قر ۇلتتىق بانكى توراعاسىنىڭ ورىنباسارى ج. قۇرمانوۆ حابارلاعانداي, ۇلتتىق بانك قازاقستاندىق قور بيرجاسىندا ۆاليۋتاعا سۇرانىس پەن ۇسىنىستىڭ نەگىزىندە قالىپتاساتىن ەركىن ايىرباس باعامى رەجيمىن ىسكە اسىرۋدى ۇستاناتىن بولادى.
«بۇل تۇستا بانكتەر مەن ولاردىڭ كليەنتتەرى تاراپىنان ۆاليۋتاعا سۇرانىس ۇسىنىسىنىڭ اشىقتىعىن قامتاماسىز ەتۋ ماڭىزدى, نارىق بولجامدى بولۋى ءۇشىن ۇلتتىق قور, ۇلتتىق قوردىڭ قاراجاتى ۆاليۋتا نارىعىندا قالاي ايىرباستالاتىنى, كۆازيمەملەكەتتىك سەكتور كاسىپورىندارى ۆاليۋتا نارىعىنا قالاي شىعاتىنى تۋرالى اقپاراتتى اشۋ ءۇشىن مەملەكەتتىڭ بەلگىلى ءبىر شارالاردى قابىلداعانى ماڭىزدى», — دەدى ول.
ج. قۇرمانوۆ ۇلتتىق بانك تاراپىنان تەڭگە باعامىنىڭ بەلگىلى ءبىر بولجامى بولمايتىنىن اتاپ ايتتى. ءسوز ەكونوميكالىق قىزمەت سۋبەكتىلەرى تاراپىنان ۆاليۋتا نارىعىندا سۇرانىس پەن ۇسىنىس بويىنشا اشىعىراق اقپاراتتى قامتاماسىز ەتۋى تۋرالى بولىپ وتىر.
ۇلتتىق بانك توراعاسى ورىنباسارىنىڭ ايتۋىنشا, ينتەرنەت-زايمدارعا قاتىستى, جوعارى پايىزدىق مولشەرلەمەمەن حالىققا زايم ۇسىنۋ تۇرىندە كورىنىس بەرەتىن تۇتىنۋشىلىق نەسيەلەندىرۋ سالاسىنداعى تاۋەكەلدەردى تومەندەتۋ ماقساتىندا كەشەندى جۇمىستار جۇرگىزىلەتىن بولادى.
ء«بىز حالىقارالىق تاجىريبەگە تالداۋ جاساپ وتىرمىز, حالىقارالىق تاجىريبەنى ەسكەرۋمەن بانكتىك ەمەس نەسيە ۇيىمدارىن رەتتەۋ پەريمەترىن كەڭەيتۋ ءۇشىن بەلگىلى ءبىر ۇسىنىستاردى ەنگىزۋدى جوسپارلاۋدامىز», — دەدى ج. قۇرمانوۆ.
سونىمەن قوسا, سپيكەردىڭ تۇسىندىرۋىنشە, ۇلتتىق بانكتەن ۇكىمەتكە جانە كەرىسىنشە رەتتەۋ فۋنكتسياسىن بەرۋ تۋرالى ەش اڭگىمە جوق. ۇلتتىق بانك ۇلتتىق بانك تۋرالى زاڭعا سايكەس ءوزىنىڭ رەتتەۋشى فۋنكتسيالارىن ودان ءارى ىسكە اسىرا بەرەتىن بولادى.
ء«بىز بۇل تۇرعىدا دا قارجى نارىعىن تولىق رەتتەۋگە تىرىساتىن بولامىز, ەگەر ۇلتتىق بانكتىڭ رەتتەلمەيتىن نەسيە ۇيىمدارىنا قاتىستى فۋنكتسيالارىن كەڭەيتۋ قاجەت بولسا, ءتيىستى ۇسىنىستاردى ءبىز ازىرلەيمىز. ۇلتتىق بانكتىڭ نەگىزگى ماقساتى باعانى قامتاماسىز ەتۋ بولىپ تابىلادى, بۇل تۇرعىدا ۇلتتىق بانك ءتيىستى مونەتارلىق ساياساتتى پايدالانۋمەن اقشالاي-نەسيە ساياساتى اياسىندا تاۋەلسىز ساياساتىن جالعاستىرا بەرەدى», — دەپ ءتۇسىندىردى ول.
ۇلتتىق بانك توراعاسىنىڭ ورىنباسارى ينفلياتسيا بويىنشا ماقساتتى ءدالىز 2021 جىلدى قوسا العاندا, وعان دەيىن 4-6% ارالىعىندا ايقىندالعانىن جەتكىزدى.
ء«بىز ينفلياتسياعا ىقپال ەتەتىن ءتيىستى سىرتقى جانە ىشكى فاكتورلارعا تالداۋ جاسادىق, بۇل تۇرعىدا ءبىز وسى فاكتورلاردى ەسكەرۋمەن 4-6% ارالىعىندا ساقتاۋ دۇرىس بولادى دەپ كۇتىپ وتىرمىز, ودان سوڭ ينفلياتسيا تومەندەگەن جاعدايدا 3-5% دالىزىندە قالاتىن بولامىز. ينفلياتسيا ماسەلەسى ۇلتتىق بانككە عانا قاتىستى ەمەس, ۇكىمەت تاراپىنا دا قاتىستى ماسەلەلەر بار. وسىنى ەسكەرە وتىرىپ, ءبىز قازاقستاندا ينفلياتسيانى تومەندەتۋ بويىنشا شارالاردى ىسكە اسىرۋدا ءىس-قيمىلدارىمىزدى ۇيلەستىرۋ ءۇشىن كەلىسىمگە قول قويدىق», — دەدى ول.
بۇدان وزگە, ج. قۇرمانوۆ ۇلتتىق بانك بانكتەردىڭ نەسيە پورتفەلدەرىنىڭ ساپاسىن باعالاۋدى كوزدەپ وتىرعانىن ايتتى.
«تاۋەكەلگە باعدارلانعان قاداعالاۋدىڭ كوپتەگەن ماسەلەلەرى بانك سەكتورىنا جۇمىلدىرىلعان جانە بانك سەكتورى بويىنشا وتە سەزىمتال. بانكتەر اكتيۆتەردىڭ ساپاسى, زايمدار پورتفەلدەرىنىڭ ساپاسى بويىنشا ءوز ماسەلەلەرىن قالاي شەشەدى؟ وسى ءۇشىن حالىقارالىق تاجىريبەنى ەسكەرە وتىرىپ, ءبىز بانكتەردىڭ نەسيە پورتفەلدەرىنىڭ ساپاسىن باعالاۋدى جوسپارلاپ وتىرمىز, كەيىن وسى نەگىزدە وزىمىزگە ءتيىستى تۇجىرىمدار جاسايمىز. بۇنىڭ قورىتىندىسى بويىنشا, نەسيە بەرۋ ۇيىمىنىڭ تاۋەكەلى قانشالىقتى جوعارى بولسا, رەتتەۋشى تاراپىنان سونشالىقتى قاداعالاۋ جاسالاتىن ءتيىستى تاۋەكەلگە باعدارلانعان قاداعالاۋ جۇمىستارىن قولعا الامىز. اتالعان قاعيدا ساقتالادى», — دەدى ول.
ءوز كەزەگىندە, ءبىرىنشى ۆيتسە-پرەمەر – قارجى ءمينيسترى ءا. سمايىلوۆ وسىنداي رەتتەلمەيتىن نەسيە ۇيىمدارى قازاقستاندىقتاردىڭ قارجىلىق ساۋاتسىزدىقتارىن پايدالانا وتىرىپ, حالىققا ۇلكەن پايىزدارمەن زايم بەرەتىنىن اتاپ ءوتتى.
«ولاردىڭ قىزمەتىن رەتتەۋ كەرەك, ازاماتتاردىڭ مۇددەلەرىن قورعاۋ ءۇشىن اتالعان مارجانى شەكتەۋ قاجەت. وسىنداي نەسيەلىك ۇيىمداردى رەتتەۋگە, شەكتەۋگە, پايدا تابۋعا مۇمكىندىك بەرمەۋ ءۇشىن ۇلتتىق بانك ولارعا ءتيىستى ۋاكىلەتتىكتەردى بەرۋدى ۇسىنادى, شىن مانىسىندە, بۇل ازاماتتاردىڭ نەسيەلەندىرۋدىڭ قارجىلىق شارتتارى بويىنشا ساۋاتسىزدىقتارىنا, از اقپاراتتانۋىنا جاسالعان ايلاكەرلىك سحەمالارى», — دەدى ءا. سمايىلوۆ.
