09 ماۋسىم، 2019

كۇرشىم اۋدانىندا جەتى بالانىڭ اناسى داۋىس بەردى

417 رەتكورسەتىلدى

بۇگىنگى كۇنى التىن قۇرساقتى انالاردىڭ بارلىعى كەلىپ، ءوز تاڭداۋلارىن جاسادى.



كۇرشىم اۋدانىندا 363 كوپبالالى انا تۇرادى. بۇگىنگى كۇنى التىن قۇرساقتى انالاردىڭ بارلىعى كەلىپ، ءوز تاڭداۋلارىن جاسادى. سولاردىڭ ءبىرى - "التىن القا" يەگەرى، 7 بالانىڭ اناسى اينۇر اداسپاەۆا. «بۇگىن ءوز سايلاۋ ۋچاسكەمە بارىپ، داۋىسىمدى بەردىم. مەن كوپبالالى انا، «التىن القا» يەگەرىمىن. كوپ بالالى وتباسى – بەرەكە-بىرلىكتىڭ ۇيلەسكەن جەرى. ادامزات تاريحىندا ەسىمى ەلگە تانىلعان تۇلعالاردىڭ كوپشىلىگى كوپ بالالى وتباسىندا دۇنيەگە كەلگەن. بۇگىندە مەملەكەت تاراپىنان كوپبالالى انالارعا كوڭىل بولىنۋدە. مەكتەپ جاسىنداعى بالالارىم تەگىن ىستىق تاماقپەن قامتاماسىز ەتىلىپ، اۋدان ورتالىعىندا جاستاردىڭ بوس ۋاقىتىن ۇيىمداستىرۋعا ارنالعان ۇيىرمەلەرگە، سپورت نىساندارىنا تەگىن قاتىسادى. جولداسىم ەكەۋمىز بالالارىمىزدىڭ ساپالى ءبىلىم الىپ، ەلىمىزدىڭ بەتكە ۇستار، ءبىلىمدى، تاربيەلى، ەڭبەكقور ازاماتتارى بولۋعا بار كۇش جىگەرىمىزدى سالۋدامىز. بالالارىمنىڭ بولاشاعى ءۇشىن بۇگىن تاڭداۋ جاسادىم» دەيدى التىن قۇرساقتى انا. اۋدان بويىنشا العاش داۋىس بەرگەن ازاماتتار مەن كوپبالالى انالارعا سىيلىقتار تابىستالىپ، العىس حاتتارمەن ماراپاتتالدى.


شىعىس قازاقستان وبلىسى،
كۇرشىم اۋدانى
سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار