سپورت • 28 قاڭتار، 2020

شايبالى حوككەي: «بارىس» «ءاۆتوموبيليستى» ۇتتى

18 رەتكورسەتىلدى

قۇرلىقتىق حوككەي ليگاسىنداعى (قحل) كەزەكتى تۋر ويىنىن ەكاتەرينبۋرگتە وتكىزگەن نۇر-سۇلتاننىڭ «بارىسى» جەرگىلىكتى «اۆتوموبيليستەن» باسىم ءتۇستى.

ءبىرىنشى كەزەڭدە كوربەن نايت سوققان گولدان كەيىن قوناقتار العا شىقتى. ۇزىلىستەن كەيىن ايدىن يەلەرى ەسەپتى تەڭەستىردى. بىراق جەرگىلىكتى جانكۇيەرلەردىڭ بۇل قۋانىشى ۇزاققا سوزىلمادى. 32 مينۋتتا نيكيتا ميحايليس پەن 39 مينۋتتا لينۋس ۆيدەلل نىسانانى ءدال كوزدەدى. ءۇشىنشى كەزەڭدە ەۆگەني موزەر ەسەپ ايىرماشىلىعىن قىسقارتقانىمەن، باسەكەنىڭ اياقتالۋىنا 19 سەكۋند قالعاندا داستين بويد ماتچتىڭ سوڭعى نۇكتەسىن قويدى. ەسەپ – 2:4.  

قازىرگى كەزدە «بارىس» تۇراقتى بىرىنشىلىكتىڭ جارىس كەستەسىندە التىنشى ورىندا كەلەدى. شىعىس كونفەرەنتسياسىندا ءبىزدىڭ جىگىتتەر ءۇشىنشى ساتىعا جايعاستى. چەمپيونات باستالعالى بەرى بارلىعى 53 باسەكە وتكىزگەن جەرلەستەرىمىز 69 ۇپايدى يەلەنۋدە.

ءوزىنىڭ كەلەسى كەزدەسۋىن ەلوردالىق حوككەيشىلەر 30 قاڭتاردا نۇر-سۇلتاندا نيجنەكامسكىنىڭ «نەفتەحيميگىنە» قارسى وتكىزەدى.   

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار