«نۇر وتان» پارتياسى جۇزەگە اسىرىپ جاتقان «بالالار ءۇشىن تەگىن ءىت-كابينەتتەر» جوباسى اياسىندا اقتوبە قالاسىنداعى №56 ورتا مەكتەپتە كەزەكتى ءىت-كابينەت اشىلدى. تسيفرلىق كابينەتتىڭ جۇمىسىمەن وبلىس اكىمى بەردىبەك ساپارباەۆ تانىسىپ شىقتى.
- ەل پرەزيدەنتىنىڭ اقتوبە قالاسىنداعى مەكتەپتەردى كومپيۋتەرلەرمەن جانە ينتەرنەتپەن قامتاماسىز ەتۋ تاپسىرماسى تولىقتاي ورىندالدى. كەيبىر اۋىلدىق جانە قالا سىرتىنداعى مەكتەپتەردە ينتەرنەت جىلدامدىعى تومەن. بىراق بۇل سۇراق جاڭا وقۋ جىلى باستالعانعا دەيىن كوپ جەرلەردە شەشىلەتىن بولادى. «تسيفرلىق قازاقستان» باعدارلاماسىنىڭ ارقاسىندا وڭىردە كوپتەگەن جوبالار جۇزەگە اسىرىلۋدا. ەڭ الدىمەن ولار حالىققا كورسەتىلەتىن قىزمەتتەر ساپاسىن كوتەرۋگە باعىتتالعان,-دەدى ءوڭىر باسشىسى.
ول 2018 جىلى «باقىتتى بالا» اۋقىمدى جوباسىنىڭ جۇزەگە اسىرىلىپ جاتقانىن اتاپ ءوتتى. جوبا باعىتتارىنىڭ ءبىرى - وبلىستىڭ ءبىلىم بەرۋ مەكەمەلەرىن ينتەراكتيۆتى جابدىقتارمەن جاراقتاندىرۋدى كوزدەپ وتىرعان «بالالاردىڭ ءىت الەمى».
- اتاپ ايتقاندا, اقتوبە مەن بارلىق اۋدانداردا روبوت تەحنيكاسى ورتالىقتارىن اشۋعا قاراجات بولىنگەن. باستىسى – بالالاردىڭ جوعارى ينتەللەكتۋالدى تەحنولوگيالارعا دەگەن قىزىعۋشىلىعىن وياتۋ. بۇل جاعدايدا پرەزيدەنت تاپسىرماسىن ساپالى ورىندايمىز,- دەپ اتاپ ءوتتى بەردىبەك ساپارباەۆ.
ايتا كەتەيىك, وقۋشىلار ءىت-كلاستاردا جازعى ۋاقىتتا دا وقي الادى. بالالار بىلىكتى پەداگوگتەردىڭ جەتەكشىلىگىمەن 3D-ۇلگىلەۋ, ارحيتەكتۋرا, ديزاين, انيماتسيا باعدارلامالارىن, باعدارلامالاۋ مەن web-سايتتاردى قۇرۋدى يگەرەدى. ءىت-كلاستىڭ بارلىق ءبىلىم بەرۋ باعدارلامالارى حالىقارالىق ستاندارتتارعا ساي.
اقتوبە وبلىسىندا «نۇر وتان» پارتياسىنىڭ جوباسى اياسىندا بيىل 20 IT-كلاسس اشىلماق. ولاردىڭ سەگىزى قالالىق, 12-ءسى اۋىلدىق مەكتەپتەردە. العاشقى ءۇش ءىت-كلاسس اقتوبەدەگى №9, №21 جانە №55 مەكتەپتەردە اشىلدى. جوبانىڭ ماقساتى – مەملەكەت باسشىسىنىڭ تاپسىرماسى مەن «تسيفرلىق قازاقستان» باعدارلاماسى اياسىندا جاس قازاقستاندىقتاردىڭ عىلىمي-شىعارماشىلىق جانە زەرتتەۋ داعدىلارىن ارتتىرۋ.
تەمىر قۇسايىن,
«ەگەمەن قازاقستان»
