيرەك ترانسپلانتاتسياسىن وتكەنرەگر ناۋقاستاردى جۇرگىزۋ، ديسپانسەرلىك قاداعالاۋ ستاندارتتارى كورسەتىلگەن.

بۇگىندە وبلىسىمىزدا 223 ناۋقاس تۇراقتى باعدارلامالى گەمودياليز ەمىن الادى. ناۋقاستار ءوز تاڭداۋى بويىنشا ەمدەلەتىن كلينيكانى وزدەرى تاڭداۋ قۇقىنا يە. ايتا كەتۋ كەرەك، اتالعان ناۋقاستاردىڭ ىشىندە 130 ناۋقاس بۇيرەك ترانسپلانتاتسياسىنا جارامدى بولىپ تابىلادى. سونىمەن قاتار 46 ناۋقاسقا بۇيرەك ترانسپلانتاتسياسى جاساقتالىپ، تۇراقتى تۇردە يممۋننوسۋپرەكسسيۆتى پرەپاراتتارمەن قامتىلعان. اتالعان 46 ىشىندە 27 ناۋقاسقا بۇيرەك ترانسپلانتاتسياسى ەلىمىزدىڭ الماتى جانە نۇر-سۇلتان قالالارىنداعى كلينيكالاردا جاسالعان. 55 ناۋقاس سبج 2-4 ساتىسىمەن زارداپ شەگەدى، ديسپانسەرلىك ەسەپتە تۇرعاندار سانى 20، گلومەرۋليارلىق بۇيرەك اۋرۋى بويىنشا ەسەپتە تۇر.

اتالعان سالا بويىنشا ءدارىس وقىعان سالتانات كەڭەسقىزى، دارىگەرلەر تاراپىنان قويىلعان بارلىق سۇراقتا تۇشىمدى جاۋاپتار قايتارىپ، ءوزىنىڭ تاجىريبەسىمەن ءبولىستى. سونداي-اق، ۇستىمىزدەگى جىلدىڭ ءساۋىر ايىندا تۇركيانىڭ ساپاندج شاھارىندا عىلىمي-پراكتيكالىق وقىتۋ كونفەرەنتسياسىنا وتەتىندىگىن جانە وعان ەلىمىزدىڭ ءار وڭىرىنەن دارىگەرلەر قاتىساتىندىعى تۋرالى حابارلادى. ءتورت كۇنگە جالعاساتىن شارادا اقش، ەۋروپا، رەسەي، تۇركيا مەن قازاقستاننىڭ عالىمدارى، پروفەسسورلارى جانە  سالا ماماندارى بۇيرەك مەن ترانسپلانتولوگيا تاقىرىبىن تەرەڭ زەرتتەپ، ءوزارا تاجىريبە الماساتىن بولادى. اتالمىش كونفەرەنتسيا جۇمىسىنا ماڭعىستاۋلىق دارىگەرلەردىڭ دە قاتىسۋى مۇمكىن.

سوڭعى جاڭالىقتار

فۋتبول ماۋسىمى جالعاسا ما؟

سپورت • بۇگىن، 14:48

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

جۇدىرىقتاي جۇمىلايىق

رۋحانيات • بۇگىن، 07:45

ۇقساس جاڭالىقتار