سپورت • 26 قاڭتار، 2020

تەننيس: زارينا دياس تا جەڭىلدى

34 رەتكورسەتىلدى

قازاقستاننىڭ ءۇشىنشى راكەتكاسى، WTA رەيتينگىندە 73 ورىندا تۇرعان زارينا دياس تا مەلبۋرندە ءوتىپ جاتقان اۋستراليانىڭ اشىق ءبىرىنشىلىگىنىڭ ءۇشىنشى اينالىمىندا جەڭلىستىڭ كەرمەك ءدامىن تاتتى.

باستاپقى باسەكەدە زارينا WTA رەيتينگىندە 24 ورىندا تۇرعان امەريكالىق

اماندا انيسيموۆادان ايلاسىن اسىرعان ەدى – 6:3، 4:6، 6:3. كەلەسى كەزدەسۋدە ول رەسەيلىك اننا بلينكوۆادان باسىم ءتۇستى – 4:6، 6:4، 6:3.

ءۇشىنشى كەزەڭدە جەرلەسىمىزدىڭ جولى نەدەرلاندىق كيكي بەرتەنسپەن قيىستى. الەمنىڭ 10 راكەتكاسىنا قارسى ويىندا دياس جەڭلىس تاپتى. 1 ساعات 37 مينۋتقا سوزىلعان بۇل سايىس 2:6، 6:7 ەسەبىمەن اياقتالدى.

وسىلايشا، قازاقستاننىڭ تەننيسشىلەرى ءۇشىن اۆستراليانىڭ اشىق بىرىنشىلىگىنىڭ جەكەلەگەن سايىسى اياقتالدى. زارينا دياستان بولەك، ەلەنا رىباكينا مەن يۋليا پۋتينتسەۆا ءۇشىنشى اينالىمعا دەيىن جەتتى. ال الەكساندر بۋبليك پەن ميحايل كۋكۋشكين تۇساۋكەسەر كەزدەسۋلەرىندە ءسۇرىندى. ەندى ءبىز جۇپتىق ويىنداردىڭ ناتيجەلەرىن كۇتەمىز.  

سوڭعى جاڭالىقتار

ۇقساس جاڭالىقتار