كىلتتەردى تاپسىرۋ سالتاناتتى راسىمىنە استانا قالاسىنىڭ اكىمى باقىت سۇلتانوۆ جانە «قيك» يۇ» اق باسقارما توراعاسى ءادىل مۇحامەتجانوۆ قاتىستى.
جالعا بەرىلەتىن پاتەرلەردى استانا قالاسى اكىمدىگىندە كەزەكتە تۇرعاندار الدى – ولار كوپ بالالى وتباسىلار, 1-2-توپتاعى مۇگەدەكتەر جانە مۇگەدەك بالالاردى تاربيەلەپ وتىرعان وتباسىلار, اتا-اناسىنىڭ قامقورلىعىنسىز قالعان جەتىم بالالار جانە حالىقتىڭ الەۋمەتتىك وسال توپتارىنا جاتاتىن باسقا دا ازاماتتار.
قونىستانۋشىلارعا لەپسى كوشەسى, 44 ءۇي مەكەنجايىندا ورنالاسقان جالپى الاڭى 4,3 مىڭ ش.م. بولاتىن تۇرعىن ۇيدەن 80 پاتەر بەرىلدى. ونىڭ ىشىندە: 25 – ءبىر بولمەلىك, 41 – ەكى بولمەلىك, 14 – ءۇش بولمەلىك پاتەر بار. وبەكت ەسىلدىڭ سول جاعالاۋىندا ورنالاسقان, جانىندا مەكتەپ, جەكەشە بالاباقشالار, قالالىق ەمحانا جانە بالالار اۋرۋحاناسى بار.
اي سايىنعى جالداۋ اقىسى 1 شارشى مەتر ءۇشىن 839 تەڭگەنى قۇرايدى. بارلىق پاتەرلەر كەزەكتە تۇرعاندارعا ارلەنگەن كۇيىندە تاپسىرىلدى. ولار تولىقتاي قونىستانۋعا دايىن, ۇيلەرگە قاجەتتى كوممۋنيكاتسيالار جۇرگىزىلگەن. باستاپقى جارنا جانە ارتىق تولەم جوق. 20 جىل وتكەننەن كەيىن پاتەرلەر جالداۋشىلاردىڭ مەنشىگىنە وتەدى.
جاڭا جالداۋشىلارعا سويلەگەن سوزىندە «كيك» يۇ» اق باسقارما توراعاسى ءادىل مۇحامەتجانوۆ قونىستانۋشىلاردى قۇتتىقتادى جانە مەملەكەت باسشىسىنىڭ قازاقستاندىقتار ءۇشىن تۇرعىن ءۇيدىڭ قولجەتىمدى بولۋى تۋراسىنداعى تاپسىرماسىن ورىنداۋدىڭ ماڭىزدىلىعى تۋرالى ايتتى:
«نۇرلى جەر» مەمباعدارلاماسىنىڭ ماڭىزدى مىندەتتەرىنىڭ ءبىرى ازاماتتاردىڭ الەۋمەتتىك وسال توپتارىنىڭ تۇرعىن ءۇي جاعدايلارىن جاقسارتۋ بولىپ تابىلادى. سوڭعى 4 جىل ىشىندە ۇلكەن جۇمىس جاسالدى. بۇگىندە «كەيىننەن ساتىپ الۋمەن جالعا بەرىلەتىن تۇرعىن ءۇي» باعىتى بويىنشا سالىنعان پاتەرلەردە شامامەن 18 مىڭنان استام وتباسى تۇرىپ جاتىر. وسىنشاما اسەرلى دەرەكتەر – بارلىق تاراپتان جوسپارلانعان جۇمىستاردىڭ ءساتتى ناتيجەسى مەن تيىمدىلىك كورسەتكىشى», - دەدى ءادىل مۇحامەتجانوۆ.
«كەيىننەن ساتىپ الۋمەن جالعا بەرىلەتىن تۇرعىن ءۇي» باعىتى مەملەكەت باسشىسى باستامالىق ەتكەن «نۇرلى جەر» مەملەكەتتىك تۇرعىن ءۇي قۇرىلىسى باعدارلاماسىنىڭ بولىگى بولىپ تابىلادى. «بايتەرەك» ۇبح» اق-نىڭ ەنشىلەس ۇيىمى بولىپ تابىلاتىن «قازاقستان يپوتەكالىق كومپانياسى» يۇ» اق باعدارلاما وپەراتورلارىنىڭ ءبىرى بولىپ تابىلادى.
