بۇل لوفت ورتالىعى جاس تالانتتاردىڭ ءوز ارماندارىن ىسكە اسىرۋعا مۇمكىندىك بەرەتىن اشىق الاڭ سانالادى. وندا ء«بىر تەرەزە» قاعيداتى بويىنشا جۇمىس ىستەيتىن بىرنەشە سالا بىرىكتىرىلگەن مەملەكەتتىك تىلدە وقىتۋ, English club, جاس سۋرەتشىلەر, جاتاقحانالار كۋراتورلىعى, workout-center, سونداي-اق اۋىلدان كەلگەن جاستاردى بەيىمدەۋ ورتالىقتارى تۇراقتى قىزمەت كورسەتەدى.. IT-ماماندار, جاس فريلانسەرلەر, ديزاينەرلەر مەن بولاشاق باستامالارىن ىسكە اسىرۋ ءۇشىن پايدالانا الادى.ءبىر قىزىعى جاتاقحانالاردى قاداعالاۋ ورتالىعى جوعارى وقۋ ورىندارىمەن جۇمىس ىستەۋگە جاتاقحانالار مەن ولاردىڭ جاس تۇرعىندارىنى ماسەلەلەرىنىڭ شەشىلۋلەرىنە كومەكتەسەدى. وسىنداي جاستار ورتالىقتارى الاتاۋ مەن ناۋرىزباي اۋداندارىندا دا اشىلدى. وتكەن جىلدىڭ وزىندە 8 مىڭنان استام جاستار تۇراقتى جۇمىسقا ورنالاستى.
كەزدەسۋ بارىسىندا گۇلميرا يسيمباەۆا ەلباسى جاريالاعان «جاستار جىلى» اياسىندا ءار سالادا قولعا الىنعان اۋقىمدى باستامالاردى ىسكە اسىرۋدا ولاردىڭ ەرەكشە ماڭىزدى ءرول اتقاراتىنىن اتاپ ءوتتى.
جۇزدەسۋ بارىسىندا جاستار وكىلدەرى IT-ماماندارى –«NS Labs» سەرىكتەسىنىڭباس ديرەكتورى, Startup ايبەك راقىم, «ەرىكتىلەر ليگاسى»قوعامدىق قورىنىڭ ءتورايىمى ايسۇلۋ ەرنيازوۆا , «جاستار ءۇنى» قوعامدىق بىرلەستىگىنىڭ جەتەكشىسى داۋرەن بابامۇراتوۆ وزدەرىنىڭ ينتەللەكتۋالدى باعىتتاعى جاڭا باگدارلامالارىمەن تانىستىردى.
حالىق قالاۋلىلارى سول كۇنى شاھارداعى ۋربانيستيكا ورتالىعىنا بارىپ, جاس IT ماماندارىمەن كەزدەستى. بۇل عيماراتتا الماتى قالاسىنىڭ دامۋ ورتالىعى,الماتى قالاسى اكىمدىگىنىڭ «Open Almaty» قوعامدىق قابىلداۋ بولمەسى, «الماتىباسجوسپار» جانە تاعى باسقا دا مەكەمەلەر ورنالاسقان. ۋربانيستيكا ورتالىعى قالانى قورشاعان ورتانى دامىتۋ جانە قالانى جاقسارتۋ اياسىندا كوزدەلگەن جوبالاردى, ءتۇرلى شارالاردى ازىرلەۋ ءۇشىن تۇرعىندار مەن قالا اكىمشىلىگىنىڭ باسىن قوساتىن اشىقديالوگتىق الاڭ بولىپ تابىلادى.
جاستارمەن جىلى ءجۇزدى جۇزدەسۋ كەزىندە «MBionics»جشس ديرەكتورى ماۋلەن بەكتۇرعانوۆ, نوتالىق ساۋاتتىلىقتى اشۋ جانە مۋزىكالىق اسپاپتاردا ويناۋدى ۇيرەتەتىن ينتەرنەت پورتالدى ۇيىمداستىرۋشى اقنيەت باحتيار, Zero to one Iab ( موبيلدىك قوسىمشالارمەن كومپانياسىنىڭ) تەڭتوراعاسى الماس تۇياقباەۆتار «جاستار جىلىنا» ارنالعان جاڭا جوبالارىن ۇسىندى.
جاستارمەن اڭگىمە بارىسىندا ءماجىلىس دەپۋتاتتارى ولاردىڭ سۇراقتارىنا تولىقتاي جاۋاپ بەردى.
ساپارباي پارمانقۇل,
«Egemen Qazaqstan»
الماتى
