اقىن, قوعام جانە مەملەكەت قايراتكەرى ساكەن سەيفۋلليننىڭ 125 جىلدىق مەرەيتويى اياسىنداعى بۇل سپورتتىق شارا 8-10 قاراشا كۇندەرى وتەدى. ءتۋرنيردى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى, قازاقستاننىڭ ەتنوسپورت قاۋىمداستىعى, قاراعاندى وبلىسىنىڭ اكىمدىگى, قاراعاندى وبلىسىنىڭ دەنە شىنىقتىرۋ جانە سپورت باسقارماسى, «قانسونار» رقب جانە شەت اۋدانىنىڭ اكىمدىگى ۇيىمداستىرعالى وتىر.
تۋرنير باعدارلاماسىنا ساي, بۇركىت, سۇڭقار جانە قارشىعا سىندى قۇستار كوگەرشىندەر مەن قويانداردى اۋلايدى, تۇلكى مۋلياجىن ۇستاپ الىپ كەلۋ جانە ەركىن ۇشۋ بويىنشا جارىسادى. سونداي-اق تۋرنير بارىسىندا تازىلاردىڭ كورمەسى وتەدى, سودان كەيىن جۇيرىك يتتەر 350-400 مەترگە جارىسادى جانە سوڭعى سىناق رەتىندە ولاردىڭ ىزشىلدىگى سىنالادى. تازىلار تۇلكى, قويان جانە بورسىقتى ىزدەپ تابۋى كەرەك.
جارىس جەڭىمپازدارىن اقشالاي سىيلىقتار, مەدالدار جانە كۋبوكتار كۇتىپ تۇر.
قاراعاندى وبلىسى
