ايماقتار • 23 قاڭتار، 2020

اقتاۋدا العاش رەت مۇمكىندىگى شەكتەۋلى بالالارعا ارنالعان مەديا-مەكتەپ اشىلادى

30 رەتكورسەتىلدى

بۇل تۋرالى وبلىستىق قوعامدىق كوممۋنيكاتسيا ورتالىعىندا وتكەن بريفينگتە ۇلتتىق دەلفي كوميتەتىنىڭ ۇيىمداستىرۋىمەن ەلوردادا وتكەن «باتىر بول» الەۋمەتتىك جوباسىنىڭ ماڭعىستاۋ وبلىسى بويىنشا جەتەكشىسى كەنجەگۇل تايعارا مالىمدەدى.

ۇلتتىق دەلفي كوميتەتىنىڭ قازاقستانداعى اقش ەلشىلىگىنىڭ شاعىن گرانتىن ىسكە اسىرۋ اياسىندا  قولعا الىنعان «باتىر بول» الەۋمەتتىك جوباسىنىڭ ىرىكتەۋىنە وڭىردەن 51 بالا قاتىسىپ، ونىڭ 8-ءى رەسپۋبليكاعا جولداما العان. جوبانىڭ ماقساتى - بۇكىل قازاقستانداعى ەرەكشە قاجەتتىلىككە يە جاستاردى وقىتۋ ارقىلى الەۋمەتتىك جارناما وندىرۋشىلەردىڭ ايماقتىق جەلىسىن دامىتۋ. 10 كۇن بويى مۇمكىندىگى شەكتەۋلى بالالار، بولاشاق مەدياشىلار الەۋمەتتىك جارنامانى جاساۋ مەن ونى عالامتور جەلىسىندە تاراتۋدىڭ قىر-سىرىن مەڭگەرۋدى ۇيرەنىپ، ەرەكشە اسەرمەن ورالدى. 

-«جالپى جوباعا پەتروپاۆل، اتىراۋ، اقتاۋ قالالارىنان جاستار قاتىستى. ۇيىمداستىرۋشىلار ءار وبلىستان كەلگەن بالالاردى توپ-توپقا ءبولىپ، دوستىق قارىم-قاتىناستا جۇمىس جاساۋعا ۇيرەتتى. قاتىسۋشىلار مۇمكىندىگى شەكتەۋلى ەكەندەرىنە قاراماستان، تىڭ يدەيالارىمەن، ۆيدەو-بلوگ تۇسىرۋدە تاڭدالعان تاقىرىپتارى ەرەكشە ءتانتى ەتتى. قۋانا ايتا كەتەتىن ءجايت، رەسپۋبليكا بويىنشا العاش رەت اقتاۋدا وسى مۇمكىندىگى شەكتەۋلى بالالاردى دامىتىپ، ارى قاراي جىگەرلەندىرۋ ماقساتىندا مەديا-مەكتەپ اشىلۋ جوسپارلانۋدا» دەدى كەنجەگۇل تايعارا.

ساباقتان بولەك، قاتىسۋشىلار نۇر-سۇلتان قالاسىندا مادەني ورتالىقتاردى ارالاپ، وزدەرى ۇلگى  تۇتاتىن جۋرناليستەرمەن تانىسىپ، پىكىر الماسقان. ەرەكشە اسەرمەن ورالعان ولار جوبادان العان تىڭ اقپاراتتارىن دامۋ جولىندا پايدالانباق.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار