سەسسيانىڭ كۇن تارتىبىنە ەۋروپا كەڭەسى ەلدەرىندەگى قۇقىق قورعاۋشىلار قۇقىقتارىن قامتاماسىز ەتۋ جانە ۇكىمەتتىك ەمەس ۇيىمدار قىزمەتىن شەكتەۋ, بوسقىندارعا باسپانا بەرۋ تۋرالى ۇسىنىمداردى ايماقتاردا شۇعىل قاراستىرۋ جانە قاۋىپسىز باسپانالار قالىپتاستىرۋ, كوشى-قون ساياساتىنداعى سىرتقى ماسەلەلەردىڭ ادام قۇقىقتارىنا اسەرى ەندى. پارلامەنتشىلەر سونداي-اق سيريامەن كورشى مەملەكەتتەردەگى بوسقىنداردىڭ گۋمانيتارلىق جاعدايىن, ەۋروپاداعى ءماجبۇرلى نەكەلەسۋدەگى وزەكتى ماسەلەلەردى جانە مادەني مۇرانى ساقتاۋ تاقىرىپتارىن دا تالقىلادى.
26 ماۋسىمدا سەناتورلار ەۋروپا سارايىندا ەۋروپا وداعى مەن ەۋروپا كەڭەسىنىڭ «قازاقستان ءادىل سوتى جۇيەسىنىڭ ساپاسى مەن تيىمدىلىگىن جاقسارتۋدا قازاقستان بيلىگىنە قولداۋ ءبىلدىرۋ» بىرلەسكەن باعدارلاماسىن ىسكە اسىرۋدى اياقتاۋ جونىندەگى دوڭگەلەك ۇستەل وتىرىسىنا قاتىستى. شاراعا ازەربايجان, گرۋزيا, يسپانيا, نيدەرلاند, شۆەتسيا, شۆەيتساريا, ۋكراينا پارلامەنتتىك دەلەگاتسيالارىنىڭ وكىلدەرى قاتىستى. دوڭگەلەك ۇستەلگە قازاقستان جاعىنان ىشكى ىستەر مينيسترلىگى, باس پروكۋراتۋرا جانە جوعارعى سوتتىڭ وكىلدەرى قاتىستى.
سەسسيا اياسىندا قازاقستان سەناتورلارى ازەربايجان جانە شۆەيتساريا دەلەگاتسيالارىنىڭ باسشىلارى س.سەيدوۆ جانە ف.لومبارديمەن, ەۋروپا حالىقتىق پارتياسى توبى توراعاسىنىڭ ورىنباسارى ە.زينگەريسپەن (ليتۆا), ەۋروپا حالىقتىق پارتياسى توبىنىڭ دەپۋتاتى, مولدوۆا پارلامەنتى توراعاسىنىڭ ورىنباسارى ۆ.گيلەتسكيمەن, ليبەرالدار مەن دەموكراتتار ءاليانسىنىڭ دەپۋتاتى ح.شۋكلامەن (يسپانيا) كەزدەستى.
