ايماقتار • 23 قاڭتار، 2020

ماڭعىستاۋ سوتتارىندا قارالعان قىلمىستىق ىستەر سانى كوبەيگەن

51 رەتكورسەتىلدى

مۇنداي مالىمەتتى «قوعامدىق كوممۋنيكاتسيا ورتالىعىندا»  وتكەن ماڭعىستاۋ وبلىسى سوتتارىنىڭ 2019 جىلى اتقارىلعان جۇمىس قورىتىندىسى تۋرالى  بريفينگتە قىلمىستىق ىستەر جونىندەگى سوت القاسىنىڭ توراعاسى ەرجان قاراباەۆ ءمالىم ەتتى.      

بريفينگكە وبلىستىق سوتتىڭ ازاماتتىق ىستەر جونىندەگى سوت القاسىنىڭ توراعاسى نۇرساپا پريماشەۆ پەن وبلىستىق سوتتىڭ سۋدياسى، باق-پەن بايلانىسىن ۇيلەستىرۋشىسى ايجان مولباەۆا دا قاتىستى.  

«ەسەپتى مەرزىمدە قارالعان قىلمىستىق ىستەردىڭ ستاتيستيكاسى تۋرالى بايانداپ، وڭىردە زورلاۋ (2019-13، 2018-5)، ۇرلىق (2019-174، 2018-130)، الاياقتىق (2019-105، 2018-90)، قاراقشىلىق (2019-34، 2018-28) بويىنشا قىلمىستىق ىستەردىڭ كوبەيگەن. 2019 جىلدىڭ 12 ايىندا اۋداندىق جانە وعان تەڭەستىرىلگەن سوتتاردا 2037 قىلمىستىق ءىس 2307 تۇلعاعا قاتىستى اياقتالعان، 1537 ىسكە قاتىستى ۇكىم شىعارىلىپ سوتتالعان (2018 جىلدىڭ 12 ايىندا – 1929 قىلمىستىق ءىس ءتۇسىپ، 1874 قىلمىستىق ءىس 1921 ادام بويىنشا اياقتالعان). وتكەن جىلدىڭ كەزەڭىمەن سالىستىرعاندا 386 تۇلعا/163 ىسكە كوبەيگەن» دەدى ىستەر جونىندەگى سوت القاسىنىڭ توراعاسى ە.قاراباەۆ.

18 تۇلعا بويىنشا اقتاۋ ۇكىمى شىعارىلعان، (ونىڭ ىشىندە 14 تۇلعا جەكە ايىپتاۋ ىستەرى بويىنشا اقتالعان) (2018 جىلدىڭ 12 ايىندا – 23 تۇلعا اقتالسا، ونىڭ ىشىندە 11 تۇلعا جەكە ايىپتاۋ ىستەرى بويىنشا اقتالعان).

18 تۇلعاعا قاتىستى اقتاۋ ۇكىمدەرى اقتاۋ قالالىق سوتىندا -7، جاڭاوزەن قالالىق سوتىندا –7، ماڭعىستاۋ اۋداندىق سوتى-1، مۇنايلى اۋداندىق سوتىندا – 2، مامانداندىرىلعان اۋدانارالىق قىلمىستىق سوتى-1 شىعارىلعان.

وبلىس سوتتارىندا مەدياتورلارمەن 261 (اياقتالعان ىستەردىڭ 12،8%) قىلمىستىق ءىس قارالىپ، سوتتالۋشىلار جابىرلەنۋشىلەرمەن تاتۋلاسۋىنا بايلانىستى قىلمىستىق ءىس وندىرىستەن قىسقارتىلعان (2018ج. 12 ايىندا –260 ءىس وندىرىستەن قىسقارتىلعان، مەدياتورمەن 178 ءىس، 68،4%) ياعني 83 ىسكە كوبەيگەن.

سوتتالعان ايەل ادام سانى-160، ونشا اۋىر ەمەس-35، ورتاشا-39، اۋىر-50، اسا اۋىر-1، تەرىس قىلىقپەن-35، جەكە ايىپتاۋ بويىنشا – 6. سىبايلاس جەمقورلىققا قاتىستى 2019 جىلدىڭ 12 ايىندا 47 تۇلعاعا قاتىستى ءىس اياقتالعان (2018 جىلى-28 تۇلعا)،ونىڭ ىشىندە باس بوستاندىعىنان ايىرۋعا سوتتالعاندار-9، شەكتەۋ جازاسى-11، ايىپپۇل سالىنعان-25، قك-ءنىڭ 71-بابىنىڭ 1 -بولىگىنىڭ 2-تارماعىنا ساي، ەسكىرۋ مەرزىمىنىڭ وتۋىنە بايلانىستى قىلمىستىق جاۋاپتىلىقتان بوساتىلعان- 2. وتكەن جىلمەن سالىستىرعاندا 19 تۇلعاعا كوبەيگەن.

ودان ءارى ايجان مولباەۆا «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭنىڭ قابىلدانعاندىعىن ايتىپ، ونىڭ ىشىندە كولىكتەگى قۇقىق بۇزۋشىلىقتارعا، كوشى-قون سالاسىنداعى، جەكە تۇلعاعا قول سۇعاتىن اكىمشىلىك قۇقىق بۇزۋشىلىق بويىنشا باستى وزگەرىستەرگە توقتالىپ ءوتتى. سونداي-اق ول سوت ءىسىن جۇرگىزۋدە قازىرگى زامانعى اقپاراتتىق تەحنولوگيالاردى قولدانۋ ماسەلەسىنە توقتالىپ، ونىڭ ىشىندە سوت وتىرىسىنا قاشىقتىقتان قاتىسۋ، تالاپ ارىزداردى ەلەكتروندى بەرۋ، سوت پروتسەستەرىنىڭ اۋديو-بەينەجازبالارعا تاسپالانۋى تۋرالى ايتتى.

ازاماتتىق ىستەر جونىندەگى سوت القاسىنىڭ توراعاسى نۇرساپا پريماشەۆ ءوڭىر بويىنشا ەسەپتى مەرزىمدە ازاماتتىق جانە اكىمشىلىك ىستەردىڭ سانى ەداۋىر ازايىپ، مەدياتسيا تارتىبىمەن قىسقارتىلعان ىستەردىڭ سانى ارتىپ وتىرعانىن تىلگە تيەك ەتتى.

ستاتيستيكالىق مالىمەتتەرگە سايكەس، وسى كەزەڭدە بارلىعى 21 655 ءىس قارالىپ اياقتالعان، بىلتىر اياقتالعان ىستەردىڭ سانى 36 434 بولاتىن، ياعني بارلىق اياقتالعان ىستەردىڭ سانى 14 779 داناعا ازايعان.

2191 ءىس تاتۋلاستىرۋ راسىمدەرىن قولدانۋ ارقىلى قىسقارتىلعان. ولاردىڭ ىشىندە 351 ءىس بىتىمگەرشىلىككە كەلۋ ارقىلى اياقتالعان. بىلتىر 1549 ءىس تاتۋلاستىرۋ راسىمدەرىن قولدانۋ ارقىلى اياقتالعان، ياعني بۇل كورسەتكىش 642 داناعا وسكەن. ولاردىڭ ىشىندە 1834 ءىس مەدياتسيانىڭ تارتىبىمەن اياقتالعان. پارتيسيپاتيۆتىك كەلىسىمگە كەلۋ ارقىلى 6 ءىس قارالعان، بىلتىر دا 6 ازاماتتىق ءىس پارتيسيپاتيۆتىك تارتىپتە قارالعان بولاتىن.

ەسەپتى كەزەڭدە اقتاۋ قالاسىنىڭ مامانداندىرىلعان اكىمشىلىك جانە وبلىستىڭ اۋداندىق سوتتارىنا بارلىعى 14 696 اكىمشىلىك ءىس تۇسكەن، ولاردىڭ 14381-ءى قارالعان. بىلتىر سوتتاردا 17243 ءىس قارالعان، ياعني قارالعان ىستەردىڭ سانى 2862 داناعا ازايعان.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار