جەكە قۇرام اپات ايماعىنا جەتكەن كەزدە دالانى شارپىعان ءتىلسىز جاۋ 46 گەكتار جەردى جايپاپ ۇلگەرگەن. قۇتقارۋشىلار وتريادى ءبولىمنىڭ شتاب باستىعى پودپولكوۆنيك ەرقانات شەركەنوۆتىڭ جەتەكشىلىگىمەن جەكە قۇرام ورت ءسوندىرۋ قۇرالدارىمەن الاپات ءورتتى اۋىزدىقتاۋعا كىرىسىپ كەتتى. كۇنى بويى تىنىمسىز تەر توگىپ ءتىلسىز جاۋمەن ايقاسقان, وزدەرىن «باۋىرجانشىلار» سانايتىن ۇلاندىق قۇتقارۋشىلار اقىرىندا 30 گەكتاردان استام اۋماقتى قامتىعان ءورتتى ءسوندىرىپ ۇلگەرىپ, وشاعىن جويدى. ونىڭ ىشىندە قارعالى ەلدى-مەكەنىنىڭ اۋماعىندا ورنالاسقان «قاز سەلدەن قورعاۋ» قىزمەتى ءۇيىنىڭ جانە جاس بالالار سپورتتىق مەكتەبىنىڭ گرەك-ريم كۇرەسىنەن سپورتتىق سەكتسياسىنا قاتىسۋشى بالالار لاگەرىنىڭ اۋماعىنداعى ءورت وشاعى جويىلىپ, لاگەردە دەمالىپ جاتقان بالالاردىڭ ىسقا تۇنشىعىپ, وتقا كۇيىپ قالۋىنا جول بەرمەدى.
ءوز كەزەگىندە «قاز سەلدەن قورعاۋ» قىزمەتىنىڭ قىزمەتكەرلەرى مەن جاس بالالار سپورتتىق مەكتەبىنىڭ جاتتىقتىرۋشىلارى مەن دەمالۋشى بالالار ۇلاندىق قۇتقارۋشىلارعا العىستارىن جاۋدىردى.
الماتى
