رۋحانيات • 16 قىركۇيەك، 2019

لوندوندا «استانا بالەت» تەاترىنىڭ گاسترولى قوشەمەتپەن اياقتالدى

44 رەت كورسەتىلدى

بۇل كۇندەرى داڭقتى «كوۆەنت گاردەن» قازاقستاننىڭ بالەت ترۋپپاسىن العاش رەت ۇلكەن قوشەمەتپەن قارسى العانى ونەرسۇيەر قاۋىمعا ايان. «استانا بالەت» ارتىستەرى كورولدىك تەاتردىڭ جاڭا – لينبۋري حولل ساحناسىندا ونەر كورسەتتى. لوندوننىڭ تالعامپاز كورەرمەنى استانالىق ۇجىمنىڭ شەبەرلىگىنە ءتانتى بولىپ، گاسترولدىك باعدارلامانى زور قوشەمەتپەن قابىلدادى. كورەرمەن زالىندا ينە شانشىر ورىن قالمادى. بۇل تۋرالى تەاتردىڭ ءباسپاسوز قىزمەتى حابارلادى.

ونەرسۇيەر قاۋىمعا تەاتردىڭ تانىمال ەتكەن « ۇلى دالا مۇراسى» ۇلتتىق ديۆەرتيسمەنتى مەن نەوكلاسسيكالىق رەپەرتۋارعا جاتىتىن – «Love Fear Loss» جانە «A Fuego Lento» ءبىر اكتىلى بالەتتەرى تارتۋ ەتىلگەن. سونىمەن تەاتردىڭ تۇماندى البيوننان جولداعان جاڭالىقتارى تومەندەگىدەي.

 – مەنى ارتيستەردىڭ شەبەرلىگى ءتانتى ەتتى. بيشىلەردىڭ پلاستيكاسى، ءارتيستيزمى، مۋزىكانى سەزىنۋى تاڭ قالدىرادى. لوندونعا نەبىر بالەت ترۋپپاسى كەلەدى. بىراق، شىنىمدى ايتسام، بۇل ۇجىمنىڭ ونەرىن تاماشالاپ، ءبىر جاساپ قالدىق. ۇلتتىق كيىمدەرىڭىز، مۋزىكاڭىز عالامات، – دەيدى ساللي مۋر ەسىمدى كورەرمەن.

كەش باعدارلاماسىنداعى «سالومەيا» ءبىر اكتىلى بالەتىنىڭ لوندوندىق پرەمەراسى دا ويداعىداي ءوتتى. اعىلشىن دراماتۋرگى وسكار ۋايلدتىڭ بيبليا ءاپساناسىن وزىنشە تاپسىرلەگەن پەساسى، مۋكارام اۆاحريگە ەرەكشە اسەر ەتىپ، وسى قويىلىمدى جاساۋعا شابىت سىيلادى:

 – وسكار ۋايلد شىعارماسىنىڭ جەلىسىمەن قويىلعان بالەتتى لوندون جۇرتشىلىعىنىڭ نازارىنا ۇسىنعاندا شىنى كەرەك، تولقىپ تۇردىق. ءبىر جاعىنان بۇل ماقتانىش، ەكىنشى جاعىنان، زور جاۋاپكەرشىلىك. كورەرمەن ىقىلاسىنا قاراعاندا، ءبىزدىڭ ەڭبەگىمىزدى باعالاپ، حورەوگرافيالىق شەشىمىمىزدى تۇسىنگەن سىڭايلى. ءوز باسىم، ارتىستەرىمىزگە، بۇگىنگى كەشكە ءدان ريزامىن، – دەيدى  «استانا بالەت» تەاترىنىڭ باس بالەتمەيستەرى.

وتاندىق حورەوگرافتىڭ اۆتورلىق سپەكتاكلى كورەرمەن كوڭىلىن تەبىرەنتتى. تالعامپاز كورەرمەن حورەوگرافيالىق يىرىمدەردى، تۇستەردى ويناتۋ، دەكوراتسيا، كوستيۋمدەر مەن مۋزىكانىڭ ۇندەستىگىن ەرەكشە اتاپ وتىردى:

 – بوياۋى قانىق بالەت. وقيعاعا جان بىتكەن. ساحناداعى اركەتتەن كوز الا المايسىڭ. ءوز باسىم، حورەوگرافياسىن ۇناتتىم. ارتىستەردىڭ ساحناداعى قوزعالىسى ەكسپرەسسياعا تولى، كوڭىلىم تاسىپ تۇر، – دەگەن ويىمەن ءبولىستى، ۋيليام بينك ەسىمدى كورەرمەن – بالەت وسكار ۋايلد پەساسىنىڭ جەلىسىمەن جاسالعانىمەن، مۇندا شىعىستىڭ رەڭى باسىم: بالكىم، بۇل مۋزىكانىڭ اسەرى مە ەكەن. بۇل عاجاپ اۋەندەر سپەكاتكل سوڭىنا دەيىن بۇكىل زەيىنىمىزدى قويىلىمعا اۋدارتىپ، ەرەكشە تەبىرەنتتى.

 – ءبىر كەزدەرى «سالومەيا» وپەراسىن تاپ وسى ساحنادا قويعان بولاتىن. ونى ءوز كوزىممەن تاماشالادىم. سول سەبەپتى، «استانا بالەتتىڭ» لوندونعا اكەلگەن باعدارلاماسىنا قىزىعۋشىلىق تانىتتىم، امبەگە ايان ءاپسانانىڭ پلاستيكالىق شەشىمىن تاماشالاعىم كەلدى. ءوز باسىم، بۇل عالامات قويىلىم دەپ ايتار ەدىم، – دەدى لوندون تۇرعىنى ۆەرا ۋگاروۆا.

«استانا بالەت» تەاترىنىڭ گاسترولىن مادەنيەت جانە سپورت مينيسترلىگى «رۋحاني جاڭعىرۋ» باعدارلاماسىنىڭ اياسىندا جۇزەگە اسىردى.

سوڭعى جاڭالىقتار

مۇراعاتتار مۇڭ شاعادى

ادەبيەت • كەشە

"Balapan" تەلەارناسىنا - 10 جىل

قازاقستان • كەشە

بۇگىن – ەڭبەك كۇنى

قازاقستان • كەشە

اقتاۋدا گەولوگتار اللەياسى اشىلدى

ايماقتار • 26 قىركۇيەك، 2020

شەكتەن شىققان احۋال جوق

ايماقتار • 26 قىركۇيەك، 2020

دەمالىس كۇندەرى اۋا رايى قانداي بولادى

اۋا رايى • 26 قىركۇيەك، 2020

ەپيزووتيكالىق جاعداي تۇراقتانۋدا

ايماقتار • 26 قىركۇيەك، 2020

وتكەن تاۋلىكتە 170 ادام جازىلىپ شىقتى

قازاقستان • 26 قىركۇيەك، 2020

قازاقستاندا تاعى 69 ادام ىندەت جۇقتىردى

كوروناۆيرۋس • 26 قىركۇيەك، 2020

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

ۇقساس جاڭالىقتار