مەديتسينا • 21 قاڭتار، 2020

وتاندىق ستارتاپ ايماق مەديتسيناسىنا قانداي وزگەرىس اكەلدى؟

40 رەتكورسەتىلدى

SOS مەديتسينالىق جۇيەسىن ماڭعىستاۋدا العاشقى بولىپ وبلىستىق پەريناتالدىق ورتالىعى ورناتقان بولاتىن. جوبانىڭ جەتەكشىسى، قوعامدىق دەنساۋلىق ساقتاۋ ساراپشىسى نۇرتۋعان مۇمامەداليەۆ ورتانىلعانىنا 1 جىلدان اسقان ۋاقىت ىشىندە ونىڭ قانداي پايدا اكەلگەندىگىنە كوز جەتكىزۋ ءۇشىن، نۇر-سۇلتان شاھارىنان ارنايى اقتاۋ قالاسىنا كەلدى. 2014 جىلى قولعا الىنعان وتاندىق جوباعا قولداۋ بىلدىرگەن پەريناتالدىق ورتالىعىنىڭ باسشىسى جامال جامانباەۆاعا العىسى شەكسىز ەكەندىگىن جەتكىزدى. بۇل تۋرالى ماڭعىستاۋ وبلىستىق دەنساۋلىق ساقتاۋ باسقارماسى ءباسپاسوز قىزمەتى حابارلادى.

ايتا كەتۋ كەرەك، جۇيە بويىنشا قابىلداۋ ءبولىمىنىڭ كەزەكشىسى شۇعىل جانە قارقىندى مەديتسينالىق كومەكتى قاجەت ەتەتىن جۇكتى ايەلدەر تۇسكەن كەزدە «SOS» شۇعىل شاقىرۋ ءپۋلتىن باسىپ، قاجەتتى مامانداردى شاقىرا الادى. ال شاقىرتىلعان دارىگەرلەر نەمەسسە مەدبيكەلەر شۇعىل ارەكەت ەتىپ، قابىلداۋ بولىمىنە تۇسكەن ناۋقاستى وتا جاساۋ بولمەسىنە كەدەرگىسىز جەتكىزەدى نەمەسە باسقا دا كومەكتەر كورسەتە الادى. بارلىق اۋرۋحانا بولىمدەرىنىڭ قىزمەتكەرلەرى «SOS مەديتسينالىق جۇيەسى» بويىنشا وقۋدان وتكەن، اسىرەسە رەانيماتولوگ، اكۋشەر-گينەكولوگ، جاۋاپتى كەزەكشى دارىگەر، ديرەكتوردىڭ ەمدەۋ ءىسى جونىندەگى ورىنباسارى، لابورانت، دارىگەرلەر مەن مەيىربيكەلەر. 

ماڭعىستاۋ وبلىستىق «انا مەن بالا» ورتالىعىنىڭ ديرەكتورى جامال جامانباەۆانىڭ ايتۋىنشا، «SOS مەديتسينالىق جۇيەسى» جوباسىنىڭ ءمانى – ناۋقاستارمەن قىزمەتكەرلەرگە ارنالعان يننوۆاتسيالىق قاۋىپسىزدىك تەحنولوگيالارىن قۇرۋعا باعىتتالعان. اتالمىش جوبانىڭ ىسكە قوسىلعانىنا 1 جىلدان ءسال اسقان جانە باتىس وڭىرىندە العاشقى بولىپ قوندىرعان دا وسى پەريناتالدىق ورتالىق بولىپ تابىلادى.

- بۇل جۇيە وتە ىڭعايلى، ەڭ الدىمەن ەمدەلۋشىلەر مەن مەدبيكەلەر اراسىندا تىكەلەي بايلانىس ورناتۋعا مۇمكىندىك بەرىپ وتىر. پەريناتالدىق ورتالىققا شۇعىل تۇردە جەتكىزىلگەن جۇكتى ايەلدەرگە وتا بولمەسىنە اپارۋ قاجەتتىگى تۋىنداسا، SOS تەتىگىن باسۋ ارقىلى مەدبيكەلەر كومەككە شاقىرىلىپ، قانداي قاجەتتىلىك كەرەكتىگى ايتىلادى. بىلايشا ايتقاندا ۇيالى تەلەفوننىڭ ءرولىن اتقارادى دەۋگە بولادى. ەڭ باستىسى ۋاقىت جوعالتپاي ناۋقاستارعا ساپالى قىزمەت كورسەتىلەدى جانە قاجەتتى كومەك 40 سەكۋند پەن 1 مينۋت ارالىعىندا جاسالادى. كوبىنە قابىلداۋ ءبولىمى، بوسانۋ زالى، بوسانۋدان كەيىنگە ءبولىم جانە رەانيماتسيا ءبىر-بىرىمەن ءجيى بايلانىسادى. وتە ىڭعايلى ءارى پايدالى ەكەندىگىنە كوز جەتكىزدىك. بۇىگندە ەلىمىزدە مىندەتتى الەۋمەتتىك مەديتسينالىق ساقتاندىرۋ ەنگىزىلگەننەن كەيىن، وسىنداي جوبالار مەديتسينالىق ۇيىمدار تاراپىنان قولداۋ تاپقانى دۇرىس دەپ ەسەپتەيمىن،- دەيدى جامال ابدىبەكقىزى.

SOS  مەديتسينالىق جۇيەسى «دەنساۋلىق» باعدارلاماسى اياسىندا جۇزەگە اسىرىلۋدا. ماسەلەن ناۋقاستىڭ جاعدايى اۋىرلاپ، جەدەل كومەك كەرەك  بولعان جاعدايدا قولدانىلادى. تەتىكتى باسساڭىز جەتىپ جاتىر، كەزەكشى مەدبيكەگە شۇعىل حابار جەتەدى. وسىلايشا قىزمەت كورسەتۋ ساپاسىن ارتتىرىپ، ۋاقىت ۇنەمدەلەدى جانە ناۋقاستارعا باقىلاۋ كۇشەيەدى. SOS  مەديتسينالىق جۇيەسى وبلىستىق پەريناتالدىق ورتالىعىنىڭ 13 نۇكتەسىنە ورناتىلعان. تاعى ءبىر ەرەكشەلىگى ەمدەلۋشىلەردەن تۇسكەن بارلىق ارىز-شاعىمدار مەن مالىمەتتەردى ورتالىق ديرەكتورى ءوز باقىلاۋىندا ۇستاپ وتىرادى.

-بۇل جۇيە ناۋقاستاردىڭ قاۋىپسىزدىك دەڭگەيىن جوعارىلاتۋعا جانە مەديتسينالىق قىزمەت كورسەتۋ ساپاسىن ودان ءارى ارتتىرۋ ماقساتىندا ورناتقان بولاتىنبىز. وسى ۋاقىتاقا دەيىن 3000-نان استام جوسپارلى جانە شۇعىل شاقىرتۋلار جاسالعان. «مەديتسينالىق ينتسيدەنت» دەگەن تەرمين بار، بارلىق ارەكەتتەر وسى جۇيە ارقىلى تىركەلەدى. بۇل جۇيە 2014 جىلى قۇرىلدى جانە اۆتورلىق قۇقىق يەگەرى اتانىپ وتىرمىز. جالپى SOS مەديتسينالىق جۇيەسى نۇر-سۇلتان قالاسىنداعى قازىرگى EXPO اۋماعىنداعى «Astana Hub» دەگەن يننوۆاتسيوندى IT - تەحنوپاركىندە جالعاسۋدا جانە قازىرگى ۋاقىتتا 2.0 نۇسقاسى جاسالۋدا. قىسقاشا ايتقاندا سول استانا پاركىنىڭ العاشقى تۇلەگى بولىپ ەسەپتەلەمىز. وتاندىق يننوۆاتسيالىق تەحنولوگيانى العاشقى بولىپ قولداعان جامال جامانباەۆا جەتەكشىلىك ەتەتىن ماڭعىستاۋ وبلىستىق پەريناتالدىق ورتالىعى. بۇل وڭىردە تۋ كورسەتكىشى جوعارى. ءبىر مەزگىلدە جۇكتى ايەلدەردى جاتقىزاتىن ورىن تاپشىلىعى سەزىلۋى مۇمكىن جانە مۇنداي كەزدە شۇعىل قيمىلداۋعا تۋرا كەلىپ جاتاتىن كەزدەر بولۋى مۇمكىن، دەيدى ول.  

بۇگىندە اتالمىش وتاندىق جوباعا قىزىعۋشىلىق تانىتىپ جاتقان مەديتسينالىق مەكەمەلەر از ەمەس. ماڭعىستاۋ وبلىستىق پەريناتالدىق ورتالىعىنان كەيىن بەينەۋ اۋداندىق اۋرۋحاناسى SOS  مەديتسينالىق جۇيەسىن ورناتقان.

 

 

ماڭعىستاۋ وبلىسى

سوڭعى جاڭالىقتار

ۇقساس جاڭالىقتار