فەيسبۋك 2004 جىلعى 4 اقپاندا قۇرىلعان. ۇزاق ۋاقىت بويى بۇل جەلى تەك گارۆارد ۋنيۆەرسيتەتىندەگى مارك تسۋكەربەرگتىڭ شاكىرتتەرىنە عانا قول جەتىمدى بولدى. سول كەزدە فەيسبۋك پايدالانۋشىلارىنىڭ سانى ەكى ميللياردقا جەتەتىنىن, ال تسۋكەربەرگتىڭ الەمنىڭ ەڭ باي ادامدارىنىڭ قاتارىنا كىرەتىنىن ەشكىم دە ەلەستەتە المادى.
الايدا فەيسبۋكتىڭ تانىمال بولۋىنا كوپتەگەن داۋ-جانجال سەبەپ بولدى. 2018 جىلدىڭ كوكتەمىندە كومپانيا ساياسي داۋ-دامايدىڭ ورتاسىندا قالدى. كەيىن امەريكاندىق كونگرەسس تىڭداۋى كەزىندە تسۋكەربەرگ كوپشىلىك الدىندا كەشىرىم سۇراپ, جەكە اقپاراتتى ساقتاۋ جۇمىستارىن قايتا قاراۋعا ۋادە بەردى.
اقش-تا سايلاۋ الدىنداعى جارىس كەزىندە Cambridge Analytica كومپانياسى امەريكالىق سايلاۋشىلاردىڭ تاڭداۋىن الدىن الا تالداۋ ماقساتىندا فەيسبۋكتىڭ 50 ملن پايدالانۋشىcىنىڭ مالىمەتتەرىن زاڭسىز پايدالانعان.
«كوپتەگەن ادام وسى پلاتفورماعا ۇيرەنگەن. ءيا, فەيسبۋك بيزنەس-مودەلى تۇتىنۋشىلار تۋرالى اقپارات جيناۋ ءۇشىن جارناما بەرۋشىلەرمەن بايلانىس جاسايدى. بىراق بۇل ىڭعايلى قوسىمشالاردى قارجىلاندىرۋعا مۇمكىندىك بەرەدى. مۇنىڭ بارلىعى ادامداردىڭ قىزىعۋشىلىعىن ارتتىرادى», - دەيدى كاليفورنيا ۋنيۆەرسيتەتىنەن دجەسس گولدحاممەر.
ۇلمەكەن ادايحان,
ەۋرازيا ۇلتتىق ۋنيۆەرسيتەتى
