«ەڭ الدىمەن استانادا تۇندە بولعان ءورت سالدارىنان 5 ادام قايتىس بولعان قايعىلى وقيعاعا بايلانىستى كوڭىل ايتامىن. ولاردىڭ بارلىعى – قىزدار. ەڭ ۇلكەنى – 13 جاستا, ەڭ كىشىسى – 3 ايلىق» دەدى يۋري يلين.
ول وسى قايعىلى وقيعانىڭ بولۋ سەبەبىنە قىسقاشا توقتالدى. كوكتال-1 مولتەك اۋدانى, شىڭعىستاۋ كوشەسىندەگى 5-ۇيدە تۇنگى ساعات 2-دەن 34 مينۋت كەتكەندە ءورت قاۋىپسىزدىگى قىزمەتىنە كورشى ۇيدەن حابار جەتەدى.
حابارلاماعا سايكەس, استانا قالاسىنىڭ ارنايى مامانداندىرىلعان 3 قۇتقارۋ بولىمشەسى جىبەرىلگەن. تيىسىنشە, 15 قىزمەتكەر جىبەرىلەدى جانە 2 مينۋتتان كەيىن جەدەل جاردەم ستانساسىنا, پوليتسياعا, سونداي-اق ءوزارا ارەكەتتەسۋ قىزمەتىنە حابارلانادى.
ءورت بولىمشەسى مەن وقيعا بولعان جەر ارالىعى, يۋري ءيليننىڭ ايتۋىنشا, شامامەن 4 كيلومەتردى قۇرايدى. ەكى ارالىقتى ءجۇرىپ ءوتۋ ۋاقىتى - 7 مينۋت. ال, قالا قۇرىلىسىن ەسكەرسەك, 10 مينۋتقا دەيىن سوزىلادى. ءورت شامامەن 30 شارشى مەتر اۋماقتى قامتىعان.
