ايتۋلى جارىستىڭ باس جۇلدە ءۇشىن 18 كوماندا تالاسادى. ولاردىڭ تورتەۋى 2018 جىلعى دەۆيس كۋبوگىنىڭ جارتىلاي فينالىنا دەيىن جەتىپ, ۇزدىك تورتىكتىڭ قاتارىنان كورىنگەن حورۆاتيا, فرانتسيا, اقش جانە يسپانيا قۇرامالارى. 12-ءسى ىرىكتەۋ ءتۋرنيرىنىڭ جەڭىمپازدارى. ولار – اۆستراليا, بەلگيا, گەرمانيا, گوللانديا, جاپونيا, يتاليا, كانادا, كولۋمبيا, قازاقستان, رەسەي, سەربيا جانە چيلي. قالعان ەكەۋى «ۋايلد-كاردقا» يە بولعان ارگەنتينا مەن ۇلىبريتانيانىڭ تەننيسشىلەرى.
جاڭا ەرەجەگە ساي بۇل كوماندالار ءۇش-ۇشتەن التى توپقا ءبولىنىپ, ءوزارا كۇش سىناسادى. ءار توپتىڭ جەڭىمپازدارى مەن ەڭ جاقسى ناتيجە كورسەتكەن تاعى ەكى مەملەكەتتىڭ ورەندەرى شيرەك فينالعا جولداما الادى. ولار ەكى جەكەلەگەن جانە ءبىر جۇپتىق سايىستا مىقتىنى انىقتايتىن بولادى. ودان كەيىن جارتىلاي فينال جانە فينال.
ايتۋلى تۋرنير باس-اياعى ءبىر اپتا ارالىعىندا اياقتالۋعا ءتيىس. ناقتىراق ايتساق, بيىلعى ماۋسىمنىڭ دەۆيس كۋبوگىنىڭ فينالدىق سايىسى 18-24 قاراشا ارالىعىندا يسپانيانىڭ استاناسى – مادريدتە وتەدى.
عالىم سۇلەيمەن,
«Egemen Qazaqstan»
