شاراعا جوعارى سوت سۋديالارى, سوت شەشىمدەرىن ىسكە اسىراتىن دەپارتامەنتتەر باسشىلارى قاتىستى. سونىمەن بىرگە كەزدەسۋدە جەتەكشى باق-تار باسشىلارى, رەتتەۋشى-سۋديالار, وبلىستىق سوتتاردىڭ ءباسپاسوز قىزمەتكەرلەرى بولدى. «بۇل كەزدەسۋ جاقسى داستۇرگە اينالىپ كەلەدى. وسى كەزدەسۋدە ەلىمىزدەگى بارلىق جاڭالىقتاردى حالىققا جەتكىزەتىن سىزدەردىڭ ىستەرىڭىزگە العىس ايتۋدىڭ ءساتى تۇسەدى. سىزدەردىڭ ادىلەتتى قالام كۇشتەرىڭىزدىڭ ارقاسىندا حالىق ءبارىن ءبىلىپ وتىرادى», دەدى جاقىپ اسانوۆ ءوزىنىڭ قۇتتىقتاۋ سوزىندە.
ودان ءارى جوعارعى سوتتىڭ توراعاسى سوت كادرلارىنىڭ ەلباسى تاپسىرمالارىن ورىنداۋداعى كاسىبي شەبەرلىكتەرىنە, بىلىكتىكتەرىنە توقتالدى. سوت جۇكتەمەلەرىنىڭ نورمادان تىس اۋىر بولعانىنا, قازىر سونىڭ تۇزەتىلگەنىنە نازار اۋداردى. اكىمشىلىك-پروتسەسسۋالدىق كودەكستىڭ جاڭا جوباسىنا مەملەكەتتىك ورگاندار تالاپ-ارىزدى بەرگەن ەمەس, ءوزىنىڭ شەشىمىنىڭ دۇرىستىعىن دالەلدەۋ ءۇشىن «كىناسىزدىك پرەزۋمپتسياسى» ەنگىزىلگەنىن ايتتى. «بيىلدان باستاپ سوتتار جاڭا زاڭنامانىڭ نەگىزىندە جۇمىس ىستەۋدە. جاڭادان 16 زاڭ جوباسى ازىرلەندى, ونىڭ 6-سى قولدانىسقا ەندى, ال 7-ءۋى ءماجىلىستىڭ قورجىنىندا جاتىر. ال ۇشەۋى مەملەكەتتىك ورگانداردىڭ كەلىسۋىنە جىبەرىلگەن. قازىر سۋديالاردىڭ كادرلىق ساپاسىن ارتتىرۋ باعىتىندا جۇمىستار جۇرگىزىلۋدە. ولاردىڭ ارتىق جۇكتەمەدەن بوساتۋدى جانە سوت پروتسەستەرىن وڭتايلاندىرۋ قولعا الىندى», دەدى ءوز سوزىندە ج.اسانوۆ.
قۇتتىقتاۋ شاراسىندا, سونىمەن بىرگە باق-پەن ءوزارا ءىس-قيمىل جاساۋ جونىندەگى رەتتەۋشى سۋديا دەنيس شيپپ جانە ت.ب. سويلەدى.
شارانىڭ سوڭىندا باق وكىلدەرىنە قۇرمەت گراموتالارى مەن باعالى سىيلىقتار تاپسىرىلدى.
