اشىلۋ سالتاناتى قازاقستاننىڭ نيدەرلاندتاعى ەلشىلىگىنىڭ ديپلوماتتارى, (2014-2016 جج.) نيدەرلاندتىڭ قازاقستانداعى بۇرىنعى ەلشىسى ح.دريسسەر, دەۆەنتەر مەرى ر.كونيگ پەن قر-مەن ىسكەرلىككە قىزىعۋشىلىعى بار شامامەن جيىرما گوللاند كومپانياسىنىڭ قاتىسۋىمەن ءوتتى. ءىس-شارا بارىسىندا قۇرمەتتى كونسۋلدىققا قازاقستان رەسپۋبليكاسىنىڭ ەلتاڭباسىن رەسمي تاپسىرۋ ءراسىمى ءوتتى.
قر ەلشىلىگىنىڭ وكىلدەرى كەش قوناقتارىن اتالعا ماڭىزدى شارامەن قۇتتىقتاپ, قۇرمەتتى كونسۋلدىق ەكىجاقتى ەكونوميكالىق بايلانىستاردىڭ ودان ءارى نىعايۋىنا سەبەپشى بولاتىنىن اتاپ ءوتتى.
ءىس-شارا قاتىسۋشىلارىنا نۇرسۇلتان نازارباەۆتىڭ قر پرەزيدەنتىنىڭ وكىلەتتىگىن اتقارۋدى توقتاتۋ تۋرالى شەشىمى جانە 2019 ج. 20 ناۋرىزدا قاسىم-جومارت توقاەۆتىڭ مەملەكەت باسشىسى لاۋازىمىنا كىرىسكەنى تۋرالى حابارلاندى. وكىلەتتىكتى تابىستاۋ بارىسى قر كونستيتۋتسياسى مەن زاڭنامالارىن قاتاڭ ساقتاۋ ارقىلى جۇزەگە اسىرىلعانى اتالىپ ءوتتى.
سونىمەن قاتار, شارا اياسىندا قر ينۆەستيتسيالىق ساياساتىنىڭ سوڭعى باعىتتارى تانىستىرىلدى. وسى ورايدا ەلىمىزدە قولايلى ينۆەستيتسيالىق جاعدايدى قولداۋ – قازاقستاننىڭ مەملەكەتتىك ساياساتىنىڭ باسىم باعدارى بولىپ قالاتىنى ەرەكشە اتالىپ ءوتتى.
قازاقستاننىڭ نيدەرلاندتاعى قۇرمەتتى كونسۋلى حەنك ەۆەرت نيبۋر ءوز كەزەگىڭدە اتقارىلعان سەنىمگە ريزاشىلىعىن ءبىلدىرىپ, ەكى ەل اراسىنداعى ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق ىنتىماقتاستىقتى نىعايتۋعا جانە دامىتۋعا اتسالىسۋعا ءازىر ەكەندىگىن مالىمدەدى.
«ەۋرازيالىق پەرسپەكتيۆالار» ورتالىعىنىڭ ديرەكتورى, ادەبيەتتانۋشى, زەرتتەۋشى (قازاق ادەبيەتى كلاسسيگى م.اۋەزوۆتىڭ نەمەرەسى) زيفا-الۋا اۋەزوۆا ناۋرىز مەيرامى تۋرالى پرەزەنتاتسيا جاساپ, تىڭدارماندارعا وركەندەۋ مەن ۇرپاقتار ساباقتاستىعىنىڭ سيمۆولى - كوكتەمگى جاڭارۋ كەزەڭى مەرەكەسىنىڭ تاريحى مەن داستۇرلەرى تۋرالى اڭگىمەلەپ بەردى.
