كەزدەسۋگە وسكەمەن قالاسى د.سەرىكباەۆ اتىنداعى شىعىس قازاقستان مەملەكەتتىك ۋنيۆەرسيتەتىندە وتكەن «گىر سپورتىنان قول كۇرەسى بويىنشا استانا قالاسىنىڭ 20 جىلدىعى مەن حالىقارالىق دارەجەدەگى تورەشى ۆ.ف.گەلەرتتى ەسكە الۋعا ارنالعان قازاقستان رەسپۋبليكاسىنىڭ كۋبوگىندە» 70 كگ سالماق دارەجەسىندە قر مادەنيەت جانە سپورت مينيسترلىگىنىڭ ديپلومىن يەلەنىپ, 1-ءىنشى ورىن «التىن مەدال» العان, ارمرەستلينگ كۋبوگىنىڭ يەگەرى دياس ەسكەرمەسوۆ مەن ونىڭ اناسى مايگۇل قايسارحانوۆا كەلدى.
جانە وسى كەزدەسۋگە «اق تاي» مۇمكىندىگى شەكتەۋلى بالالاردى قولداۋ قورى قوعامدىق بىرلەستىگى توراعاسىنىڭ ورىنباسارى باقىت سۇلتانوۆا, مۇگەدەك بالالارمەن جۇمىس بويىنشا الەۋمەتتىك كومەك بولىمشەسىنىڭ مەڭگەرۋشىسى ءجاميليا امىرگاليەۆا دا قاتىستى.
-كەزدەسۋدىڭ ماقساتى 27943 اسكەري ءبولىمى بايلانىس تورابىنىڭ تەلەگرافشى مامانى, كىشى سەرجانت مايگۇل قايسارحانوۆانىڭ ۇلگى تۇتارلىق تاربيە - ونەگە, تاجىريبەسىمەن ءبولىسۋ بولىپ تابىلدى,-دەدى اسكەري مامان دينارا اكىمبەكوۆا,-وسى ارقىلى قوعامداعى مۇمكىندىگى شەكتەۋلى بالالاردىڭ جانە ولاردىڭ اتا-انالارىن ۇمىتتەندىرىپ, قولداۋ كورسەتۋىمىز قاجەت بولدى.
كەزدەسۋدە مۇمكىندىگى شەكتەۋلى بالالار تاربيەلەپ وتىرعان اتا-انالار ارنايى كەلگەن مامانداردان كەڭەس الىپ, كوكەيلەرىندەگى سۇراقتارىن قويدى. دياستىڭ اناسى مايگۇل سايلاۋبەكقىزىمەن قىزۋ سۇحباتتاستى.
-قازىرگى كەزەڭدە كوپتەگەن جاس وتباسىلار تۇرمىس قۇرىپ, شاڭىراق كوتەرگەننەن كەيىن ومىرگە ءسابي اكەلگەندە شالا تۋىلعان نەمەسە كەمتار پەرزەنتتەرىنەن باس تارتىپ جاتادى,-دەدى مايگۇل سايلاۋبەكقىزى,-قيىنشىلىقتارعا قارسى تۇرۋدا جىگەرلەرى جاسىپ, اجىراسىپ كەتۋ ءجايتتارى دا بار. ءسىڭلى – باۋىرلارىما ايتارىم ەشقاشان مويىماي, تاعدىر سىنىنا توتەپ بەرۋدە قايسارلىق تانىتا بىلىڭىزدەر. مەن وسىندايدى باستان وتكەرگەندىكتەن قانداي دا بولسىن قيىنشىلىقتىڭ ارتى سىي-قۇرمەت ەكەنىن جەتكىزگىم كەلەدى. كورەر قىزىعىمىز بەن قۋانىشتارىمىز ءالى الدا! دياسىم قازىر مەنى سوعان جەتكىزۋدە.
اسەرلى كەزدەسۋ مۇمكىنشىلىگى شەكتەۋلى بالالارى بار اتا-انالارعا عانا ەمەس اسكەري بولىمدەگى جاس ساربازدارعا دا ۇلگى بولدى. كەزدەسۋ سوڭىندا مۇمكىندىگى شەكتەۋلى بۇلدىرشىندەرگە تاتتىلەر تاراتىلىپ, كەلگەن قوناقتارمەن ەستەلىككە سۋرەتكە ءتۇستى. اسكەري بولىمدەگى اسكەري قىزمەتشىلەردىڭ وتباسىلارىمەن جۇمىس قىزمەتىنىڭ جەتەكشىسى راۋان قىمباتبەكوۆا قوعاممىمىزداعى ءبىلىمدى, بىلىكتى, كۇشتى جاۋىنگەرلەر مۇمكىندىگى شەكتەۋلى بالالاردى ارقاشان قورعايدى, كەزدەسۋگە بريگادا كومانديرى پودپولكوۆنيك بەگىمبەت تاجىباەۆ تا قاتىسىپ, بارلىعىنا اق جول تىلەپ, قيىندىقتارعا مويىنسۇنباڭىزدار دەگەن تىلەگىن ايتتى.
راۋشان قابجانقىزى,
سەمەي
