جاستار ۇيىمدارىنىڭ كوشباسشىلارى قاتىسقان وتىرىستا جاستار وزدەرىنىڭ ويلارىمەن ءبولىسىپ, تۇڭعىش پرەزيدەنتتىڭ ەلىمىزدىڭ تاۋەلسىزدىك الۋىنا, دامۋشى ەلدەردىڭ قاتارىنا كىرۋىنە, كوركەيۋىنە, جاڭا استانانىڭ قۇرىلۋىندا ەلەۋلى ۇلەس قوسقانى, سونداي-اق, ن. ءا. نازارباەۆ پرەزيدەنتتىك وكىلەتتىلىگىن توقتاتقانىمەن قاۋىپسىزدىك كەڭەسىنىڭ توراعاسى, «Nur Otan» پارتياسىنىڭ توراعاسى, قازاقستان حالقى اسسامبلەياسىنىڭ توراعاسى, كونستيتۋتسيالىق كەڭەستىڭ مۇشەسى رەتىندە ءوز قىزمەتىن, ەلىمىزدىڭ دامۋىنا ودان ءارى ءوز ۇلەسىن قوسۋىن جالعاستىرا بەرەتىنى ايتىلدى.
داۋلەت كارىبەك, «نۇر وتان» پارتياسى «جاس وتان» جق اتقارۋشى حاتشىسى:
«قازاقستاننىڭ مەملەكەت بولىپ قالىپتاسۋىندا ن.ءا. نازارباەۆتىڭ, پارتيامىزدىڭ توراعاسىنىڭ ەرەن ەڭبەگى وراسان زور. بەيبىت اسپانىمىز, قازىرگى تاڭدا بولىپ جاتقان تۇلعالىق دامۋ جانە ءبىلىمىمىز ءۇشىن ەلباسى بۇكىل ەڭبەگىن اياماي سارپ ەتتى. ونىڭ كۋاسى بۇگىندە «بولاشاق» اسسوتسياتسياسى, «جاس ۇلان», «جاسىل ەل», ەلباسىنىڭ بالاسى بولىپ سانالاتىن «جاس وتان» جق ايتىپ وتۋگە بولادى. ەلباسىنىڭ باستاپ كەتكەن بارلىق ساياساتىن وسى ءبىزدىڭ قازاقستان جاستارى, بىزدەر جالعاستىرۋىمىز كەرەك. سەبەبى, 2050 جىلى قازاقستاندا تۇراتىن جانە ءومىر سۇرەتىن بىزدەر. مەملەكەتتى قۇرۋ جانە ودان ارى دامۋ مۇمكىندىگى بىزگە بەرىلىپ وتىر».
ماكسيم سپوتكاي, قازاقستان حالقى اسسەمبلەياسىنىڭ «جاڭعىرۋ جولى» رەسپۋبليكالىق جاستار قوزعالىسىنىڭ جەتەكشىسى:
«استانامىزدىڭ نۇر-سۇلتان دەپ اۋىستىرىلۋى تاريحي شەشىم دەپ قابىلداۋ كەرەك. سەبەبى ول شىنىندا دا الەمدىك ارەناداعى ءبىزدىڭ ەلوردامىزدىڭ ءيميدجىن ارتتىرۋ جاعىنان ەرەكشە ءسات. نۇر-سۇلتان اتاۋى بۇل ءبىزدىڭ جاستارىمىزدىڭ, جاڭا ۇرپاعىمىزدىڭ, تاۋەلسىز ەلىمىزدە تۋىپ وسكەن جاستارىمىزدىڭ اتىنان ەلباسىمىزعا قۇرمەت نىشانى دەپ قابىلداۋ كەرەك. قازاقستان حالقى اسسامبلەياسى, جالپى قازاقستان جاستارى وسى شەشىمدى قولدايدى دەپ ويلايمىن».
وتىرىس بارىسىندا جاستار ۇيىمدارىنىڭ جەتەكشىلەرى مەن جاس كوشباسشىلار قازاقستاندىق جاستارعا ۇندەۋ جاساپ, جاس قازاقستاندىقتاردى تاۋەلسىز قازاقستاننىڭ تۇڭعىش پرەزيدەنتى ايقىنداعان ستراتەگيالىق باعىتقا قولداۋ كورسەتۋدە بىرلىك, تاتۋلىق پەن كەلىسىم تانىتۋعا شاقىردى.
