پرەزيدەنتتىك وليمپيادا

مەملەكەت باسشىسى نۇر­سۇل­تان نازارباەۆ ءتاۋ ەتەر ءتاۋ­ەلسىزدىگىمىزدى العان كۇننەن باس­تاپ جاس ۇرپاققا ءبىلىم بەرۋ, تاربيەلى ەتىپ ءوسىرۋ ماسەلەسىن ءبىرىنشى كەزەككە شىعارىپ كەلە جاتقانى قالىڭ جۇرتقا ءمالىم. جىل سايىنعى جولداۋلارىندا دا بۇل يگى ءىس سالا-سالاعا ءبولى­نىپ, تياناقتى جۇمىستاردى تىڭ­عى­لىقتى اتقارۋ جايى دا العا تار­تىلىپ, اسىرەسە, جارا­تى­لىستانۋ پاندەرىن وقىتۋ تۋ­رالى باعىت-باعدار بەرىپ كەلەدى. وسى قام­­قورلىقتى قالت­قى­سىز ورىنداۋ ماقساتىندا ءبىلىم جانە عىلىم مينيسترلىگىنىڭ «دارىن» رەس­پۋب­­­­ليكالىق عى­لىمي-پراكتيكا­لىق ورتالىعى ماتەماتيكا, فيزيكا, بيولوگيا جانە حيميا ءپان­دەرىنەن پرەزيدەنتتىك وليمپيادا وتكىزۋدى داستۇرگە اينالدىرىپ وتىر. بيىل دا ۇلگى بولار ءۇردىس جال­عاسىن تاۋىپ, كەشە ەلوردادا ايتۋلى وليمپيادا ءوز جۇ­مى­سىن باستادى. بۇل جولعى ءبىلىم سايى­سى تاۋەلسىزدىگىمىزدىڭ 20 جىلدى­عىنا ارنالىپ وتىر­عانىن ايتا كەتسەك دەيمىز. ەل­ورداداعى «Ri­­­xos President Ho­tel Astana» قو­ناق­ۇيىنىڭ ءماجى­لىس زالىندا اش­ىل­عان سالتا­نات­قا ەلىمىزدىڭ بار­لىق ايما­عى­نان كەلگەن 160-قا تاياۋ 11-سى­نىپ وقۋشىلارى قا­تىس­تى. وليمپيادانىڭ باستى ماقسا­تى: جاراتىلىستانۋ-ماتە­ما­تي­كا­لىق باعىتتا دارىندى وق­ۋ­شى­لار­دى انىقتاپ, ولارعا قول­داۋ كور­سەتۋ, ءبىلىم-بىلىگى مىقتى تا­لانت­تى جاستارعا جاعداي جاساي وتى­رىپ, پاتريوتتىق رۋ­حىن بيىكتەتىپ, ەلدىك تۇرعىدا تاربيە بەرۋ. پرەزيدەنتتىك وليمپيا­دا­نىڭ باس دەمەۋشىسى بولىپ وتىر­عان «ەكسون موبيل قازاق­ستان ينك.» كومپانياسى ەكەنىن, بۇل كوم­­پا­نيا­نىڭ اركەز ۇرپاق تاربيە­سىنە, ولاردىڭ ءبىلىم الۋىنا قار­جىلاي كومەك كورسەتىپ, ونىڭ ىشىندە, جارا­تى­لىستانۋ پاندە­رى­نە اركەز ءىلتيپات تانىتا­تى­نىن اتاپ وتكە­نىمىز ءلازىم. وليمپياداعا قاتىسقان وقۋ­شىلاردىڭ ءبىلىمىن باعالاي­تىن قازىلار القاسىنىڭ ءتور­اعا­سى, اكادەميك, مەملەكەتتىك سىيلىق­تىڭ لاۋرەاتى مۇح­تار­باي وتەل­باەۆتىڭ ايتۋىنا قا­راعاندا, ءجۇز­دەن جۇيرىك جە­ڭىم­پازدار مەك­تەپ بىتىرگەننەن كەيىن وزدەرى قالاعان جوعارى وقۋ ورىندارىنا تۇسە الا­دى ەكەن. ول جارىس ءۇش كە­زەڭدە, ياعني تەوريالىق, ەكسپەري­مەنت­تىك جانە بريتان كەڭەسىنىڭ اع­ىلشىن تىلىنەن تەست تاپسىر­ما­لا­رىن ورىنداۋ بويىنشا وتە­تى­نىن دە العا تارتتى. سۇلەيمەن مامەت.