وبلىستىق فورۋممەن قورىتىندىلاندى
جۇما, 31 مامىر 2013 2:23
«نازارباەۆ ورتالىعى» مەملەكەتتىك مەكەمەسىنىڭ باستاماسىمەن ەل ازاماتتارىنىڭ تاعدىرلارى ارقىلى ەلباسى نۇرسۇلتان نازارباەۆتىڭ كەمەل باسشىلىعىمەن تاۋەلسىز مەملەكەتىمىزدىڭ بۇگىنگە دەيىن قول جەتكىزگەن تابىستارىن كورسەتۋگە باعىتتالعان «ەلىمنىڭ تاعدىرى – مەنىڭ تاعدىرىم» اتتى رەسپۋبليكالىق فورۋم ءبىزدىڭ وڭىردە دە كەڭ قولداۋعا يە بولدى.
جۇما, 31 مامىر 2013 2:23
«نازارباەۆ ورتالىعى» مەملەكەتتىك مەكەمەسىنىڭ باستاماسىمەن ەل ازاماتتارىنىڭ تاعدىرلارى ارقىلى ەلباسى نۇرسۇلتان نازارباەۆتىڭ كەمەل باسشىلىعىمەن تاۋەلسىز مەملەكەتىمىزدىڭ بۇگىنگە دەيىن قول جەتكىزگەن تابىستارىن كورسەتۋگە باعىتتالعان «ەلىمنىڭ تاعدىرى – مەنىڭ تاعدىرىم» اتتى رەسپۋبليكالىق فورۋم ءبىزدىڭ وڭىردە دە كەڭ قولداۋعا يە بولدى.
اقتوبە قالاسى مەن اۋدانداردا ۇيىمداستىرىلعان فورۋمدارعا 8 مىڭنان استام ەڭبەك ارداگەرى, زيالى قاۋىم وكىلدەرى, ءماسليحات دەپۋتاتتارى, مەملەكەتتىك قىزمەتشىلەر مەن ءبىلىم بەرۋ, دەنساۋلىق ساقتاۋ سالالارىنىڭ قىزمەتكەرلەرى قاتىستى. وڭىردە اسقان ۇيىمشىلدىقپەن وتكەن بۇل مادەني-كوپشىلىك شارالار قازاقستان رەسپۋبليكاسىنىڭ تۇڭعىش پرەزيدەنتى ن.نازارباەۆ اتىنداعى مادەنيەت جانە دەمالىس ساياباعىندا وتكەن «ەلىمنىڭ تاعدىرى – مەنىڭ تاعدىرىم» اتتى وبلىستىق فورۋممەن قورىتىندىلاندى.
بۇل جولعى وبلىستىق فورۋمعا قاتىسۋشىلار قاتارىندا مەملەكەتتىك مەكەمەلەر مەن قوعامدىق ءبىرلەستىكتەردىڭ, جاستار ۇيىمدارىنىڭ, ەتنو-مادەني ءبىرلەستىكتەردىڭ وكىلدەرى, نەگىزىنەن جاستار بولدى. فورۋمنىڭ ماقساتى ەل تاۋەلسىزدىگىن العاننان كەيىنگى كەزەڭدە قول جەتكەن جەتىستىكتەردى كەڭىنەن جاريالاپ, توزىمدىلىك, رۋحاني بىرلىك پەن كەلىسىم قاعيداتتارىن ناسيحاتتاۋ, جاستاردىڭ وتانعا دەگەن سۇيىسپەنشىلىگىن قالىپتاستىرۋ, ورتاق ىستەرگە ۇلەس قوسۋىنا ىقپال ەتۋ بولىپ تابىلادى. بۇل, تۇتاستاي العاندا, ەگەمەن ەلىمىزدىڭ قالىپتاسۋى مەن ىلكىمدى دامۋىنا ەلەۋلى ۇلەس قوسقان قاراپايىم حالىقتىڭ ەرەن ەڭبەگىن وزگەلەرگە ۇلگى ەتۋ, سول ارقىلى ءار قازاقستاندىقتىڭ بويىندا ەل تاعدىرىنىڭ ءبىر بولشەگى ەكەنىن سەزىندىرۋ.
وبلىستىق فورۋمنىڭ سالتاناتتى اشىلۋىندا ءسوز العان وبلىس اكىمىنىڭ ورىنباسارى سارا نۇرقاتوۆا ەلباسى نۇرسۇلتان نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا «قازاقستاندىق ءپاتريوتيزمنىڭ ىرگەتاسى بارلىق ازاماتتاردىڭ تەڭ قۇقىعى جانە ولاردىڭ وتان الدىنداعى جالپى جاۋاپكەرشىلىگى» دەپ اتاپ وتكەنىن تىلگە تيەك ەتە كەلىپ, قازاقستاندىقتاردىڭ وتانعا, تۋعان ەلگە دەگەن ماقتانىش سەزىمى مەن قۇرمەتىن ارتتىرۋدى, بەلسەندى ازاماتتىق ۇستانىمىن قالىپتاستىرۋدى كوزدەيتىن وسى فورۋمعا ءوز تاعدىرىن ەل تاعدىرىمەن بايلانىستىرعان بەلسەندى ازاماتتاردىڭ قاتىسىپ وتىرعانىن جەتكىزدى.
– اقتوبەلىكتەر قاي كەزدە دە ەل ەكونوميكاسىنىڭ دامۋىنا ەسەلى ەڭبەگىمەن ەلەۋلى ۇلەس قوسىپ ءجۇر. ءوڭىر ەكونوميكاسى قارقىندى دامىپ كەلەدى. باسقاسىن بىلاي قويعاندا, وتكەن جىلى ايماقتا وبلىس اكىمى ارحيمەد مۇحامبەتوۆتىڭ باستاماسىمەن «كوركەيە بەر, تۋعان جەر» اكتسياسى جۇزەگە اسىرىلىپ, كەڭ قولداۋعا يە بولعانىن بىلەمىز. تۋعان جەرگە دەگەن پەرزەنتتىك پارىزدارىن تۇسىنگەن ازاماتتىق كوزقاراسى جوعارى جەرلەستەرىمىزدىڭ كۇشىمەن 4,5 ميلليارد تەڭگەگە الەۋمەتتىك نىساندار سالىندى, جوندەلدى. كۇنى كەشە استانادا «ءبىز – ءبىر حالىقپىز, ءبىر تاعدىرلى ەلمىز» ۇرانىمەن وتكەن قازاقستان حالقى اسسامبلەياسىنىڭ حح سەسسياسىندا سويلەگەن سوزىندە ەلباسى نۇرسۇلتان نازارباەۆ ەلىمىزدىڭ ىنتىماعى مەن بىرلىگىن نىعايتۋعا, ەگەمەن ەلىمىزدىڭ كوك بايراعى استىندا ءبىر كىسىدەي جۇمىلىپ ەڭبەك ەتۋگە شاقىردى. ورتاق مىندەتتەردى ورىنداۋ ءبىزدىڭ بىرلىگىمىز بەن ىنتىماعىمىز ارقىلى جۇزەگە اساتىنى ءسوزسىز.سوندىقتان ەلىمىزدىڭ باسەكەگە قابىلەتتى وتىز ەلدىڭ قاتارىنا ەنۋىنە اتسالىسۋعا شاقىرامىن, – دەدى سارا قايىرجانقىزى. ول شاراعا قاتىسۋشىلارعا ساتتىلىك تىلەدى.
ەلىمىزدىڭ وركەندەۋى جولىندا لايىقتى ەڭبەك ەتىپ, ءوز تاعدىرىن ەل تاعدىرىمەن ەتەنە بايلانىستىرعان ءبىر توپ اقتوبەلىكتەرگە وبلىس اكىمىنىڭ العىس حاتتارى مەن باعالى سىيلىقتارى تاپسىرىلدى. ولاردىڭ قاتارىندا «قازاقستان رەسپۋبليكاسى قارۋلى كۇشتەرى ارداگەرلەرى» قوعامدىق بىرلەستىگى وبلىستىق فيليالىنىڭ توراعاسى, «ەڭبەكتەگى ەرلىگى ءۇشىن» مەدالىنىڭ يەگەرى قاجىمۇقان ساتەنوۆ, ىرعىز اۋدانى «ناۋرىز-سيم» جشس ديرەكتورى, رەسپۋبليكالىق «پارىز» سىيلىعىنىڭ جۇلدەگەرى يبراگيم سارسەنباەۆ, اقتوبە تەحنيكالىق كوللەدجىنىڭ ديرەكتورى ليۋدميلا كيم, مەديتسينالىق جەدەل جاردەم اۋرۋحاناسى نەيروحيرۋرگيا ءبولىمىنىڭ مەڭگەرۋشىسى ماقسۇت ورازجانوۆ, حرومتاۋ تاۋ-كەن تەحنيكالىق كوللەدجىنىڭ مۇعالىمى ەۆگەني داداروۆ, قاندىاعاش قالاسىنداعى بالالار جانە جاسوسپىرىمدەر سپورت مەكتەبىنىڭ پاۋەرليفتينگ ءبولىمىنىڭ مەڭگەرۋشىسى, ەكى دۇركىن ازيا چەمپيونى ولگا چەرەميسينا بار.
– مەن ءوزىمدى تاۋەلسىزدىكتىڭ ارقاسىندا جاڭا سالانىڭ – كاسىپكەرلىكتىڭ ءىزاشارلارىنىڭ قاتارىندا بولعانىمدى ماقتانىش تۇتامىن. باستاپقىدا نەبارى جەتى ادام ەڭبەك ەتەتىن سەرىكتەستىكتە 12 ءىرى قارا, 70 قوي-ەشكى بولسا, قازىر 70 ادام جۇمىس ىستەيتىن شارۋاشىلىقتا 3 مىڭنىڭ ۇستىندە قوي, 200-دەن استام ءىرى قارا, 300-گە جۋىق جىلقى باعىلۋدا. سەرىكتەستىك بۇدان باسقا, باۋ-باقشا ءوسىرۋدى دە جىل سايىن كەڭەيتىپ كەلەدى, – دەدى «ناۋرىز-سيم» جشس ديرەكتورى يبراگيم سارسەنباەۆ.
اقتوبە تەحنيكالىق كوللەدجىنىڭ ديرەكتورى ليۋدميلا كيم ءوزىنىڭ بوگەتساي اۋىلىندا قالىڭ قازاق اراسىندا تۋىپ-وسكەنىن, ەڭبەگىنىڭ ارقاسىندا عىلىم كانديداتى بولعانىن, قازىر ۇجىم باسقارىپ وتىرعانىن ماقتانىشپەن جەتكىزدى. ال ەۆگەني داداروۆ پەن ليۋدميلا چەرەميسينا بولسا, تازا قازاق تىلىندە مۇدىرمەي سويلەپ, فورۋمعا قاتىسۋشى جاستاردىڭ بويىنداعى پاتريوتتىق رۋحتى كوتەرە ءتۇستى.
وڭىردە وتكەن بۇل فورۋمداردا يادرولىق قارۋعا سىناق جۇرگىزۋگە تولىق تىيىم سالاتىن جانە يادرولىق قارۋدى جوياتىن جاھاندىق قوعامدىق قولداۋعا قول جەتكىزۋ ماقساتىندا ەلباسى نۇرسۇلتان نازارباەۆتىڭ باستاماسىمەن جاريالانعان «اتوم» جوباسىن وبلىس تۇرعىندارى ءبىراۋىزدان قولداپ, پەتيتسياعا قول قويدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
