مەيىربيكە قىزمەتىنىڭ جاڭا مودەلىن ەنگىزۋ بويىنشا پيلوتتىق جوبا 31 پيلوتتىق مەديتسينا ۇيىمى نەگىزىندە — قر جەتى وڭىرىندە جوعارى مەديتسينالىق كوللەدجدەردىڭ كلينيكالىق بازالارىندا (كوپبەيىندى ۇلكەن ادامدار مەن بالالار ستاتسيونارلارى, ەمحانالار, پەريناتالدىق ورتالىقتار) باستالدى.
«جاڭا مودەلدىڭ ءمانى – ەگەر وسىعان دەيىن كۇرەتامىرلىق قىسىم, گيپەرتەنزيا سەكىلدى كوپ تارالعان اۋرۋ تۇرلەرى بويىنشا مەديتسينالىق كومەك كورسەتۋ كەزىندە ناۋقاستارعا قاتىستى شەشىمدى دارىگەرلەر عانا قابىلدايتىن بولسا, ەندى مەيىربيكەلەر دە تاجىريبەلىك تۇرعىدان دايىن بولۋى كەرەك», — دەدى ە. ءبىرتانوۆ.
وسى جوبا اياسىندا مەيىربيكە قىزمەتىنىڭ جاڭا مودەلىن ەنگىزۋدىڭ قاعيدالارى مەن ادىسنامالىق نەگىزدەرى ازىرلەنەتىن بولادى: ۇيىمنىڭ ۇيىمداستىرۋشىلىق قۇرىلىمى جانە شتاتتىق كەستەگە قويىلاتىن تالاپتار, جالپى پراكتيكاداعى قولدانبالى باكالاۆرلار مەن مەيىربيكەلەردىڭ فۋنكتسيونالدارى قايتا قارالىپ, جاڭا مەيىربيكەلىك قىزمەتتەردى ترافيكاتسيالاۋ تەتىكتەرى جانە ت.ب ازىرلەنەدى.
مينيستر قازاقستاندا ورتا بۋىن كادرلارى 76 مەديتسينالىق ءبىلىم بەرۋ ۇيىمدارىندا وقىتىلاتىنىن اتاپ ءوتتى.
سونىمەن قاتار, مەيىربيكەلەردى دايارلاۋ ساپاسىن ارتتىرۋ ءۇشىن قر دسم وقۋ كەزىندە جانە ونى اياقتاعان سوڭ كوللەدج ستۋدەنتتەرىنىڭ بىلىمىنە مىندەتتى سىرتتاي باعالاۋ جۇرگىزۋدى جوسپارلاپ وتىر. ونىڭ ناتيجەلەرى بويىنشا, كورسەتكىشتەر قاناعاتتاندىرارلىق بولماعان جاعدايدا, جۇمىس ىستەۋىنە رۇقسات ەتپەي نەمەسە وسى كوللەدجدەردى ليتسەنزيالارىنان ايىرۋ كوزدەلگەن.
ء«بىز مۇنداي مەحانيزمدى ەنگىزەمىز. زاڭ جوباسى پارلامەنت قاراۋىنا ۇسىنىلعان. كەلەسى جىلدان باستاپ مەديتسينالىق مەيىربيكەلەردىڭ وقىتىلۋ ساپاسىن قاتاڭ قاداعالايتىن بولامىز», — دەدى مينيستر.
بۇعان قوسا, بۇكىل مەيىربيكەلەر قىزمەتى جۇيەسىن مينيسترلىك كەزەڭ-كەزەڭمەن ەۋروپالىق ۇلگىگە كوشىرۋدى جوسپارلاعان. بۇل باعىتتاعى جۇمىستار 2014 جىلى فينليانديانىڭ قولدانبالى عىلىمدار ۋنيۆەرسيتەتتەرى فەدەراتسياسىمەن بىرگە باستالعان. 2018 جىلى «مەيىربيكە ءىسىنىڭ قولدانبالى باكالاۆرى» بىلىكتىلىگىمەن «مەيىربيكە ءىسى» ماماندىعى بويىنشا العاشقى تۇلەكتەر — 140 تۇلەك ءبىتىرىپ شىقتى. جىل سايىن ولاردىڭ سانى ارتا تۇسەتىن بولادى. سونىمەن قاتار اتالعان باعدارلاما بويىنشا اككرەديتاتسيالانعان ءبىلىم مەكەمەلەرىنىڭ سانى ارتادى.
فينليانديانىڭ قولدانبالى عىلىمدار ۋنيۆەرسيتەتىنىڭ فەدەراتسياسىمەن ءوزارا سەرىكتەستىك ءىس-قيمىلى اياسىندا «مەيىربيكە ءىسى» ماماندىعى بويىنشا قولدانبالى باكالاۆرياتتىڭ ءبىلىم بەرۋ باعدارلاماسى ازىرلەندى. اتالعان باعدارلامانى ىسكە اسىرۋ 2014 جىلعى قىركۇيەك ايىندا التى مەملەكەتتىك مەديتسينالىق كوللەدجدەر بازاسىندا ەكسپەريمەنت رەجيمىندە باستالعان جانە پراكتيكالىق بىلىكتىلىگى مىقتى مەديتسينالىق مەيىربيكەلەردى دايارلاۋعا باعىتتالعان. اتالعان باعدارلاما ەۋرووداق ەلدەرىندە كەڭىنەن تارالعان.
