«باتىس» وڭىرلىك اسكەرلەرىنىڭ قولباسشىسى پولكوۆنيك نۇرلان الدياروۆتىڭ باسشىلىعىمەن اتىراۋ وبلىسىندا اۋماقتىق قورعانىس بريگاداسىمەن كوماندالىق-شتابتىق جۇمىلدىرۋ وقۋ-جاتتىعۋى وتكىزىلدى.
وقۋ-جاتتىعۋ ءمانى بويىنشا اۋماقتىق قورعانىس بريگاداسى جاۋىنگەرلىك ازىرلىكتىڭ جوعارى دەڭگەيىنە كەلتىرىلدى. جاتتىعۋ بارىسىندا بريگادانىڭ باستى ماقساتى رەتىندە اسكەري جانە مەملەكەتتىك ماڭىزدى نىسانداردى قورعاۋ بولىپ تابىلدى. بريگادا جەكە قۇرام مەن اسكەري تەحنيكانى قابىلداۋ ورىندارىن اشتى.
وقۋ-جاتتىعۋلاردىڭ باستى ماقساتى – باسقارۋ, بايلانىس پەن حابارلاندىرۋ جۇيەلەرىن ۇيىمداسترىلۋىن تەكسەرۋ, اسكەرلەردىڭ تارالۋىن ىسكە اسىرۋ مەن اۋماقتىق قورعانىس بريگاداسىن جاۋىنگەرلىك ازىرلىكتىڭ جوعارى دەڭگەيىنە كەلتىرۋ. وقۋ-جاتتىعۋ بارىسىندا بريگادا كومانديرىمەن ءتيىستى جاعدايعا قاتىستى شەشىم قابىلدانىپ, شتابپەن كەرەكتى ەسەپ جۇرگىزىلىپ, بريگادا باسقارمالارىنىڭ بارلىق لاۋازىمدى تۇلعالارىنىڭ قاتىسۋىمەن جوسپارلاۋ قۇجاتتارىن دايىنداۋ بويىنشا جۇمىستار ءارى قاراي ۇيىمداستىرىلدى.
-باسقارۋ ورگاندارى ءىس-ارەكەتىنىڭ ۇيلەسىمدىلىگىن ارتتىرۋ ماقساتىندا جەدەل جاعدايدا باستاپقى ماسەلەلەردى جەتكىزۋ ارقىلى جانە كەنەتتەن تۋىنداعان سۇراقتاردى شەشۋ ءۇشىن بۇيرىقتار بەرىلىپ وتىردى, دەدى «باتىس» وڭىرلىك اسكەرلەرى قولباسشىلىعى باسقارماسىنىڭ اۋماقتىق قورعانىس ءبولىمىنىڭ باستىعى پودپولكوۆنيك قايىرحان قاناتوۆ.
اۋماقتىق قورعانىستىڭ ماڭىزدى مىندەتى ەلدى مەكەندەردى, ماڭىزدى وبەكتىلەر مەن كوممۋنيكاتسيالاردى كۇزەتۋ جانە حالىقتى قورعاۋ بولىپ تابىلاتىنىن ايتا كەتكەن ءجون.
اۋماقتىق قورعانىس بريگادالارى باسقارمالارىمەن كوماندالىق-شتابتىق وقۋ-جاتتىعۋلار ءجيى وتكىزىلىپ تۇرادى. الدىن-الا تالداۋلارعا قاراعاندا شتابتار جاۋىنگەرلىك ءىستىڭ جاقسى دەڭگەيىن كورسەتۋدە.
