«نۇر-سۇلتان مەن الماتى قالالارىندا قازاقستاندا تىركەلمەگەن جانە سوت تىيىم سالعان قدت ەكسترەميستىك ۇيىمىنىڭ ۇندەۋىمەن الاڭدارعا بىرنەشە جۇزدەگەن ادام شىقتى. وزدەرىڭىزگە بەلگىلى بولىپ وتىرعانداي, اتالعان ۇيىمنىڭ قاشقىن باسشىسى سايلاۋ قارساڭىندا ەلدەگى بيلىكتى ديسكرەديتاتسيالاۋ, كەزەكتەن تىس پرەزيدەنتتىك سايلاۋعا بويكوت جاريالاۋ بويىنشا جاپپاي ناسيحات جۇمىسىن جۇرگىزدى. سايلاۋ كەزەڭىندە قوعامعا قارسى ءىس-ارەكەتتەر جاساۋعا شاقىردى. ولاردىڭ دەسترۋكتيۆتى شاقىرۋلارىنا قاراماستان سايلاۋ جوسپارلى رەجيمدە ءوتىپ جاتىر. حالىق وزدەرىنىڭ قالاۋلارىن ءبىلدىرۋ ءۇشىن سايلاۋ ۋچاسكەلەرىنە بارۋدا» دەدى ءبىرىنشى ۆيتسە-مينيستر ورتالىق سايلاۋ كوميسسياسىندا وتكەن بريفينگتە.
ونىڭ سوزىنشە, قازىرگى تاڭدا قوعامدىق ءتارتىپ پەن قاۋىپسىزدىكتى قاداعالاۋ شارالارى قابىلدانىپ جاتىر. «بارلىعىنا بەلگىلى, زاڭنامامىزدا كەز كەلگەن بەيبىت جيىن, شەرۋ, ميتينگ وتكىزۋ ءتارتىبى ناقتى جازىلعان. زاڭدى تالاپتى ساقتاماعاندار جاۋاپقا تارتىلادى» دەدى مارات قوجاەۆ.
