الەمنىڭ 130 ەلىنىڭ باسشىلارى قاتىسقان جاڭا يمپەراتوردىڭ تاققا وتىرۋ ءراسىمىنىڭ جاپون حالقى ءۇشىن ماڭىزى زور. سەبەبى جاپوندار «رەيۆا» جاڭا داۋىرىنە اياق باسقالى وتىر.
جاپوندار ءۇشىن نۇرسۇلتان نازارباەۆتىڭ يادرولىق قارۋدى تاراتپاۋ ماسەلەسىندەگى ۇستانىمى ەرەكشە سيمۆولدىق مانگە يە ەكەنى جاسىرىن ەمەس. جاپونيا يادرولىق شابۋىلدىڭ قاسىرەتىن باستان كەشىرگەن الەمدەگى بىردەن-ءبىر مەملەكەت رەتىندە ن.نازارباەۆتىڭ بەيبىت باستامالارىن, اسىرەسە جاھاندىق يادرولىق قارۋسىزدانۋ سالاسىنداعى باستامالارىن جوعارى باعالايدى.
بۇگىن دە ءبىزدىڭ ەلىمىز – يادرولىق قارۋدى تاراتپاۋعا ەلەۋلى ۇلەس قوسقان جاھاندىق انتيادرولىق قوزعالىستىڭ كوشباسشىسى. وسىنى ەسكەرە وتىرىپ, 2008 جىلى بۇرىنعى يمپەراتور اكيحيتو قازاقستاننىڭ تۇڭعىش پرەزيدەنتىنە جاپونيانىڭ ەڭ جوعارى مەملەكەتتىك ناگراداسى – « ۇلى تاسپاداعى حريزانتەما وردەنىن» تاپسىرعان ەدى.
قازاقستان مەن جاپونيانىڭ انتيادرولىق ۇستانىمى – ەكى ەلدىڭ حالىقارالىق ارەنادا تىعىز ىنتىماقتاستىعىن قامتاماسىز ەتەتىن ماڭىزدى يدەولوگيالىق ەلەمەنت.
2015-2017 جىلدارى قازاقستان مەن جاپونيا يادرولىق سىناقتارعا جاپپاي تىيىم سالۋ تۋرالى شارتتىڭ كۇشىنە ەنۋىنە ىقپال ەتۋ ءۇشىن 9-شى كونفەرەنتسيانىڭ تەڭ توراعاسى بولدى.
ەكى ەلدى جاقىنداستىراتىن تاعى ءبىر ماڭىزدى سالا – كورەيا تۇبەگىندەگى دەنكۋليزاتسيا ماسەلەسى. قازاقستاننىڭ مۇنداعى يادرولىق داعدارىستى شەشۋدەگى باستامالارى توكيودا تولىق قولداۋ مەن تۇسىنىستىككە يە.
ەرلان ماديەۆ,
الەمدىك ەكونوميكا جانە ساياسات ينستيتۋتىنىڭ ساراپشىسى
