ايماقتار • 10 جەلتوقسان، 2019

وسكەمەندە ورالحان بوكەيدىڭ ادەبي زالى اشىلادى

57 رەتكورسەتىلدى

«BOKEY.KZ» سايتى تانىستىرىلادى.

تاۋەلسىزدىك مەرەكەسى قارساڭىندا ورالحان بوكەي اتىنداعى قالالىق ورتالىق كىتاپحانادا قازاقتىڭ كورنەكتى جازۋشىسى، مەملەكەتتىك سىيلىقتىڭ يەگەرى ورالحان بوكەيدىڭ ادەبي زالىنىڭ سالتاناتتى اشىلۋ ءراسىمى وتەدى. «شاراعا زيالى قاۋىم وكىلدەرى، ادەبي زالدى كەرەك-جاراقتارمەن جابدىقتاۋعا كومەكتەسكەن جوبا دەمەۋشىلەرى قاتىسادى. شارا بارىسىندا و.بوكەيدىڭ قولجازبالارى، بولگار، ەستون، اعىلشىن، قىرعىز، نەمىس، جاپون، فرانتسۋز، سونداي-اق باسقا دا شەتەل تىلدەرىنە اۋدارىلعان كىتاپتارى جانە سۋرەتشىلەر ب.ۋرمانچە مەن ب.ءيسيننىڭ تۋىندىلارى قويىلعان «BOKEY.KZ» سايتى تانىستىرىلادى. رەسەي جازۋشىسى، اۋدارماشى ا.كيم جولداعان بەينەقۇتتىقتاۋ كوپشىلىك نازارىنا ۇسىنىلادى. جازۋشىنىڭ شىعارماشىلىعى،  دارا دارىنى، ادامگەرشىلىك بولمىسى حاقىندا تۋعان-تۋىستارى جانە جوعارى وقۋ ورىندارىنىڭ وقىتۋشىلارى، مەكتەپ ۇستازدارى  اڭگىمەلەيدى. ەستەلىكتەر مەن وي-پىكىرلەردەن كەيىن قوناقتار «ەسكە الىڭدار، سول قالپىمدا مەنى...» اتتى كىتاپ كورمەسىمەن، فوتوسۋرەتتەرمەن تانىسادى» دەلىنگەن كىتاپحانا تاراتقان مالىمەتتە.

 وسكەمەن

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار