ايماقتار • 21 قاڭتار، 2020

اقتاۋدا جاڭادان تاەكۆوندو سپورت كلۋبى ەسىگىن اشتى

69 رەتكورسەتىلدى

اقتاۋدا سالتاناتتى تۇردە جاڭادان «Taifun» سپورت كلۋبىنىڭ اشىلۋى ءوتتى. شاراعا ماڭعىستاۋ وبلىستىق Taekwondo GTF فەدەراتسياسىنىڭ پرەزيدەنتى، قارا بەلبەۋ مەن 4 دان يەگەرى ساتتىعۇل ءابىتوۆ، جاس جاۋىنگەرلەردىڭ اتا-انالارى جانە سپورت جاناشىرلارى قاتىستى.

قاجەتتى سپورتتىق قۇرال-سايماندار جابدىقتالعان زالدىڭ اشىلۋىن اقتاۋلىقتار كوپتەن كۇتكەن بولاتىن. ەندىگى جەردە تاجىريبەلى باپكەرلەر بالالار مەن ەرەسەكتەرگە تاەكۆوندونىڭ قىر-سىرىن ۇيرەتۋگە دايىن. العاشقى بولىپ ءسوز العان «Taifun» سپورت كلۋبىنىڭ جەتەكشىسى بۇركىت يساك ۇلى، سپورت زال قاجەتتىلەردىڭ بارلىعىمەن قامتىلعانىن جانە وسىنداي ۇيىرمەلەردەن الەمدى مويىنداتار سپورتشىلار شىعاتىنىنا كۇمان كەلتىرمەيتىنىن جەتكىزدى. 

بۇگىنگى شاراعا بەلسەندى قاتىسۋعا كەلگەندەرىڭىز ءۇشىن العىس ايتامىن. بولاشاقتا وسى زال كاسىپقوي سپورتشىلار شىعاتىن ورىنعا اينالادى دەپ سەنەمىن. جالپى ەلىمىزدە تاەكۆوندو قارقىندى دامىپ كەلە جاتىر. ءبىزدىڭ سپورت زالدا 250 بالا جاتتىعاتىن بولادى،- دەيدى باپكەر بۇركىت يساك ۇلى. 

شاراعا كەلگەن اتا-انالار كلۋ تاربيەلەنۋشىلەرىنە سەنىم ارتاتىندارىن ءبىلدىردى.

- «ورلەۋ»، «Taifun» جانە «Dragon» سپورت كلۋبتارىندا جاتتىعاتىن بالعىن تاەكۆوندوشىلار حالىقارالىق تۋرنيرلەر، ەل بىرىنشىلىكتەرى جانە الەم چەمپيوناتتاردا جۇلدەگەر اتانىپ ءجۇر. ەڭ باستىسى ولاردىڭ بويىندا جەڭىسكە دەگەن جىگەرى بارى قۋانتادى. وزدەرىنىڭ سپورتتىق شەبەرلىكتەرىن شىڭداپ، ءوزارا تاجىريبە الماسىپ، الدا وتەتىن جارىستارعا دايىندىقتى باستاپ كەتتى. كەلەر ايدىڭ 16 جۇلدىزىندا قالالىق اشىق تۋرنير وتكىزۋ جوسپارلانىپ وتىر. ەندەشە جاس تاەكۆوندوشىلارعا اتوي سالىپ، ءوڭىردىڭ نامىسىن الەمدىك ارەنالاداردا ابىرويمەن قورعاۋىنا تىلەك بىلدىرەمىز،- دەيدى اتا-انالار اتىنان ماڭعىستاۋ وبلىستىق Taekwondo GTF فەدەراتسياسى جانىنداعى اتا-انالار كوميتەتىنىڭ مۇشەسى نۇربول قونجار.

 

 

ماڭعىستاۋ وبلىسى

 

 

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار