«الەمنىڭ كەيبىر ايماقتارىنداعى وقيعالاردى باقىلاۋدا ءبىز ەلىمىزدىڭ تاۋەلسىزدىگىن ودان ءارى باعالاپ, قاۋىپسىزدىكتى نىعايتۋعا جانە وتانىمىزدىڭ وركەندەۋىنە قولايلى جاعداي تۋعىزۋعا بار كۇش-جىگەرىمىزدى جۇمساۋىمىز قاجەت», - دەدى ءوز سوزىندە سىرتقى ىستەر ءمينيسترى قايرات ءابدىراحمانوۆ.
سىرتقى ىستەر ءمينيسترى پرەزيدەنت نۇرسۇلتان نازارباەۆتىڭ ەگەمەن جانە تاۋەلسىز قازاقستاندى قۇرۋداعى ايرىقشا رولىنە ەرەكشە نازار اۋدارىپ, ەلباسىنىڭ دانا جانە كورەگەن ساياساتىنىڭ ارقاسىندا ءبىزدىڭ ەلىمىزدىڭ تابىستارى الەمنىڭ بارلىق جەرلەرىندە بەلگىلى.
«بيىل ەلىمىزدىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە جۇمىسىنىڭ ەكى جىلدىق كەزەڭى اياقتالادى. بۇل ءسوزسىز پرەزيدەنت ن.نازارباەۆتىڭ باسشىلىعىمەن تاۋەلسىز قازاقستاندىق ديپلوماتيانىڭ جەتىستىگى بولىپ تابىلادى», - دەدى مينيستر. ونىڭ ايتۋىنشا, قازاقستاننىڭ بۇۇ قاۋىپسىزدىك كەڭەسىنە مۇشە بولۋىنىڭ ەكى جىلدىق كەزەڭىندە مەملەكەت باسشىسىنىڭ, بىرىنشىدەن ورتالىق ازيا ايماعىندا تۇراقتىلىق پەن قاۋىپسىزدىكتى نىعايتۋعا, حالىقارالىق لاڭكەستىككە قارسى, قارۋسىزدانۋ مەن يادرولىق قارۋدى تاراتپاۋعا باعىتتالعان بەيبىتشىل باستامالارىن ىلگەرىلەتۋگە ءبىزدىڭ ەل قول جەتكىزدى.
ءوتىپ بارا جاتقان جىل ەلىمىزدە وتكىزىلەتىن ءتۇرلى حالىقارالىق ءىس-شارالارعا تولى بولدى. تاريحي اقتاۋ ءسامميتىنىڭ ءوتۋى ەرەكشە اتاپ ءوتىلدى. ونىڭ ناتيجەسىندە كاسپي تەڭىزىنىڭ قۇقىقتىق مارتەبەسى تۋرالى كونۆەنتسيا جاسالىپ, بۇل سۋ رەزەرۆۋارىن بىرەگەي مارتەبەسىن بەيبىتشىلىك پەن ءوزارا ءتيىمدى ىنتىماقتاستىق ايماعى رەتىندە بىرىكتىردى.
مينيستر سونداي-اق ورتالىق ازيا ليدەرلەرىنىڭ العاشقى كونسۋلتاتيۆتى كەزدەسۋىن, سيريا جونىندە استانا پروتسەسىنىڭ جالعاسۋىن, «استانا» حالىقارالىق قارجى ورتالىعىنىڭ ىسكە قوسىلۋىن, الەمدىك جانە ءداستۇرلى دىندەر ليدەرلەرىنىڭ سەزىن, ۇجىمدىق قاۋىپسىزدىك تۋرالى شارت ۇيىمى جانە تمد سامميتتەرىن, استانا ەكونوميكالىق فورۋمىن جانە باسقا دا ەلەۋلى حالىقارالىق ءىس-شارالاردىڭ وتكىزىلۋىن اتاپ ءوتتى.
ق. ءابدىراحمانوۆ سىرتقى ىستەر مينيسترلىگىنىڭ ۇجىمىنا ەلدىڭ سىرتقى ساياساتىنىڭ باسىمدىقتارىن جۇزەگە اسىرۋعا قوسقان ۇلەسى ءۇشىن العىسىن ءبىلدىردى.
مەملەكەت باسشىسى نۇرسۇلتان نازارباەۆتىڭ جارلىعىمەن قازاقستان ديپلوماتياسىنىڭ بىرقاتار ارداگەرلەرى مەن قىزمەتكەرلەرى مەملەكەتتىك ناگرادالارمەن ماراپاتتالدى: «پاراسات» وردەنىمەن - ءسىم ەرەكشە تاپسىرمالار جونىندەگى ەلشىسى ايىمدوس بوزجىگىتوۆ جانە قر ديپلوماتيالىق قىزمەتىنىڭ ارداگەرى ءمادينا جاربوسىنوۆا; ءىى دارەجەلى «دوستىق» وردەنىمەن - ءسىم ەرەكشە تاپسىرمالار جونىندەگى ەلشىسى الماز حامزاەۆ جانە قر ديپلوماتيالىق قىزمەتىنىڭ ارداگەرلەرى اقمارال ارىستانبەكوۆا جانە قايرات ابۋسەيىتوۆ; «قۇرمەت» وردەنىمەن - ءسىم جاۋاپتى حاتشىسى ەرمەك كوشەرباەۆ, قازاقستاننىڭ گەرمانياداعى ەلشىسى بولات ءنۇسىپوۆ, قر ديپلوماتيالىق قىزمەتىنىڭ ارداگەرى قايرات يساعاليەۆ جانە ءسىم جالپىازيالىق ىنتىماقتاستىق دەپارتامەنتى ديرەكتورىنىڭ ورىنباسارى رۋسلان احمەت ماراپاتتالدى.
سونىمەن قاتار, مينيسترلىكتىڭ بىرقاتار قىزمەتكەرلەرى «ەرەن ەڭبەگى ءۇشىن» مەن «استانا 20 جىل» مەدالدارىمەن جانە قازاقستان رەسپۋبليكاسىنىڭ قۇرمەت گراموتاسىمەن ماراپاتتالدى.
