جوبانىڭ ينۆەستورى, Alina كومپانيالار توبىنىڭ پرەزيدەنتى ەرلىك بالپانباەۆتىڭ ايتۋىنشا, وتكەن جىلمەن سالىستىرعاندا كەشەنگە كەلۋشىلەر سانى 3 ەسەگە ارتقان. قازىر جاڭا اسپالى جولدىڭ قۇرىلىسى ءجۇرىپ جاتىر. قولدانىستاعى 13 كم شاڭعى تراسساسىنا قوسا بيىلعى جىلى تاعى 7 شاقىرىمى سالىنادى. جاساندى قار جاساۋ جۇمىسىمەن دە اينالىسۋدا. بۇل ماقساتتا ەكى سۋ قويماسى, 7 كم جوعارى قىسىمدى تراسسا سالىنىپ جاتىر.
الايدا, قازىرگى كەزدە ينفراقۇرىلىم جاعىنان مەملەكەت قولداۋىنىڭ قاجەتتىگى بايقالۋدا. ياعني, «الماتى - تالعار» تراسساسىنان بەسقاينار اۋىلىنا بۇرىلاتىن جول ايىرىعىنىڭ قۇرىلىسى قولداۋدى قاجەت ەتەدى. سول سياقتى بايبۇلاق اۋىلىنان «تاۋ -تۇران» اۋماعىنا دەيىنگى 1000 جانە 2000 كۆا قۋاتتى ستانتسياسى بار 2 ەلەكتر جەتكىزۋ جۇيەسىن سالۋدىڭ العاشقى قادامى ينۆەستوردىڭ قارجىسىنا دايىندالىپ, مەملەكەتتىك ساراپتاما قورىتىندىسى الىنعان. ەندى نىساندى گازداندىرۋ جاعىنان دا قولداۋ قاجەت.
ءوز كەزەگىندە وبلىس اكىمى اماندىق باتالوۆ نىسانعا گاز جەتكىزۋگە مۇمكىندىك بار ەكەنىن, ال ىشكى گاز تاراتۋ جۇيەسىن ينۆەستور ءوز ەسەبىنەن جۇرگىزۋگە ءتيىس ەكەنىن اتاپ ءوتتى. ال جول قۇرىلىسىنا كەلسەك, بۇل ماسەلەدە قولداۋ كورسەتىلەتىنى ايتىلدى. ال ەكى ەنەرگيا تاراتۋ جەلىسىنىڭ قۇرىلىسىن زەرتتەپ, مەڭگەرۋدى ءتيىستى سالا ماماندارىنا تاپسىردى.
