- مەن ءۇشىن بۇل ۇلكەن ماقتانىش, وسى جىلى بايقاۋ جاڭا دەڭگەيگە شىقتى. بىزگە باسقا قالالار مەن ەلدەردەن ديزاينەرلەر كەلدى. ءبىر كەزدەرى مەن قاراعاندىدا Fashion يندۋسترياسىن دامىتۋعا بولادى ما دەپ ويلادىم. قازىر مەن بۇل سالا ماڭىزدى ەكەنىن تۇسىنەمىن جانە پىكىرلەستەر مەن جاقتاستار بار, دەيدى جوبانىڭ يدەيالىق شابىتتاندىرۋشىسى يرينا نەچاەۆا.
بايقاۋ قالالىق مادەنيەت جانە تىلدەردى دامىتۋ ءبولىمىنىڭ تاپسىرىسى بويىنشا «شاڭىراق ەلگە ورتاق» قب ۇيىمداستىردى. شاراعا «نۇر وتان» پارتياسىنىڭ قالالىق فيليالى, ەۋرازيالىق ايەلدەر اسسوتسياتسياسى, قاراعاندى وبلىسىنىڭ جەڭىل ونەركاسىپ كوميتەتى جانە ت.ب. قولداۋ كورسەتتى.
بايقاۋ ۇلتتىق كوستيۋمدەردى كورسەتۋمەن اشىلدى. ودان ءارى ديزاينەرلەر ەتنو-جانە ەكو-ستيلدەگى توپتامالاردى ۇسىندى. ماۋسىمنىڭ ترەندى كيىزدەن جانە تابيعي جىبەكتەن جاسالعان بۇيىمدار بولدى. قازىرگى ءسان وبرازدارىنىڭ ارتۇرلىلىگىمەن تاڭ قالدىردى. مودەلدەردى وزگەرتتى: قاراپايىم جانە نازىك, باتىل جانە ميليتاري ءستيلىن قولدانعان.
باس جۇلدە مەن ماسكەۋگە «ۇزدىك ديزاينەر» نوميناتسياسى بويىنشا قاتىسۋعا جولدامانى قازاقستان استاناسىنىڭ قاتىسۋشىسى كاميليا سۇلەيمەنوۆا جەڭىپ الدى. ونىڭ توپتاماسىنداعى ءداستۇرلى كيىز وڭدەۋ شەبەرلىگى جاڭا قىرىنان كورسەتىلىپ, زاماناۋي لەپكە يە بولدى.
قاراعاندىلىق ولگا تسەللەر اشەكەي ديزاينىندا ۇزدىك دەپ تانىلدى. قازىلار القاسى كەنشىلەر قالاسىنىڭ ەرەكشەلىگىن بەينەلەيتىن توپتامانى جوعارى باعالادى. شەبەر ءوز اشەكەيلەرىندە كومىر مەن تابيعي گۇلدەر قولدانعان.
- نەگىزى ماماندىعىم بويىنشا ەكونوميستپىن. ءتورت جىل بەزەندىرۋ ديزاينىمەن اينالىسامىن. بارلىعى حوببيدەن باستالدى. مەن وزىمە جانە قۇربىلارىما ارنالعان اكسەسسۋارلار جاسادىم. سودان كەيىن شايىر ۇستىنە تابيعي گۇلدەردەن اشەكەي جاساۋ تەحنولوگياسىن مەڭگەردىم. ءحوببيىم دامي باستادى دا, كاسىبىمە اينالدى. قازىر كوللەكتسيالارمەن جۇمىس ىستەيمىن جانە بىرەگەي ءستيلىمدى جاساۋعا تىرىسامىن, دەيدى ولگا تسەللەر.
