ايماقتار • 29 قاڭتار، 2020

2020 جىلى جاڭاوزەندە 4725 جۇمىس ورنى قۇرىلادى

185 رەتكورسەتىلدى

وتكەن جىلدىڭ قورىتىندىسىنا سايكەس، قالانىڭ الەۋمەتتىك-ەكونوميكالىق دامۋىنىڭ بارلىق ماكروكورسەتكىشتەرىنىڭ وڭ ديناميكاسى قامتاماسىز ەتىلگەن. بۇل تۋرالى جاڭاوزەن قالاسىنىڭ اكىمى م.يباعاروۆتىڭ ەسەپ بەرۋىندە ايتىلدى، دەپ حابارلادى ماڭعىستاۋ وبلىسى اكىمىنىڭ ءباسپاسوز قىزمەتى.

«وزەنمۇنايگاز» مەكەمەسى بارلىعى 5 579،1 مىڭ توننا شيكى مۇناي وندىرگەن. (2018ج.–5480،4 مىڭ توننا)، وتكەن جىلمەن سالىستىرعاندا 98،7 مىڭ تونناعا نەمەسە 1،8%-عا ءوستى. سونداي-اق 708،7 ملن تەكشە مەترگە گاز ءوندىرىلدى (2018ج.–629،3ملن تەكشە مەتر)، بىلتىرعى جىلمەن سالىستىرعاندا 79،4 ملن تەكشە مەتر ارتىق ءوندىرىلدى. قازىرگى تاڭدا جاڭاوزەن حالقىنىڭ سانى 153،7  مىڭ ادام. ونىڭ 81،4 مىڭى قالادا بولسا، اۋىل حالقى– 72،3 مىڭدى قۇرايدى.

جاڭاوزەن قالاسى بويىنشا ەڭ وزەكتى ماسەلەلەردىڭ ءبىرى – جۇمىسسىزدىق. جىل باسىنان بەرى جۇمىسپەن قامتۋ ورتالىعىنا 11 060 ادام حابارلاسىپ، ولاردىڭ 6541-ءى جۇمىسقا ورنالاستىرىلعان. ونىڭ ىشىندە 4596 ادام تۇراقتى جۇمىسقا، 1443 ادام قوعامدىق جۇمىستارعا ، 230 ادام الەۋمەتتىك جۇمىس ورىندارىنا 272 ادام جاستار تاجىريبەسىنە بويىنشا. بۇل وتكەن جىلعا قاراعاندا 1169 ورىنعا كوبەيگەن. ال 2020 جىلى 4725 جۇمىس ورنى قۇرىلادى جوسپارلانىپ وتىر.

-سونىمەن قاتار «وزەنمۇنايگاز» اق قاراجاتى ەسەبىنەن «وزەنينۆەست» مكك-دا شتات بىرلىگىن ۇلعايتۋ ارقىلى قوسىمشا 350 جاڭا جۇمىس ورنى قۇرىلىپ، جۇمىسسىزدىق ەسەبىندە تۇرعان ازاماتتار جۇمىسپەن قامتىلدى. ولاردىڭ قىزمەتىنىڭ نەگىزگى باعىتى - قالانى اباتتاندىرۋ، سپورت، بالالار ويىن الاڭدارى مەن ساياباقتارىن اباتتاندىرۋ مەن كۇتىپ ۇستاۋ، دەدى ماقسات يباعاروۆ.

ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» باعدارلاماسىنىڭ 1-ءشى باعىتى بويىنشا قىسقا مەرزىمدى كاسىپتىك وقۋعا 144 ادام جولدانىپ ، سونىڭ 115 ادامى وقۋلارىن اياقتاپ، 78 ادام تۇراقتى جۇمىسقا ورنالاستى.  سونداي-اق «باستاۋ بيزنەس» جانە «جاس كاسىپكەر» جوبالارى بويىنشا 680 ادام كاسىپكەرلىك نەگىزدەرىنە وقىتىلىپ، سەرتيفيكاتتارىن الدى. 150 ادام قايتارىمسىز گرانتقا يە بولىپ، 17 ادامعا نەسيە بەرىلدى. «نۇر-كاپيتال» باعدارلاماسى اياسىندا 1،4 ملرد.تەڭگەنى قۇرايتىن 70 جوبا ماقۇلدانىپ، 608 جۇمىس ورنى قۇرىلادى دەپ جوسپارلانۋدا. سونىڭ ىشىندە 860،0 ملن.تەڭگەنى قۇرايتىن 39 جوبا قارجىلاندىرىلىپ، 9 جوبا ىسكە اسىرىلماق.

سوڭعى جاڭالىقتار

ۇقساس جاڭالىقتار