شاراعا وبلىس اكىمىنىڭ ورىنباسارى اقان ابدۋاليەۆ, وبلىستىق دەنساۋلىق ساقتاۋ باسقارماسىنىڭ باسشىسى باۋىرجان ىسقاق ارنايى قاتىستى.
– وبلىستىق بيۋدجەتتەن جىل سايىن دەنساۋلىق ساقتاۋ سالاسىنا قارجى بولىنەدى. الايدا اۋداندارداعى دەنساۋلىق ساقتاۋ مەكەمەلەرىن وزىق تەحنولوگياداعى جاڭا اپپاراتۋرالارمەن تولىق قامتاماسىز ەتۋگە بيۋدجەت قارجىسى جەتە بەرمەيتىنى راس, – دەگەن وبلىس اكىمىنىڭ ورىنباسارى ا. ابدۋاليەۆ شالعاي ەل تۇرعىندارىنا جاساعان جاقسىلىعى ءۇشىن قور ۇجىمىنا يگى ىستەر جولىنداعى جۇمىستارىنا تابىس تىلەدى.
ءوز كەزەگىندە ءسوز العان بولات وتەمۇراتوۆ قورىنىڭ باعدارلامالار مەنەدجەرى دانا جاقسىلىقوۆا:
– قوردىڭ باستى ماقساتى – دەنساۋلىق ساقتاۋ, ءبىلىم جانە مادەنيەت سالاسىن دامىتۋعا قىزمەت ەتۋ. جاركەنت پەرزەنتحاناسىنا مەديتسينالىق جابدىقتار تاپسىرۋ بولات وتەمۇراتوۆ قورى مەن «Riحos Borovoe» قوناقۇيىنىڭ بىرلەسكەن جوباسى نەگىزىندە جۇزەگە استى. ءبىزدىڭ قور تاراپىنان سپورتتا ۆەلوشەرۋ جانە مەديتسينادا مۇمكىندىگى شەكتەۋلى جاندارعا قولداۋ كورسەتۋدە ءبىرشاما جۇمىستار جاسالۋدا, – دەپ قوردىڭ اتقاراتىن جۇمىستارىنا توقتالدى.
سونداي-اق, جاركەنت پەرزەنتحاناسىنىڭ ديرەكتورى گاۋھار بايداحانوۆا كورسەتىلگەن كومەك ءۇشىن قايىرىمدى جاندارعا العىسىن ايتتى.
