تاسبوگەت كەنتىنىڭ تۇرعىندارىن تاۋەلسىزدىك كۇنى مەرەكەسىمەن جانە بالاباقشانىڭ اشىلۋىمەن قۇتتىقتاعان وبلىس اكىمى ق.كوشەرباەۆ:
- قىزىلوردا قالاسى بويىنشا بۇگىنگى كۇنى جالپى سانى 237 مەكتەپكە دەيىنگى ءبىلىم بەرۋ ۇيىمى بار. ونىڭ ىشىندە مەملەكەتتىك بالاباقشا سانى - 26, مەكتەپ جانىنان اشىلعان شاعىن ورتالىق - 6, جەكە بالاباقشا سانى – 205. 2015 جىلى 3-6 جاس ارالىعىنداعى بۇلدىرشىندەردى مەكتەپكە دەيىنگى تاربيەمەن قامتاماسىز ەتۋدى مەرزىمىنەن بۇرىن 100 پايىزعا ورىندادىق. مۇندا مەملەكەتتىك-جەكەمەنشىك ارىپتەستىكتى دامىتۋدىڭ ارقاسىندا ۇلكەن جۇمىستار اتقارىلدى. بۇگىنگى كۇنى بالاباقشالاردىڭ 71,2 پايىزى مەملەكەتتىك-جەكەمەنشىك ارىپتەستىك نەگىزىندە جۇمىس ىستەپ تۇر,-دەدى.
سول كۇنى قورقىت اتا كوشەسىندە «Small» ساۋدا ءۇيى دە اشىلدى. مۇندا 12 مىڭنان استام تاۋاردىڭ تۇرلەرى ۇسىنىلىپ, 134 ادام تۇراقتى جۇمىسپەن قامتىلدى. ءسوز رەتى كەلگەندە ايتا كەتەيىك, بۇل - قىزىلوردادا «Small» ساۋدا جەلىسىنىڭ ءتورتىنشى دۇكەنى. جىل باسىنان بەرى وبلىس ورتالىعىندا 67 كاسىپكەرلىك نىسان اشىلىپ, وندا 1219 جاڭا جۇمىس ورنى قۇرىلعان.
باقتيار تايجان,
«ەگەمەن قازاقستان»
