«مەملەكەت ازاماتتاردىڭ الەۋمەتتىك وسال ساناتتارىن, سونىڭ ىشىندە قارتتار مەن مۇمكىندىگى شەكتەۋلى ازاماتتاردى قولداۋعا ەرەكشە كوڭىل بولەدى. بۇل ءبىزدىڭ مەملەكەتىمىزدىڭ الەۋمەتتىك ساياساتىنىڭ باسىم باعىتتارىنىڭ ءبىرى بولىپ تابىلادى. «Nur Otan» پارتياسىنىڭ XVIII سەزىندە ەلباسى باستى مىندەتتەردىڭ ءبىرى ازاماتتاردىڭ ءومىر ءسۇرۋ ساپاسى مەن ءال - اۋقاتىنىڭ ارتۋىن انىقتادى», دەپ اتاپ ءوتتى بەردىبەك ساپارباەۆ ورتالىق تۇرعىندارىمەن اڭگىمە بارىسىندا.
«شاراپات» الەۋمەتتىك قىزمەت كورسەتۋ ورتالىعى 1989 جىلدان باستاپ جۇمىس ىستەيدى جانە قارت ادامدار مەن مۇگەدەكتەردىڭ تۇراقتى نەمەسە ۋاقىتشا تۇرۋىنا, سونداي-اق ومىرلىك قيىن جاعدايعا تاپ بولعان ادامدارعا ارنالعان 400 ورىنعا ەسەپتەلگەن. قازىرگى ۋاقىتتا مۇندا 27-97 جاس ارالىعىنداعى 321 ادام تۇرادى. ونىڭ ىشىندە ەكى ۇوس قاتىسۋشىسى, 8 ۇوس قاتىسۋشىلارىنا تەڭەستىرىلگەندەر, 25 تىل ەڭبەككەرلەرى, 4 قۋعىن - سۇرگىنگە ۇشىراعاندار.
قامقورلىقتاعى ادامدارعا ساۋىقتىرۋ جانە الەۋمەتتىك-وڭالتۋ قىزمەتتەرىنىڭ كەشەنى كورسەتىلەدى. ونىڭ ىشىندە ەمدەۋدىڭ مەديكومەنتوزدى ەمەس ادىستەرى: يپپوتەراپيا جانە ءجۇزۋ, «تونۋس» دەنساۋلىق توبى, «بەلسەندى تاڭ», «سكانديناۆتىق جۇرىس» قولدانىلادى. مەكەمەدە تۇراتىن مۇمكىندىگى شەكتەۋلى ازاماتتار سەرۋەندەۋ اربالارىمەن, جۇرگىشتەرمەن, بالداقتارمەن, ورتوپەديالىق اياق كيىممەن, تيفلوقۇرالدارمەن, گيگيەنالىق قۇرالدارمەن قامتاماسىز ەتىلگەن.
سونداي-اق الەۋمەتتىك-پسيحولوگيالىق قىزمەت كورسەتۋ جانە پسيحوەموتسيالىق تۇراقتىلىق پەن رەلاكساتسيانى قولداۋ ماقساتىندا سەنسورلىق بولمە, قۇم جانە يونوتەراپيا بولمەلەرى جۇمىس ىستەيدى. «حالىقتىق قولدانبالى شىعارماشىلىق», «شەبەر قولدار», «كوركەم سۋرەت سالۋ» ۇيىرمەلەرى, تىگىن تسەحى, ەتىك شەبەرحاناسى, مۇگەدەكتەر اربالارىن جوندەۋ شەبەرحاناسى جۇمىس ىستەيدى.
