19 ماۋسىم، 2019

الاتاۋ، ساعىندىڭ با كەنەنىڭدى؟

409 رەتكورسەتىلدى

ءدۇلدۇل اقىن، بۇلبۇل ءانشى، جىراۋلىق، سال-سەرىلىك ونەردىڭ جاڭعىرىعىنداي بولعان كەنەن ازىرباەۆتىڭ تۋعانىنا بيىل 135 جىل، دۇنيەدەن وتكەنىنە 43 جىل بولىپتى. كورەگەن حالقىمىز زىمىران زامان دەۋى سوندىقتان بولار. ۇرپاعىنا تەلەگەي تەڭىز مول مۇرا قالدىرعان اقىن­نىڭ ءومىرى مەن شىعارماشىلىعى جايلى عىلىمي ەڭبەكتەر جازىلىپ، دەرەكتى فيلمدەر ءتۇسىرىلىپ، ونەر، ادەبيەت زەرت­تەۋشى عالىمدارىمىز ۇلاعاتتى ءپى­كىر­لەرىن ايتىپ، اقىندارىمىز ولەڭ-جىرلارىن ارناپ جاتقانى وسىنىڭ اي­عاعى بولسا كەرەك.

2019 جىلدىڭ 13 ناۋرىزىندا ەلور­دامىز نۇر-سۇلتان قالاسىنداعى ۇلتتىق مۋزەيدە ك.ازىرباەۆتىڭ ءومىرى مەن شىعارماشىلىعىنا ارنالعان كورمەنىڭ تۇساۋى كەسىلدى. بۇل كورمەگە اقىننىڭ مۇراجايىنان ارنايى الدىرىلعان 60-تان استام ەكسپونات قويىلدى. كورمەنىڭ اشىلۋىنا بىرقاتار قوعام قايراتكەرى، دەپۋتاتتار، ونەر سالاسىندا جۇرگەن جاس­تار قاتىستى. اتاقتى عالىم، مەملەكەت جانە قوعام قايراتكەرى مىرزاتاي جولداسبەكوۆ اقىننىڭ ومىرىنەن سىر شەرتىپ، كوپشىلىك بىلە بەرمەيتىن كەيبىر جايلارعا توقتالدى. كورمەگە كەلگەن كوپشىلىك ك.ازىرباەۆ تۋرالى تۇسىرىلگەن «الاتاۋدىڭ اقيىعى» اتتى دەرەكتى فيلم­دى كورىپ، تاماشالادى.
ەلوردادا باستالعان وسى ءىس-شارا ەكى باعدارلاما بويىنشا جۇزەگە اسىرىلاتىن بولىپ شەشىلدى. العاشقىسى «سارىارقاعا ساياحات» دەپ اتالدى. مۇ­نىڭ ءمانىسى مىنادا. سوناۋ 1958 جىلى قازاقتىڭ ءبىرتۋار ازاماتى، اتاقتى جا­­زۋشى، اكادەميك ءسابيت مۇقانوۆ كەنەن اقىندى ەرتىپ بۇكىل قازاق ساحاراسىن  ارالاتىپ، تالاي تاريحي جەرلەرگە الىپ بارعانىن بىرەۋ بىلسە، بىرەۋ بىلمەيدى. بالقاشتىڭ بالىقشىلارىمەن، قاراعاندى-قارساقپايدىڭ كومىر­شى­لەرى­مەن، تەمىرتاۋدىڭ بولات بالقى­تۋ­شىلارى­مەن كەزدەستىرىپ، ىرگەلى جيىندار وتكىزگەن. ءبىرجان سال، اقان سەرى، ۇكىلى ىبىرايدىڭ تۋىپ-وسكەن جەرلەرىن كورسەتىپ، قازاقتىڭ نەبىر دۇلدۇلدەرىن ومىرگە اكەلگەن كوكشە جەرىن تاماشالايدى. ساپارىنىڭ سوڭىندا قىزىلجار ولكەسىن ارالاتىپ، ءوزىنىڭ تۋعان جەرى جامانشۇبارعا ات باسىن تىرەيدى. وسى ساپاردان  كوڭىلى ءوسىپ، ۇلكەن شابىتپەن ورالعان اقىن ءوزىنىڭ «سارىارقاعا ساياحات» دەيتىن كولەمدى تولعاۋ ولەڭىن دۇنيەگە اكەلدى. 
ءبىز دە كوكشەتاۋ، قىزىلجار باعى­تىن­داعى ساپارىمىزدى وسىلاي اتاۋدى ءجون كوردىك. اقىنعا ارنالعان كەش كوكشەتاۋداعى «دوستار» مادەنيەت سارايىندا ءوتتى. كىرىسپە ءسوز جازۋشى-دراماتۋرگ، قوعام قايراتكەرى جابال ەرعاليەۆكە بەرىلدى. ول سال-سەرىلىك ونەر­دىڭ ۇستاحاناسىن ۇستاعان كەنەن اقىن جايلى ءبىراز وي تۇيىندەپ، ونىڭ اندەرىنىڭ، ولەڭ-جىرلارىنىڭ قانشالىقتى ءماندى-ماعىنالى ەكەنىن اتاپ كورسەتتى. «كەنەن اتامىز  ءبىرجان سال، اقان سەرى، ۇكىلى ىبىراي سەكىلدى قازاقتىڭ سال-سەرىلىك ونەرىن دامىتىپ قانا قويماي، وعان جاڭا مازمۇن، وزگەشە رەڭ، ناقىش بەرگەن شىن مانىندە سال-سەرىلەردىڭ سوڭى» دەپ ويىن تۇيىندەدى. 
فيلولوگيا عىلىمدارىنىڭ دوكتورى، پروفەسسور سەرىك نەگيموۆ بولسا، كەنەن اقىننىڭ جىرشىلىق، سال-سەرىلىك ونەرىنە عىلىمي تۇرعىدان جان-جاقتى سيپاتتاما بەردى. ك. ازىرباەۆتىڭ شىعارماشىلىعىن تەرەڭىرەك زەرتتەۋدىڭ، قازىرگى زامانا تۇرعىسىنان تانىپ ءبىلۋدىڭ ءداۋىرى ەندى باستالدى. بۇگىنگى جاس ادە­بيەت­شىلەرىمىز، ونەر زەرتتەۋشىلەر كە­نەن سياقتى حالىق اقىندارىنىڭ مول مۇراسىن بۇگىنگى كۇننىڭ تالابىنا ساي، قازىرگى جاس ۇرپاقتىڭ تانىم - تالعامىنا وراي زەرتتەۋ كەرەكتىگىن باسا ايتتى. 
قىزىلجارداعى باسقوسۋدا بەلگى­لەنگەن ۋاقىتتان كەشىكپەي ءسابيت مۇقا­نوۆ اتىنداعى كىتاپحانانىڭ الدىنا كەلىپ توقتادىق. قالاداعى ەڭ كو­نە عيمارات بولسا دا، جاقسى كۇتىمگە الىنعاندىعى بايقالىپ تۇر. وبلىستىڭ تەلەراديو، ءباسپاسوز جۋرناليستەرىمەن  ءبىراز سۇحباتتاسقان سوڭ ءبارىمىزدى ىشكە شاقىردى. كىتاپحانا قىزمەتكەرلەرىنىڭ ايتۋىنا قاراعاندا، قازاقستانداعى وبلىستىق كىتاپحانالاردىڭ ىشىندە كىتاپتاردىڭ كوپتىگىنەن، وقۋشىلارمەن جۇمىس ىستەۋدىڭ وزىق ادىستەمەسى جاعىنان ەڭ ۇزدىك اتانعان ەكەن.
اسىرەسە ءبىزدى تاڭعالدىرعانى سيرەك كەزدەسەتىن كىتاپتار ءبولىمى. مۇندا لەۆ تولستويدىڭ «سوعىس پەن بەيبىتشىلىك» كىتابىنىڭ ەڭ العاش شىققان نۇسقاسى ساقتاۋلى تۇر. قازان قالاسىندا باسىلىپ شىققان قۇراننىڭ ەڭ كونە ءتۇرى بار. وسى سياقتى كونەنىڭ كوزىندەي باعا جەتپەس دۇنيەلەردى كورىپ، وسىنىڭ ءبارىن ىجداعاتتاپ جيناپ العان كىتاپحانا قىزمەتكەرلەرىنە ىشتەي ريزا بولاسىز.
ال قازاق بولىمىندەگى قىزدار كەنەن ازىرباەۆتىڭ شىعارماشىلىعىنا  ارناپ، ارنايى ستەند-كورمە ۇيىمداستىرعان ەكەن. ءتىپتى اقىننىڭ ءوز مۇراجايىندا جوق كىتاپتارىن، س. مۇقانوۆپەن سوناۋ 1950-جىلدارى تۇسكەن فوتوسۋرەتتەردى كورگەنىمىزدە قاتتى تاڭعالدىق. وسىنىڭ ءبارىن ءسابيت ءوز قولىمەن وتكىزگەن ەكەن. وسىنشاما ەڭبەك ەتىپ، اقىننىڭ رۋحىنا قۇرمەت كورسەتكەن كىتاپحانا قىز­مەت­كەرلەرىنە ريزاشىلىعىمىزدى ءبىلدىرىپ، العىسىمىزدى ايتتىق.
وسى كەزدەسۋگە ارناپ ازىرلەنگەن ۇلكەن زالعا كىرگەنىمىزدە جينالعان جۇرت ورىندارىنان تۇرىپ قول شاپالاقتاپ قارسى الدى. دەنى جاستار ەكەن. كەنەن اقىننىڭ اتىن ەستىپ، بىرەر اندەرىن تىڭداعانى بولماسا، ول جونىندە كوپ نارسەدەن بەيحابار ەكەنى اڭعارىلادى. بايانداماشى وسىنى سەزگەندەي كەنەن ازىرباەۆتىڭ تۋىپ-وسكەن جەرىن، وسى ءوڭىر­دىڭ اتاقتى جازۋشىلارى عابيت ءمۇسى­رەپوۆپەن، ءسابيت مۇقانوۆپەن ءۇل­كەن سىيلاستىقتا بولعانىن، ءتىپتى وسى وب­لىسقا ارنايى كەلىپ، قوناق بولعانىنا دەيىن تاپتىشتەپ ايتىپ بەردى. بۇدان سوڭ جەرگىلىكتى انشىلەردىڭ ورىنداۋىندا شاعىن كونتسەرت بولدى. ولارعا بىزبەن بىرگە بارعان انشىلەر قوسىلىپ، كەزدەسۋدىڭ ءسانىن كەلتىرگەندەي ۇلكەن اسەر قالدىردى. 
اسىرەسە جاستار جاعى مەككەگە ءۇش رەت بارىپ، قاجى اتانعان ۇلاعاتتى انا، بۇگىندە 87 جاسقا كەلىپ وتىرعان، سول جەردىڭ تۋماسى ساپۋرا قاجى امىرە­قىزىنىڭ ءسوزىن ەرەكشە  ىقىلاس قويىپ تىڭدادى. «كەنەن اقىننىڭ اندەرىن سوناۋ بالا كەزىمىزدە ەستيتىنبىز. اسىرەسە اق ەشكىگە قوسىلىپ زارىن ايتقان «بازار-نازار» ءانىن ەستىگەندە كەمپىر-شالداردىڭ كوزىنە جاس الىپ، مۇڭايعانىن كوزبەن كوردىك. مەن دە اقىندىقتان قۇر الاقان ەمەسپىن. ويتكەنى اكەم امىرە اتاقتى ءانشى ءبىرجان سالدىڭ ۇستازدارىنىڭ ءبىرى بولعان ورىنباي اقىنعا تۋىستاس بولىپ كەلەدى. ءبىزدىڭ وبلىس ورتالىقتان جىراقتاۋ، شەتتەۋ ورنالاسقان. مۇندا كورشى رەسەي­دىڭ ىقپالى باسىم. سوندىقتان جاستا­رىمىزعا وسىنداي كەزدەسۋلەر اۋاداي قاجەت»، دەدى ساپۋرا اپاي.
مىنە ءوستىپ، ءبىر كەزدە قاسىنا كەنەنىن ەرتىپ قىزىلجار ولكەسىن ارالاتقان ءسابيت­تىڭ تۋعان توپىراعىمەن قوشتاسىپ، جولىمىزدى ءارى قاراي جالعاستىردىق. ءسوزدىڭ رەتى كەلگەندە ايتا كەتەيىن، وسى كەزدەسۋگە س. مۇقانوۆتىڭ  تۋعان اۋى­لى جامانشۇباردان، جازۋشىنىڭ مۇرا­جايىنىڭ قىزمەتكەرى كەلىپ قاتىستى. ارنايى الىپ بارعان سىي-سياپاتىمىزدى بەرىپ، كەلەسى جىلعى سابەڭنىڭ مەرەيتويىنا بارۋعا ۋادە بەرىپ تاراستىق. قا­زاقتىڭ ءبىرتۋار ۇلى سابيتكە دەگەن كەنەن اقىننىڭ پەيىلى، سىيلاستىعى ەرەكشە ەدى. ونىڭ سابيتكە ارناپ ءار جىلدارى شىعارعان ءۇش ولەڭى بار. سوندا سابيتكە دەگەن ىستىق ىقىلاسىن بىلاي بىلدىرەدى:
« ۇلى ەدىڭ قۇشاعى كەڭ سار دالانىڭ،
قورعاعان تۋعان ەلدىڭ ار-وجدانىن.
قازاقتىڭ ءبىرى سەنسىڭ، تاريح كۋا،
كوتەرگەن ادەبيەتتىڭ شاڭىراعىن.
سابيتپەن دوستىعىمدى كىم بىلمەيدى،
كەيبىرەۋ اشىق جۇرمەي كۇبىرلەيدى.
التى جىل اۋىرعاندا اتسالىسقان،
جۇرەكتىڭ ىستىق قانى ۇزىلمەيدى». بۇعان قوسىپ-الارىمىز جوق. ءبىر عانا اقيقات بار. ول ۇلكەن جۇرەكتى ازامات­تاردىڭ دوستىعى دا، سىيلاستىعى دا، ءبىر-بىرىنە دەگەن كوڭىل قيماستىعى دا ەرەكشە بولاتىنى. بۇل جاستار ءۇشىن ۇلاعاتتى تاعىلىم، ۇلگى-ونەگە.
استاناعا كەلىپ بىرەر كۇن ءۇزىلىس جا­سا­عان سوڭ پاۆلودار قالاسىنا  جول تارتتىق. قازاقتىڭ تالانتتى ۇلى، ءان ونەرىندە وزىندىك ەرەكشەلىگىمەن تانىلعان ق.ابۋسەيىتوۆ اتىنداعى مادەني-ساۋىق ورتالىعىنا حالىق كوپ جينالىپتى. بايانداما جاسالىپ، ارتىنان انشىلەرى كەنەننىڭ، ەستايدىڭ كوپتەگەن اندەرىن شىرقادى. كەنەن ازىرباەۆ تۋرالى دەرەكتى فيلم كورسەتىلدى. فيلمدە كەنەن اقىن جايلى وي تۇيىندەگەن ع.مۇسىرەپوۆ، ع.مۇستافين، قىرعىزدىڭ ۇلى جازۋشىسى ش. ايتماتوۆ، قازاقتىڭ بۇلبۇل قىزى ب.تولەگەنوۆا جانە باسقا دا عالىمدار مەن قوعام قاي­رات­كەرلەرىنىڭ ءسوزىن تىڭ­داعان جۇرت ءۇل­كەن اسەردە قالعانى بايقالىپ تۇردى. حالىقارالىق «قازاق ءتىلى» قوعامىنىڭ پاۆلودار قالالىق فيليالىنىڭ توراعاسى، قازاقستاننىڭ قۇرمەتتى ءجۋرناليسى، بەلگىلى قالامگەر سوتسيال ايتەنوۆ كەنەن اتا جاي­لى ءوزى­نىڭ ەستەلىك اڭگىمەسىن ايتىپ، اقىننىڭ ۇيىندە بولعانىن، قاسىندا وتىرىپ دي­دارلاسقانىن، اق باتاسىن العانىن ءسوز ەتتى. 
ءسويتىپ سولتۇستىك وڭىردەگى 6 قالادا (قاراعاندىنى قوسقاندا) وسىنداي ىرگەلى كەزدەسۋلەر وتكىزىپ،  «سارىارقاعا ساياحات» باعدارلاماسىن اياقتادىق. بۇل ساپاردان بىزدەر دە، كەزدەسۋگە كەلگەن جاستار دا ۇلكەن ۇلاعات الدىق دەسەم ارتىق ايتقاندىق بولماس. بۇلار  شىن مانىندە ىرگەلى، ماعىنالى، وسكەلەڭ ۇرپاققا  زور اسەر ەتەتىندەي كەزدەسۋلەر بولعانى راس. ەندىگى دىتتەگەنىمىز اقىننىڭ تۋىپ-وسكەن، ارالاپ ءدامىن تاتقان، ءان شىرقاتقان ەل-جۇرتى جەتىسۋ ءوڭىرى. باعدارلامانىڭ اتاۋى دا سوعان وراي «تۋعان ولكەم – جە­تىسۋ» دەپ اتالدى. بۇل ساپار تالدى­قورعان قالاسىنان باستاۋ الدى. قابان، ءسۇيىنباي، باقتىباي، جامبىل سىندى جىر سۇلەيلەرىنىڭ، ات شالدىرىپ، جىر توككەن اقىن-انشىلەرىنىڭ التىن بەسىگى بولعان  جەر ءجانناتى جەتىسۋ. توكپە جىردىڭ ءتاڭىرى ءسۇيىنبايدى ۇلگى ەتكەن، جىر الىبى جامبىلدى ءپىر تۇتقان، باتاسىن العان، سولارشا سويلەپ، سولارشا جىر توككەن كەنەن اقىننىڭ تۋعان ولكەسى.  كەزدەسۋدىڭ وزگەشە ماعىنا العا­نى دا وسىدان بايقالادى.  
ءىلياس جانسۇگىروۆ اتىنداعى مادەنيەت سارايىنا جينالعان جۇرتتىڭ ءان-جىرعا دەگەن ىقىلاسى، ارينە ەرەكشە. دەنى جاستار. بۇل كەزدەسۋگە اقىنىڭ ءانشى قىزى، بۇگىندە 84 جاسقا كەلىپ وتىرعان تورتكەن  قاتىستى. اسىرەسە سونداعى ارداگەرلەر ۇجىمىنىڭ توراعاسى، كوپ جىلدار پارلامەنت ءماجىلىسىنىڭ دەپۋتاتى بولعان، بەلگىلى قوعام قايراتكەرى ەرمەك كەلەمسەيىت باستاپ كەلگەن بىرقاتار ەل اقساقالدارىنىڭ كەلۋى  وزگەشە اسەر ەتكەنى راس. كەزىندە بۇكىل قازاق ەلىنە تايلاق دەگەن اتپەن ايگىلى بولعان، اتاقتى كينواكتەرىمىز الىمعازى رايىمبەكوۆ اعامىزدى كورگەندە تاڭدانباسقا شارا قالمادى. 
كەنەن اتانىڭ رۋحىنا باعىشتالعان شاعىن كونتسەرت بولدى. ونى ۇيىمداس­تىرىپ جۇرگەن ءسۇيىنباي ارون ۇلى اتىن­­داعى وبلىستىق فيلارمونيانىڭ بەلگى­لى ءانشىسى بەيبىت مۇساەۆ. وسى كەشتە ك.ازىرباەۆتىڭ ەڭ تاڭداۋلى 20 ءانىن ورىن­داپ، تاسپاعا جازدىرىپ اكەلگەن ەكەن. 
الماتى وڭىرىندەگى كەلەسى كەزدەسۋ زا­ماناۋي ستيلدە سالىنعان «الاتاۋ» ءداستۇرلى ونەر تەاترىنىڭ ءزاۋلىم زالىندا ءوتتى. وسى ۇلكەن وردادا كەنەن ازىرباەۆتىڭ 135 جىلدىعىنا وراي جازىلعان « ۇلى دالا جىرشىسى» اتتى كىتابىمىزدىڭ تۇساۋى كەسىلدى. كىتاپتى ءوز قاراجاتىنا شىعارىپ، اقىننىڭ مەرەيتويىنا تارتۋ ەتىپ جۇرگەن، بەلگىلى جازۋشى، «الاتاۋ» باسپا-پوليگرافيالىق كورپوراتسياسىنىڭ پرەزيدەنتى كەنەنباي ىرىم سۋانباي ۇلى. وزىمەن الا كەلگەن كىتاپتىڭ العاشقى دانالارىن سول جەردە  تاراتىپ بەردى.
ەرتەسى كۇنى قازاق ونەرىنىڭ قارا شا­ڭى­راعى، التىن ورداسى اتانعان قۇر­مانعازى اتىنداعى قازاق ۇلتتىق كونسەرۆاتورياسىندا «كەنەن ازىرباەۆ شى­عارماشىلىعىنىڭ بۇگىنگى ناسيحاتى» دەگەن تاقىرىپتا دوڭگەلەك ستول وتكىزىلدى. ونى كونسەرۆاتوريا رەكتورى، قازاقستاننىڭ ەڭبەك سىڭىرگەن قايراتكەرى ارمان جۇدەباەۆ اشتى. ول كەنەن اتا­مىزدىڭ قازاق ءان ونەرىندە الاتىن ور­نى، قازاق مادەنيەتىنىڭ التىن قورىنا قوسىلعان كەنەن اندەرىنىڭ ومىرشەڭدىگى، وسكەلەڭ ۇرپاققا تيگىزەر تاربيەلىك ءمانى جايلى ءسوز ەتتى.
دوڭگەلەك ۇستەلگە قازاقستاننىڭ ەڭ­بەك سىڭىرگەن قايراتكەرى، پروفەسسورلار ب.قوس­بارماقوۆ، ك.ساحارباەۆا، حالىق مۋزىكاسى فاكۋلتەتىنىڭ دەكانى ن.ءاشىروۆ، حالىق ءانى كافەدراسىنىڭ دوتسەنتى ە.شۇكىمان، ك.ازىرباەۆ اتىنداعى جامبىل وبلىستىق فيلارمونيانىڭ ءانشىسى، قازاقستاننىڭ مادەنيەت قايرات­كەرى د.ومىراليەۆ، تاعى باسقا دا مۋزىكا ماماندارى قاتىسىپ، ءوز ويلارىمەن ءبولىستى. 
سول كۇنى كەشكە كونسەرۆاتوريانىڭ ءزاۋلىم زالىندا ك.ازىرباەۆتىڭ شىعار­ماشىلىعىنا ارنالعان «ءانىم قالسىن» دەگەن تاقىرىپتا ۇلكەن گالا-كونتسەرتتى كورىپ تاماشالادىق. اقىنعا دەگەن جاس­تاردىڭ قوشەمەت-قۇرمەتىن كورىپ وتىرىپ، قازاقتىڭ ايتۋلى اقىنى بوپينا بايسۋاتقىزىنىڭ:
«الاتاۋداي ايباتتى،
حالىق اقىنى ارداقتى.
سەگىز قىرلى، ءبىر سىرلى،
كەنەكەم-اۋ، جان-جاقتى»، دەيتىن ولەڭ شۋماعى ەسكە تۇسەدى. 

باعدارلاما بويىنشا ءىسساپارى­مىزدىڭ سوڭى تاراز قالاسىندا اياقتالۋعا ءتيىس. 2019 جىلعى 26 ساۋىردە حالىق اقىنى ك.ازىرباەۆ اتىنداعى «شىرقا داۋسىم» ءىح رەسپۋبليكالىق ءداستۇرلى ءان كونكۋرسىنىڭ شىمىلدىعى اشىلدى. ەكى جىلدا ءبىر رەت وتەتىن ايتۋلى كونكۋرستىڭ ۇيىمداستىرىلۋىندا ءمىن بولعان جوق. جۋىردا عانا ك.ازىرباەۆتىڭ اتى بەرىلگەن وبلىستىق فيلارمونيانىڭ كونتسەرت زالىندا ءوتتى. كىرەبەرىستە اقىن­نىڭ 135 جىلدىق مەرەيتويىنا ار­ناپ اۋقىمدى كورمە جاسالىپتى. وندا ءانشىنىڭ ۇستاعان دومبىراسىنان باس­تاپ، كىتاپتارى، فوتوسۋرەتتەرى، ءان ديس­كىلەرى باسقا دا بۇيىمدارى قويىلعان.  كىرىسپە سوزگە شىققان جامبىل وبلى­سى اكىمدىگىنىڭ مادەنيەت، ارحيۆتەر ءجا­نە قۇجاتتاما باسقارماسىنىڭ باسشىسى دۇيسەنالى بىقىباەۆ، اقىننىڭ ءومىرى مەن شىعارماشىلىعىنا، بۇگىنگى كونكۋرستىڭ ەرەكشەلىگىنە توقتالا كەلىپ: «سان ونەردى بويىنا سىڭىرگەن كەنەن اتامىز ءانشى، اقىن، جىراۋ، كۇيشى رە­تىندە ۇلت فولكلورىنىڭ جاندى شەجى­رەسى بولدى... اۋليەاتا ءوڭىرىنىڭ عانا ەمەس ءيىسى قازاقتىڭ انشىلىك-كۇيشىلىك، اقىندىق-جىرشىلىق، سال-سەرىلىك ءداس­تۇرىن ۇلىقتاعان ءان كەمەڭگەرىنىڭ ونەر كەڭەستىگىندە الار ورنى بولەك، ونەرى ءدۇر» دەپ ءسوزىن تۇجىرىمدادى. 


باقىتجان كەنەن ۇلى،

قازاقستان جازۋشىلار وداعىنىڭ مۇشەسى


سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ۇقساس جاڭالىقتار