وقۋ ورداسى «اا» كورسەتكىشتەرى بويىنشا ەۋروپالىق جەتەكشى ۋنيۆەرسيتەتتەردىڭ قاتارىنا كىرىپ, «ا+» جانە ودان تومەن باعالارعا يە بولعان باسقا دا وتاندىق جوو-دىڭ اناعۇرلىم الدىندا تۇر.
ەۋروپالىق عىلىمي-وندىرىستىك پالاتاسى جۇرگىزەتىن جوعارى وقۋ ورىندارىنىڭ رەيتينگىسىندە كەلەسى كورسەتكىشتەر ەسكەرىلەدى: جوعارى ساپالى ءبىلىم بەرۋ; زەرتتەۋ جانە يننوۆاتسيالىق قىزمەت, جۇمىس بەرۋشىلەردىڭ تۇلەكتەرگە سۇرانىسى جانە ت.ب. ۋنيۆەرسيتەتتەردىڭ ستۋدەنتتەردى كاسىبي ءبىلىم مەن بىلىكتىلىكپەن, عىلىمي-زەرتتەۋ جۇمىستارىنا قاتىسۋمەن, سونداي-اق بولاشاق جۇمىس بەرۋشىلەرمەن بايلانىس ورناتۋمەن قامتاماسىز ەتۋگە قابىلەتتىلىگىنە ەرەكشە نازار اۋدارىلادى.
«ARES» حالىقارالىق رەيتينگىسى 2011 جىلدان بەرى جۇرگىزىلۋدە, ول مەملەكەتتەر بويىنشا قىزمەتى ەۋروپالىق ستاندارتتارعا سايكەس كەلەتىن ۋنيۆەرسيتەتتەردى سارالايدى. بيىلعى جىلى اتالمىش رەيتىنگىدە قازاقستاننىڭ 96 جوعارى وقۋ ورنى قاتىستى. «ARES»-ءتىڭ ناتيجەلەرى الەمنىڭ جەتەكشى رەيتينگىلىك اگەنتتىكتەرىمەن ەسكەرىلەدى.
قازۇۋ الەمدىك دەڭگەيدەگى عىلىمي-زەرتتەۋ ۋنيۆەرسيتەتىنە اينالۋ بويىنشا ماقساتتى جۇمىس جۇرگىزۋدە جانە عالامدىق عىلىمي-ءبىلىم بەرۋ كەڭىستىگىندە باسەكەگە قابىلەتتىلىگىن ارتتىرۋدا. بۇل وقۋ وشاعى مەن وتاندىق ءبىلىمنىڭ حالىقارالىق رەيتينگىلەردە تابىستى ىلگەرىلەۋىنە ىقپال ەتەدى.
اقنۇر بەرىكبولقىزى, ءال- فارابي اتىنداعى قازۇۋ- ءنىڭ گەوگرافيا جانە تابيعاتتى پايدالانۋ فاكۋلتەتى
گۇلنار ايگارينوۆا, زاڭ عىلىمدارىنىڭ كانديداتى, پروفەسسور.
