سەلەكتورلىق رەجيمىندە كەڭەسكە نۇر-سۇلتان, الماتى جانە شىمكەنت قالالارىنىڭ, وبلىستاردىڭ, اۋدان اكىمدەرىنىڭ ورىنباسارلارى, جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارمالارىنىڭ باسشىلارى, «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ, ەڭبەك, الەۋمەتتىك قورعاۋ جانە كوشى-قون كوميتەتىنىڭ اۋماقتىق دەپارتامەنتتەرىنىڭ وكىلدەرى قاتىستى.
كەڭەس بارىسىندا اعىمداعى جىلدىڭ 1 ساۋىرىنەن باستاپ حقكو, جۇمىسپەن قامتۋ ورتالىقتارى, اۋىلدىق وكرۋگتەر اكىمدىكتەرىنىڭ بازاسىندا اتاۋلى الەۋمەتتىك كومەك تاعايىنداۋ ءۇشىن ازاماتتاردىڭ وتىنىشتەرىن قابىلداۋعا وڭىرلەردىڭ دايىندىعى ماسەلەلەرى قارالدى.
«باستى ماسەلە - جەرگىلىكتى جەرلەردە ازاماتتاردىڭ جاڭا فورماتتاعى اتاۋلى الەۋمەتتىك كومەك الۋعا قۇجاتتارىن قابىلداۋعا دايىندىعىن قامتاماسىز ەتۋ. ەگەر قاجەت بولسا قوسىمشا مامانداردى قاراستىرىڭىز. سونداي-اق, حالىق اراسىندا ساپالى اقپاراتتىق-ءتۇسىندىرۋ جۇمىستارىن قامتاماسىز ەتۋ ماڭىزدى. ازاماتتارعا مەملەكەتتىك قولداۋدىڭ قانداي شارالارى قاراستىرىلعانىن قاراپايىم تۇسىنىكتى تىلدە ءتۇسىندىرۋ كەرەك», - دەپ اتاپ ءوتتى مينيستر.
ايتا كەتۋ كەرەك, اتاۋلى الەۋمەتتىك كومەككە ءوتىنىش بەرگەن ايدان باستاپ, ياعني جاڭا فورماتتاعى ااك الۋ ءۇشىن ءدال 1 ساۋىردە قۇجاتتاردى تاپسىرۋ مىندەتتى ەمەس. مۇنى ءبىر اي ۋاقىت ارالىعىندا جاساۋعا بولادى.
ەستەرىڭىزگە سالا كەتەيىك, ەلباسىنىڭ تاپسىرماسىنا سايكەس, قازاقستاندا ءۇ.ج. 1 ساۋىرىنەن باستاپ ااك كورسەتۋ ولشەمى ەڭ تومەنگى كۇنكورىس دەڭگەيىنىڭ 50% - دان 70% - عا دەيىن ءوسىپ, 20 789 تەڭگەنى قۇرادى. ااك الۋشىلار سانى 571,6 مىڭ ادامنان 830 مىڭ ادامعا دەيىن وسەدى. بۇل رەتتە, ەگەر ااك-ءتىڭ ورتاشا مولشەرى وتباسىنىڭ ءاربىر مۇشەسىنە بۇرىن 4 834 تەڭگە قۇراعان بولسا, كەلەسى ايدان باستاپ, ءار بالاعا 20 789 تەڭگە تولەنەدى.
ااك الۋشىلاردى قامتۋدى كەڭەيتۋ ماقساتىندا وتباسىنىڭ جيىنتىق تابىسى ەسەبىنەن "التىن القا" جانە "كۇمىس القا" بەلگىلەرىمەن ماراپاتتالعان كوپ بالالى انالارعا, بالانىڭ مۇگەدەكتىگى بويىنشا جاردەماقى, سونداي-اق, ستيپەنديالار الىنىپ تاستالادى. ااك تاعايىنداۋ ءراسىمى سۇراۋ سالىنعان قۇجاتتاردى وڭتايلاندىرۋ ارقىلى جەڭىلدەتىلەدى: تەك جەكە كۋالىك قاجەت بولادى.
سونداي-اق, كوپ بالالى اۋىلدىقتار مەن جاستارعا 505 مىڭ تەڭگە كولەمىندە جاڭا بيزنەس يدەيالاردى ىسكە اسىرۋ ءۇشىن 10 مىڭ مەملەكەتتىك گرانت بەرىلەتىن بولادى. 5 مىڭعا جۋىق مۇمكىندىگى شەكتەۋلى ازاماتتار مەن كوپ بالالى انالارعا ءوز ءىسىن اشۋعا 6,5 ملن.تەڭگەگە دەيىن شاعىن نەسيەلەۋمەن قامتۋ جوسپارلانۋدا.
تۇرعىن ءۇي ماسەلەلەرىن شەشۋ ءۇشىن اۋقىمدى شارالار كەشەنى قاراستىرىلعان, ونىڭ ىشىندە جتق ءۇشىن جەر ۋچاسكەلەرىن ءبولۋ, كوپ بالالى وتباسىلار ءۇشىن تۇرعىن ۇيگە باستاپقى جارنانى سۋبسيديالاۋ, كوپ بالالى وتباسىلار قاتارىنان از قامتىلعان وتباسىلار ءۇشىن جالعا بەرىلەتىن تۇرعىن ءۇي سالۋ.
بۇدان باسقا, جەرگىلىكتى اتقارۋشى ورگاندار كورسەتەتىن الەۋمەتتىك قىزمەتتەر مەن قولداۋ شارالارىنىڭ بىرىڭعاي پاكەتى ازىرلەندى.
