«وزىڭنەن باستا!»
جۇما, 31 مامىر 2013 2:26
مامىر ايىنىڭ ورتا شەنىندە ەلىمىزدە «وزىڭنەن باستا!» اكتسياسى باستالعان بولاتىن. مۇنداعى باستى ماقسات مەملەكەتتىك ورگان جەتەكشىلەرىنىڭ بەلگىلى ءبىر ۋاقىت ارالىعىندا الاتىن, تاباتىن تابىسىنىڭ مولشەرىنە جاريالىلىق بەرۋ ەدى. وسى ارقىلى تۇرعىنداردىڭ ۇلكەندى-كىشىلى باسشىلارعا قاتىستى ايتىلىپ قالاتىن «ءىشىپ قويىپتى, جەپ قويىپتى» دەلىنەتىن ءارتۇرلى الىپ-قاشپا سوزدەرىنە توسقاۋىل قويۋ نيەتى دە كوزدەلگەنى جاسىرىن ەمەس. ءيا, سەنىم ورنىقپاعان جەردە كىم-كىمدى دە سەزىك بيلەيتىنى ايتپاسا دا بەلگىلى ەمەس پە.
جۇما, 31 مامىر 2013 2:26
مامىر ايىنىڭ ورتا شەنىندە ەلىمىزدە «وزىڭنەن باستا!» اكتسياسى باستالعان بولاتىن. مۇنداعى باستى ماقسات مەملەكەتتىك ورگان جەتەكشىلەرىنىڭ بەلگىلى ءبىر ۋاقىت ارالىعىندا الاتىن, تاباتىن تابىسىنىڭ مولشەرىنە جاريالىلىق بەرۋ ەدى. وسى ارقىلى تۇرعىنداردىڭ ۇلكەندى-كىشىلى باسشىلارعا قاتىستى ايتىلىپ قالاتىن «ءىشىپ قويىپتى, جەپ قويىپتى» دەلىنەتىن ءارتۇرلى الىپ-قاشپا سوزدەرىنە توسقاۋىل قويۋ نيەتى دە كوزدەلگەنى جاسىرىن ەمەس. ءيا, سەنىم ورنىقپاعان جەردە كىم-كىمدى دە سەزىك بيلەيتىنى ايتپاسا دا بەلگىلى ەمەس پە.
اتالعان اكتسيا تالابىنا وراي «نۇر وتان» حدپ باتىس قازاقستان وبلىستىق بولىمشەسى وڭىردەگى مەملەكەتتىك ورگان باسشىلارىنا وزدەرىنىڭ تابىستارىن جەرگىلىكتى ءباسپاسوز بەتتەرىندە جاريالاۋى جونىندەگى ۇسىنىس-تىلەكتەرىن جولدادى. بۇعان ولاردىڭ ءبارى دە قارسى كەلگەن جوق دەپ حابارلادى گازەت تىلشىسىنە فيليال توراعاسىنىڭ ورىنباسارى اققالي اۋبەكەروۆ.
وسى ارادا وعان العاشقى بولىپ ءۇن قاتقانداردىڭ ءبىرى باتىس قازاقستان وبلىسىنىڭ اكىمى نۇرلان نوعاەۆ ەكەنىن دە ايتا كەتكەن ءجون. وبلىستىق گازەتتەردە جاريالانعان دەرەكتەرگە كوز سالساق, ول اي سايىن وتباسىنا تابىس رەتىندە 461 مىڭ تەڭگە كىرگىزەدى ەكەن. سونداي-اق, ءوڭىر باسشىسى قىزمەتتىك ۇيدە تۇراتىنىن مالىمدەگەن.
ال وبلىستىق باسقارمالار مەن دەپارتامەنتتەر اراسىندا جولاۋشىلار كولىگى جانە اۆتوموبيل جولدارى مەن ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارمالارىنىڭ باسشىلارى نۇرلان بەكقايىر مەن مەرگەن ماگۋتوۆ ءوز تابىستارىن جاريالاعان. وعان كوز سالساق, ن.بەكقايىردىڭ ورال قالاسىندا جەكە ءۇيى بار. باسقا جىلجيتىن نەمەسە جىلجىمايتىن مۇلكى جوق. ال, م.ماگۋتوۆتىڭ 2013 جىلدىڭ بەس ايىندا العان سالىقسىز تازا جالاقىسى 747 مىڭ 572 تەڭگە قۇرايدى.
تەمىر قۇسايىن,
«ەگەمەن قازاقستان».
باتىس قازاقستان وبلىسى.
