كومپانيانىڭ اتقارۋشى ديرەكتورى ادرەاس لينكە مۇنداي جوبا-جوسپارىن تۇركىستان وبلىسىنىڭ اكىمى ومىرزاق شوكەەۆپەن كەزدەسۋدە ءمالىم ەتتى. بۇدان بولەك گەرمانيا فەدەراتيۆتىك رەسپۋبليكاسىنىڭ توتەنشە جانە وكىلەتتى ەلشىسى تيلو كليننەر باستاعان دەلەگاتسيا تۇركىستان وڭىرىندە تسيفرلاندىرۋ, ەلەكتر قۋاتىن ءوندىرۋ, جىلىتۋ جۇيەسى مەن تۋريزم سالاسىندا ينۆەستيتسيا سالۋعا نيەتتى ەكەندىكتەرىن ءبىلدىردى. مىسالى, «Bosch» كومپانياسىنىڭ وكىلى ۆلاديمير كولومىتسىن كومپانيا جىلىتۋ جۇيەسىنە قاجەتتى قازاندىقتارمەن قامتاماسىز ەتىپ, قالانى سۋمەن قامتۋ جۇيەسىنە تولىق سۇيەمەلدەۋ جاسايتىنىن جەتكىزدى. سونداي-اق, گەرمانيالىق «Petroline» حولدينگىنىڭ باس ديرەكتورى اندرەاس شتۋمپف ءوڭىردى قوقىستى قايتا وڭدەۋ مەن سۋ جۇيەسىن تازارتۋعا ارنالعان جابدىقتارمەن قامتاماسىز ەتۋگە نيەتتى.
تۇركىستاندا باس جوسپار ناقتىلانىپ, بۇگىندە قۇرىلىس جۇمىستارى قارقىن العان. ياعني قۇرىلىس, سۋمەن قامتۋ, جىلىتۋ جۇيەسى مەن جول سالاسىنا كومپانيالاردىڭ ينۆەستيتسيا سالۋعا مۇمكىندىگى بار. «ارنايى ەكونوميكالىق ايماقتاردا زاۋىتتارىڭىزدى سالۋعا بولادى. گەرمانيالىق تەحنولوگيانى الەم مويىندايدى, سوندىقتان ارىپتەستىك ورنايدى دەپ ويلايمىن. باستىسى, جوبالار ەكولوگيالىق تازا, ساپالى, باعاسى قولجەتىمدى بولۋى كەرەك», – دەدى وبلىس اكىمى ومىرزاق شوكەەۆ.
تۇركىستان وبلىسى
