ء«ورت ءسوندىرۋ كەزىندە ساعات 2:45-تە ءۇيدىڭ توبەسى وپىرىلىپ ءتۇستى. ال 2:50-دە بەس بالانىڭ مۇردەسى تابىلدى. 3:24-تە ءورت تولىعىمەن اۋىزدىقتالدى», - دەدى يۋ.يلين.
ونىڭ ايتۋىنشا, ءورت تۋرالى xابار تۇنگى ساعات 2:34 مينۋتتا تۇسكەن. ال ءورت ءسوندىرۋ قىزمەتى 4 شاقىرىم شالعاي جەردە ورنالاسقان. ولار شامامەن 7 مينۋتتىڭ ىشىندە وقيعا ورنىنا جەتكەن.
«تەرگەۋ ورگاندارىنىڭ اقپاراتىنا سايكەس, بالالاردىڭ اكەسى - 1984 جىلى تۋعان ازامات. ول تەxنيكالىق قىزمەت كورسەتۋ ستانساسىندا موتوريست بولىپ ىستەيدى. كەشكى ۋاقىتتا ول پەشتى جاعىپ قويدى. سول كەزدە جۇمىس بەرۋشى ونى شۇعىل جۇمىسقا شاقىرىپ العان. سول سەبەپتى ول تۇنگى ۋاقىتتا ۇيىندە بولمادى. ال اناسى جاۋاپكەرشىلىگى شەكتەۋلى سەرىكتەستىكتە بولشەكتەپ ولشەۋشى بولىپ قىزمەت اتقارادى. ول دا تۇنگى اۋىسىمدا بولعان», - دەپ اتاپ ءوتتى يۋ.يلين.
ايتۋىنشا, دالاعا شىعاتىن مۇرجانىڭ اسبەست قاپتاسى بولماعان, سودان اعاش شاتىر ورتتەنگەن. قازىر ارنايى زەرتxانا جۇمىس ىستەپ جاتىر. سونىڭ قورىتىندىسى بويىنشا ناقتى سەبەپتەر بەلگىلى بولادى.
ايتا كەتەيىك, 4 اقپان كۇنى تۇندە ەلوردانىڭ سارىارقا اۋدانىنداعى كوكتال-1 تۇرعىن ءۇي الابىنان ءورت شىقتى. ءورتتى ءسوندىرۋ بارىسىندا 2006, 2008, 2014, 2016, 2018 جىلى دۇنيەگە كەلگەن 5 بالانىڭ دەنەسى تابىلدى.
