«مەنىڭ العاشقى ماماندىعىم IT – تەحنولوگياعا بايلانىستى, قازىر قازاقستاندا تسيفرلاندىرۋ ءجۇرىپ جاتقانىن ەسكەرسەك, بۇل اسا وزەكتى ماسەلە. تسيفرلاندىرۋ جانە كومپيۋتەرلىك تەحنولوگيالار زامانىندا پروگرامميست سيياقتى ويلاۋ جانە كەز كەلگەن ءىس-ارەكەتتەردى اۆتوماتتاندىرۋ قابىلەتتەرىن ءبىلۋ ماڭىزدى», دەدى «نۇر وتان» پارتياسىنىڭ الماتى قالالىق فيليالى توراعاسىنىڭ ورىنباسارى, قالالىق ءماسليحاتتىڭ دەپۋتاتى ستانيسلاۆ كانكۋروۆ.
IT-سىنىبى قورعانىس مينيسترلىگىنىڭ اسكەري-تەحنيكالىق مەكتەبىنىڭ بازاسىندا اشىلدى. وقۋعا ءارتۇرلى جاستاعى ەر ادامدار مەن ايەلدەر كەلدى. «ەڭ باستىسى ادامنىڭ وقۋعا دەگەن نيەتى مەن ۋاقىتى بولۋ كەرەك. وقۋ بارىسىندا مەن ءوز وي-ءورىسىمدى جانە كاسىبي بىلىكتىلىگىمدى ارتتىراتىنىما سەنىمدىمىن», دەدى كۋرسقا قاتىسۋشى, الماتىلىق نۇرمۇحان ەسىمدى جىگىت.
«نۇر وتان» پارتياسىنىڭ «تسيفرلى قازاقستان» جوباسى اياسىندا الداعى ءۇش جىلدا ەلىمىز بويىنشا تەگىن 1000 ءىت-سىنىپ اشۋ جوسپارلانىپ وتىر. بۇل جوبا بويىنشا جىلىنا 150 مىڭ بالا ءبىلىم الاتىن بولادى. پارتيانىڭ بۇل تىڭ باستاماسى اتالعان ماسەلەنىڭ وڭ شەشىلۋىنە ىقپالىن تيگىزەتىنى ءسوزسىز. ەرتەڭگى كۇنى 1000 IT بولاشاققا ورىلگەن ماماندىق يەسى, بىلگىر جاس بولىپ ومىرگە جولداما الادى. مۇنى «نۇر وتاننىڭ» قولعا الىپ جاتقان جارقىن باستاماسىنىڭ ءبىرى دەپ ويلاڭىز.
ساپارباي پارمانقۇل,
«ەگەمەن قازاقستان»
الماتى
