تاعايىنداۋ • 22 قاڭتار، 2020

«قازمۇنايگاز» ۇك باسقارما توراعاسىنىڭ ورىنباسارى تاعايىندالدى

884 رەتكورسەتىلدى

2020 جىلعى 21 قاڭتاردان باستاپ «قازمۇنايگاز» ۇك اق باسقارما توراعاسىنىڭ ستراتەگيا، ينۆەستيتسيالار جانە بيزنەستى دامىتۋ جونىندەگى ورىنباسارى بولىپ ابدۋلعافاروۆ داستان ەلەمەس ۇلى تاعايىندالدى. بۇل تۋرالى اتالعان كومپانيانىڭ جۇرتشىلىقپەن بايلانىس دەپارتامەنتى حابارلادى.

ول قمگ ۇك دامۋ ستراتەگياسىنىڭ ىسكە اسىرىلۋىنا، بيزنەس-جوسپاردىڭ قالىپتاستىرىلۋى مەن ورىندالۋىنا، ينۆەستيتسيالىق جوبالار پورتفەلىنىڭ ءتيىمدى باسقارىلۋىنا، سونداي-اق جاڭا اكتيۆتەردى ساتىپ الۋ جونىندەگى مامىلەلەردىڭ جۇزەگە اسىرىلۋى مەن قولدانىستاعى بيزنەس-باعىتتاردى كەڭەيتۋگە جاۋاپتى بولادى. بۇعان دەيىن داستان ابدۋلعافاروۆ «قازمۇنايگاز» ۇك اق اپپارات باسشىسى – دامۋ جونىندەگى باسقارۋشى ديرەكتورى قىزمەتىن اتقارىپ كەلدى.

ديرەكتورلار كەڭەسىنىڭ 2019 جىلعى 23 جەلتوقسانداعى شەشىمىمەن بەكىتىلگەن جاڭا ۇيىمدىق قۇرىلىم كورپوراتيۆتىك باسقارۋدىڭ تيىمدىلىگىن ارتتىرۋدى جانە ۇلتتىق كومپانيانىڭ ستراتەگيالىق مىندەتتەردى شەشۋگە باعىتتالعان قىزمەتىن نىعايتۋدى قامتاماسىز ەتۋگە ءتيىس.

ابدۋلعافاروۆ داستان ەلەمەس ۇلى – زاڭ جانە ەكونوميكا سالاسىندا جوعارى ءبىلىمى بار، «سكولكوۆو» ماسكەۋ باسقارۋ مەكتەبى Executive MBA دارەجەسىنىڭ يەگەرى.

قمگ كومپانيالار توبىندا 17 جىلدان استام قىزمەت ەتىپ كەلەدى. «قازمۇنايتەڭىز» تمك» اق جاڭا جوبالاردى دامىتۋ دەپارتامەنتىنىڭ ديرەكتورى، «قازمۇنايگاز» بارلاۋ ءوندىرۋ» اق بيزنەستى دامىتۋ جونىندەگى باسقارۋشى ديرەكتورى، باس ديرەكتوردىڭ ەكونوميكا جانە قارجى جونىندەگى ورىنباسارى لاۋازىمدارىندا جۇمىس اتقاردى.

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار