قازاقستان • 21 قاڭتار، 2020

رومان سكليار قازاقستانعا نەمىس ينۆەستيتسياسىن تارتۋ ماسەلەسىن كوتەردى

17 رەتكورسەتىلدى

وسى جىلدىڭ 20 قاڭتارىندا گەرمانيا فەدەراتيۆتىك رەسپۋبليكاسىنىڭ دورتمۋند قالاسىندا قازاقستان رەسپۋبليكاسى پرەمەر-ءمينيسترىنىڭ ورىنباسارى رومان سكلياردىڭ نەمىس بيزنەسىنىڭ وكىلدەرىمەن كەزدەستى. كەزدەسۋگە 40-تان استام نەمىس كومپانيالارىنىڭ باسشىلارى قاتىستى. بۇل تۋرالى primeminister.kz حابارلادى. 

«ەكىجاقتى قارىم-قاتىناس تاجىريبەسى گەرمانيانىڭ سەنىمدى سەرىكتەس ەكەنىن كورسەتەدى. ءبىز ءبىر ورىندا تۇرمايمىز جانە سىزبەن بىرگە بارلىق باعىتتار بويىنشا ىنتىماقتاستىقتى كەڭەيتۋ جانە دامىتۋ ءۇشىن جاڭا مۇمكىندىكتەر تاپقىمىز كەلەدى. قازاقستاندا گەرمان كاپيتالىنىڭ قاتىسۋىمەن 1000-نان استام كاسىپورىن جۇمىس ىستەيدى»، — دەپ اتاپ ءوتتى ر. سكليار ءوز سوزىندە.

ۇكىمەت باسشىسىنىڭ ورىنباسارى ەكى ەل اراسىنداعى سەرپىندى بيزنەس-ىنتىماقتاستىقتى دامىتۋ مۇمكىندىكتەرىنە، نەمىس ينۆەستيتسيالارىن تارتۋعا، ونەركاسىپ، ەنەرگەتيكا، اۋىل شارۋاشىلىعى سالالارىنداعى بىرلەسكەن جوبالاردى جۇزەگە اسىرۋ جونىندەگى ناقتى ماسەلەلەردى تالقىلاۋعا جانە قازاقستان ەكونوميكاسى ءۇشىن اسا ماڭىزدى باعىتتارعا توقتالدى.

ءوز كەزەگىندە گەرمان ەكونوميكاسىنىڭ شىعىس كوميتەتىنىڭ باسقارما توراعاسى وليۆەر گەرمەس بۇكىل الەمگە تانىمال نەمىس وندىرۋشىلەرى – «Siemens»، «Dillinger Hüttenwerke AG»، «OTTO Fuchs KG»، «DMT Group» جانە ت. ب. ەكى ەلدىڭ ءوزارا ءتيىمدى ىنتىماقتاستىعىن قارقىنداتۋدىڭ ماڭىزدىلىعى تۋرالى ايتتى.

تۇتاستاي العاندا، سوڭعى جىلدارى ماشينا جاساۋ، قۇرىلىس، حيميا، ەنەرگەتيكا، جەك، اگروونەركاسىپتىك كەشەن، ساۋدا، شيكىزات كەن ورىندارىن يگەرۋ سالالارىندا جانە ەكونوميكانىڭ باسقا دا سەكتورلارىندا 2 ملرد ەۋرودان استام سوماعا بىرلەسكەن ينۆەستيتسيالىق جوبالار ىسكە اسىرىلدى. ولاردىڭ 90%-دان استامى «شيكىزاتتىق ەمەس» سەكتورعا تيەسىلى.

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار